Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້122
mod_vvisit_counterຜູ້ເຂົ້າຊົມ ມື້ວານ1280
mod_vvisit_counterຜູ້ເຂົ້າຊົມ ອາທິດນີ້7792
mod_vvisit_counterຜູ້ເຂົ້າຊົມ ອາທິດ ຜ່ານມາ5295
mod_vvisit_counterຜູ້ເຂົ້າຊົມ ເດືອນນີ້13087
mod_vvisit_counterຜູ້ເຂົ້າຊົມ ເດືອນຜ່ານມາ0
mod_vvisit_counterລວມທັງຫມົດ13087

Online (20 minutes ago): 13
Your IP: 54.162.10.211
,
Today: Sep 23, 2017
ການອອກໃບຕາດິນຊ້ຳຊ້ອນ-ທັບຊ້ອນ ເປັນບັນຫາຕ້ອງແກ້ໄຂຮີບດ່ວນ ແລະ ຂາດຕົວ PDF Print E-mail
Written by ສົມອຸລາ ຍະພິຈິດ   
Tuesday, 06 June 2017 15:15

alt

ການ​ອອກ​ໃບ​ຕາດິນ​ຊໍ້າຊ້ອນ ແລະ ທັບ​ຊ້ອນ 2 ຄຳ​ນີ້ ແມ່ນມີ​ຄວາມ​ໝາຍ​ຕ່າງ​ກັນຢ່າງ​ຊັດເຈນ ເຊິ່ງ​ການ​ອອກ​ໃບ​ຕາດິນຊໍ້າຊ້ອນ ໝາຍ​ເຖິງ​ການ​ອອກ​ໃບຕາດິນ​ໃຫ້​ຜູ້​ອື່ນ​ແລ້ວ ພາຍຫຼັງ​ມາໄດ້​ອອກ​ໃບ​ຕາດິນເລກ​ທີ​ດຽວ​ກັນ ຫຼື ຕ່າງ​ກັນ ໃຫ້​ແກ່​ບຸກຄົນ​ອື່ນ​ໃນສະຖານທີ່​ດຽວ​ກັນ (ທີ່​ຕັ້ງ ແລະ ເນື້ອທີ່​ອັນ​ດຽວ​ກັນ) ແລະ ຄຳ​ວ່າການ​ອອກ​ໃບ​ຕາດິນ​ທັບ​ຊ້ອນ ໝາຍ​ເຖິງ​ການ​ອອກ​ໃບ​ຕາດິນທີ່ມີ​ເນື້ອທີ່​ເລື່ອມ​ກັນ​ສ່ວນ​ໃດ​ສ່ວນໜຶ່ງ ຫຼື ອອກ​ໃນ​ສະຖານທີ່​ທີ່​ມີແຜນທີ່​ດິນ​ອອກ​ໃຫ້​ກ່ອນ​ແລ້ວ ໂດຍ​ທັງ​ສອງ​ຄຳ​ສັບ ແລະ ສອງບັນຫາ​ນີ້ ຍັງ​ເປັນ​ບັນຫາ​ທີ່​ທຸກພາກສ່ວນ​ກ່ຽວຂ້ອງ​ໃນ​ສັງຄົມ ຕ້ອງ​ພ້ອມ​ກັນ​ແກ້​ໄຂ​ຮີບ​ດ່ວນ ແລະ ຂາດ​ຕົວ ເພື່ອ​ການ​ພັດ​ທະນາ​ທີ່​ຖືກຕ້ອງສອດຄ່ອງ ແລະ ຍືນ​ຍົງ.

ໄລຍະ 5 ປີຜ່ານມາ (2011-2016) ພະ​ແນກ​ຊັບພະຍາກອນທຳ​ມະ​ຊາດ ແລະ ສິ່ງແວດລ້ອມ ນະຄອນຫຼວງ​ວຽງ​ຈັນ (​ພຊສ ນວ) ໄດ້​ເອົາໃຈໃສ່​ຢ່າງ​ຕັ້ງໜ້າ​ເຂົ້າ​ໃນການຈັດຕັ້ງ​ປະຕິບັດ​ວຽກ​ງານ​ວິຊາ​ສະເພາະ​ຂອງ​ຕົນ ດ້ວຍ​ຄວາມຮັບຜິດຊອບ​ສູງ ອັນ​ເຮັດ​ໃຫ້​ຂະແໜງ​ວຽກ​ງານຄຸ້ມ​ຄອງ​ທີ່​ດິນ ຈັດ​ສັດ-ພັດທະນາ​ທີ່​ດິນ ລວມ​ທັງຊັບພະຍາກອນ​ນ້ຳ ແລະ ສິ່ງແວດ​ລ້ອມ​ຂອງນະຄອນຫຼວງວຽງ​ຈັນ ​ໄດ້​ຮັບ​ການ​ປັບປຸງ​ດີ​ຂຶ້ນເປັນ​ລຳດັບ​ວຽກ​ງານລາຍ​ຮັບ ຄ່າ​ບໍລິການ​ດ້ານ​ວິຊາ​ການ ສາມາດ​ປະຕິບັດ​ໄດ້ 20 ຕື້​ກວ່າ​ກີບ ລາຍ​ຮັບ​ຄາ​ທຳນຽມ (ທີ່​ພົວພັນກັບ​ຕົວ​ເລກ​ລາຍ​ຮັບ​ຂອງ​ຂະແໜງ ສ່ວນ​ສາ​ອາກອນ ນວ) ປະຕິບັດ​ໄດ້ 50 ຕື້​ກວ່າ​ກີບ ວຽກງານ​ການ​ສຳ​ຫຼວດ​ທີ່​ດິນ 8 ປະເພດ​ຕາມ​ກະຊວງ​ຊັບພະຍາກອນທຳ​ມະ​ຊາດ ແລະ ສິ່ງແວດລ້ອມວາງ​ອອກ ​ພຊສ ນວ ສາມາດ​ປະຕິບັດ​ໃນ 9 ຕົວ​ເມືອງຄື: ດິນ​ປຸກ​ສ້າງມີ 50.257 ເຮັກຕາ ດິນ​ກະສິກຳ 149.126 ດິນ​ປ່າໄມ້ 168.362 ດິນ​ບໍລິເວນ​ນ້ຳ 19.691 ດິນ​ອຸດສາຫະກຳ 2.844 ດິນ​ຄົມມະນາຄົມ 2.599 ດິນ ​​ປກສ-​ປກຊ 891 ແລະ ດິນ​ວັດທະນາ​ທຳ 2.371 ເຮັກຕາ ລວມ​ທັງ​ໝົດ 396.060 ເຮັກຕາ ຄຽງ​ຄູ່​ກັນ​ນັ້ນ ພຊສ ນວ ຍັງ​ໄດ້​ສຳເລັດ​ການ​ຂຶ້ນ​ທະບຽນອອກ​ໃບ​ຕາດິນ​ທັງ​ໝົດ 209.492 ຕອນ 2/2017 ແລະ ພວມ​ດຳເນີນ​ຢູ່ 53.259 ຕອນ ໄດ້​ແບ່ງ​ແຍກ ແລະ ລວມຕອນ​ດິນ ຈຳນວນ 94.917 ຕອນ ພ້ອມ​ກັບ​ຂຶ້ນ​ສະຖິຕິ​ສຳມະໂນທີ່​ດິນ​ທັງ​ໝົດ​ທົ່ວ​ນະຄອນຫຼວງໄດ້ 262.751 ຕອນ.

ລະຫວ່າງວັນ​ທີ 5-6 ມິຖຸນາ 2017 ຢູ່​ທີ່​ສູນ​ການ​ຮ່ວມ​ມື​ສາກົນ ລາວ-ຍີ່ປຸ່ນ (ICTC) ພະ​ແນກ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ໄດ້​ຈັດ​ກອງ​ປະຊຸມວຽກ​ງານ​ຄຸ້ມ​ຄອງ-ບໍລິຫານທີ່​ດິນ ແລະ ສິ່ງແວດລ້ອມ ເພື່ອ​ເປັນ​ການ​ສະຫຼຸບ​ຕີ​ລາຄາ​ຄືນ ວຽກ​ງານ 5 ປີ ໂດຍ​ເປັນ​ປະທານທ່ານ ບຸນ​ໂຮມ ເຮືອງ​ສະ​ຫວັດ ຫົວໜ້າ ​ພຊສ ນວ ໃຫ້​ກຽດ​ເຂົ້າຮ່ວມ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງນະຄອນຫຼວງ​ວຽງ​ຈັນ ພ້ອມ​ດ້ວຍ​ຜູ້ຕາງໜ້າ​ຈາກ​ພາກສ່ວນ​ກ່ຽວຂ້ອງ ໂດຍ​ກອງ​ປະຊຸມຄັ້ງ​ນີ້ ມີ​ເປົ້າ​ໝາຍ​ສຳຄັນ​ແນໃສ່ສະຫຼຸບ ແລະ ຫາລື​ບັນຫາ​ທີ່​ກ່ຽວພັນ​ກັບ​ວຽກ​ງານ​ຄຸ້ມ​ຄອງ-ບໍ​ລິຫານ​ທີ່​ດິນ ທີ່​ເຫັນ​ວ່າ​ມີ​ຄວາມສັບ​ສົມ​ສູງ​ພໍ​ສົມຄວນ ພ້ອມ​ກັບຮັບ​ຟັງ​ຄຳ​ຄິດ​ເຫັນ​ຈາກ​ທຸກ​ພາກສ່ວນ​ກ່ຽວຂ້ອງ​ໃນ​ສັງຄົມ ເພື່ອເຮັດ​ໃຫ້​ວຽກ​ງານ​ດັ່ງກ່າວ ໄດ້​ຮັບການ​ປັບປຸງ-ແກ້​ໄຂ​ຢ່າງ​ຖືກຕ້ອງ-ສອດຄ່ອງ ແນໃສ່​ບັນລຸ​ໄດ້​ຍຸດ​ທະສາດກ່ຽວ​ກັບ​ທີ່​ດິນ​ຮອດ​ປີ 2025 ແລະ ວິໄສ​ທັດກ່ຽວ​ກັບ​ທີ່ດິນ ຮອດ​ປີ 2050 ທີ່​ຂັ້ນ​ເທິງ​ວາງອອກ​ປາກົດ​ຜົນ​ເປັນ​ຈິງ​ເທື່ອ​ລະກ້າວ.