Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້188
mod_vvisit_counterຜູ້ເຂົ້າຊົມ ມື້ວານ401
mod_vvisit_counterຜູ້ເຂົ້າຊົມ ອາທິດນີ້188
mod_vvisit_counterຜູ້ເຂົ້າຊົມ ອາທິດ ຜ່ານມາ8071
mod_vvisit_counterຜູ້ເຂົ້າຊົມ ເດືອນນີ້13554
mod_vvisit_counterຜູ້ເຂົ້າຊົມ ເດືອນຜ່ານມາ0
mod_vvisit_counterລວມທັງຫມົດ13554

Online (20 minutes ago): 18
Your IP: 54.224.230.51
,
Today: Sep 24, 2017
ທະນາຄານໂລກ ຊ່ວຍເຫຼືອວຽກຄຸ້ມຄອງຊັບພະຍາກອນນ້ຳ ມູນຄ່າ 200 ຕື້ກີບ PDF Print E-mail
Written by ນ. ດາລາວັນ ຫລວງໂຄດ   
Monday, 31 July 2017 09:57

alt

ນັບ​ແຕ່​ປີ 2012 ເປັນຕົ້ນ​ມາ ລັດຖະບານ​ລາວ ໄດ້​ຮັບ​ການຊ່ວຍເຫຼືອ​ຈາກ​ທະນາຄານ​ໂລກ ໃນ​ການຈັດຕັ້ງ​ປະຕິບັດ​ ວຽກ​ງານ ຄຸ້ມ​ຄອງ​ ຊັບພະຍາກອນ​ນ້ຳ ແບບປະສົມ​ປະສານ ລວມ​ທັງ​ການຮ່າງ​ກົດໝາຍ ວ່າ​ດ້ວຍນ້ຳ ແລະ ຊັບພະຍາກອນ​ນ້ຳ ການ​ສ້າງແຜນ​ຄຸ້ມ​ຄອງ ​ອ່າງ​ນ້ຳ ການ​ສະໜອງ​ນ້ຳ​ ຊົນລະປະທານ ໃນ​ຂອບເຂດ ​ທົ່ວ​ປະເທດ ການ​ປັບປຸງ​ໂຄງລ່າງ​ພື້ນຖານ​ເພື່ອ​ຕ້ານ​ໄພ​ນ້ຳຖ້ວມ ຕະຫຼອດ​ຮອດ​ການ​ລິ​ເລີ່ມວຽກ​ງານ​ການ​ຄຸ້ມ​ຄອງ​ການ​ປະມົງ​ຊຸມ​ຊົນ ເຊິ່ງ​ຕະຫຼອດ​ໄລຍະ ການ​ປະຕິບັດ​ງານ ​ເກືອບ 6 ປີ ເຫັນ​ວ່າ​ວຽກ​ງານ​ດັ່ງກ່າວ ມີຄວາມ​ຄືບ​ໜ້າ ແລະ ຕອບ​ສະໜອງ​ໄດ້​ຄວາມ​ຮຽກຮ້ອງ​ຕ້ອງການ​ຂອງ​ປະຊາຊົນ ກໍ່​ຄືແຜນພັດທະນາ​ເສດຖະກິດ-ສັງຄົມຂອງ​ປະເທດ.

ພິທີ​ເຊັນ​ສັນຍາ​ ຊ່ວຍເຫຼືອ​ ດ້ານການ​ເງິນ ລະຫວ່າງ ກະຊວງ ການ​ເງິນ ແລະ ທະນາຄານ​ໂລກ ມູນ​ຄ່າ 25 ລ້ານ​ໂດ​ລາ ​ສະຫະລັດ ຫຼື ປະມານ 200 ກວ່າ​ຕື້​ກີບ ເພື່ອ​ສືບຕໍ່​ຈັດ​ຕັ້ງ​ປະຕິບັດ ​ວຽກງານ ​ປັບປຸງ​ຄຸ້ມ​ຄອງ ຊັບ​ພະຍາກອນ​ນ້ຳ ໄລຍະ​ທີ 2 ແຕ່​ນີ້​ຮອດປີ 2021 ຈັດ​ຂຶ້ນ ວັນ​ທີ 26 ກໍ​ລະກົດ 2017 ທີ່​ນະຄອນຫຼວງ​ວຽງຈັນ ຮ່ວມ​ລົງ​ນາມ ​ທ່ານ​ ນາງ ທິບພະ​ກອນ ຈັນທະ​ວົງສາ ຮອງ​ລັດຖະ​ມົນຕີ​ ກະຊວງ​ ການ​ເງິນ ແລະ ທ່ານ​ ນາງ ແອນ​ເລັນ ໂກນສ​ແຕັງ ຜູ້ອຳນວຍການ ​ທະນາຄານ​ໂລກ ປະຈຳ ​ລາວ, ກຳປູເຈຍ ແລະ ມຽນ​ມາ ໃຫ້​ກຽດ​ເຂົ້າ​ຮ່ວມ ​ທ່ານ ສົມ​ດີ ດວງ​ດີ ຮອງ​ນາຍົກ​ລັດ​ຖະມົນຕີ ລັດຖະມົນຕີ ​ກະຊວງ ​ການເງິນ ພ້ອມ​ດ້ວຍ​ຜູ້ຕາງໜ້າ​ຈາກພາກສ່ວນ​ກ່ຽວຂ້ອງ.

ໂຄງການ​ຄຸ້ມ​ຄອງ​ຊັບ​ພະຍາກອນ​ນ້ຳ​ແບບ​ປະສົມ​ປະສານ ​ຢູ່ແມ່ນ້ຳ​ຂອງ​ຕອນ​ລຸ່ມ ມີ​ເປົ້າ​ໝາຍເພື່ອ​ປັບປຸງ​ລະບົບ​ການ​ຄຸ້ມ​ຄອງ ວຽກ​ງານ​ຊັບພະຍາກອນ​ນ້ຳ​ໃນທົ່ວ​ປະເທດ ພາຍ​ໃຕ້​ການ​ຊີ້​ນຳຂອງ​ລັດຖະບານ ກໍ່​ຄືກະຊວງຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ແລະ ກະຊວງ​ກະສິ​ກຳ ແລະ ປ່າໄມ້ ແນໃສ່​ສ້າງຄວາມ​ຍືນ​ຍົງ​ໃຫ້​ແກ່​ວຽກ​ງານຄຸ້ມ​ຄອງ​ຊົນລະປະທານ ການ​ປະມົງ ພະລັງງານ​ໄຟຟ້າ ຊັບ​ພະຍາກອນ​ນ້ຳ ການ​ປົກ​ປັກ​ຮັກສາ​ສິ່ງແວດ​ລ້ອມ ເພື່ອ​ຫຼຸດຜ່ອນ​ໄພພິບັດ ລວມ​ທັງ​ການ​ຮ່າງ​ລະບຽບ​ການຕ່າງໆ ​ທີ່​ກ່ຽວ​ພັນ​ກັບ​ວຽກ​ງານຊັບພະຍາກອນ​ນ້ຳ ໂດຍ​ສະເພາະແມ່ນ​ການ​ປະກອບສ່ວນ​ດ້ານ​ຂໍ້ມູນ​ ເຂົ້າ​ໃນ​ການ​ວາງ​ແຜນ​ຂອງລັດຖະບານ​ຕື່ມ​ອີກ.