Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້158
mod_vvisit_counterຜູ້ເຂົ້າຊົມ ມື້ວານ603
mod_vvisit_counterຜູ້ເຂົ້າຊົມ ອາທິດນີ້4596
mod_vvisit_counterຜູ້ເຂົ້າຊົມ ອາທິດ ຜ່ານມາ5226
mod_vvisit_counterຜູ້ເຂົ້າຊົມ ເດືອນນີ້16034
mod_vvisit_counterຜູ້ເຂົ້າຊົມ ເດືອນຜ່ານມາ9298
mod_vvisit_counterລວມທັງຫມົດ680570

Online (20 minutes ago): 0
Your IP: 54.167.126.106
,
Today: Jan 20, 2018
ທ່ານນາຍົກລັດຖະມົນຕີໂອ້ລົມຕໍ່ກອງປະຊຸມທີ່ດິນທົ່ວປະເທດປະຈຳປີ 2017 PDF Print E-mail
Written by ພະແນກ ຂ່າວສານ ແລະ ອິນເຕີເນັດ   
Friday, 12 January 2018 16:54

alt


ໃນໂອກາດທີ່ເຂົ້າຮ່ວມຮັບຟັງການສະຫຼູບກອງປະຊຸມວຽກງານທີ່ດິນທົ່ວປະເທດປະຈຳປີ 2017 ຊຶ່ງໄດ້ຈັດຂຶ້ນໃນລະຫວ່າງວັນທີ 20 ຫາ 22 ມັງກອນ 2018 ນີ້ ທີ່ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ກ່າວບາງຕອນຕໍ່ກອງປະຊຸມວ່າ: ການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ 2017 ມີທັງຂໍ້ສະດວກ ມີທັງກາລະໂອກາດເອື້ອອໍານວຍໃຫ້ພວກເຮົາ ແຕ່ເວລາດຽວກັນນັ້ນ ກໍ່ມີຄວາມຫຍຸ້ງຍາກ ສິ່ງທ້າທາຍ ໄປຄຽງຄູ່ກັນ ກະຄືກັບບັນດາສະຫາຍໄດ້ຍິນແລ້ວ ໄດ້ຟັງແລ້ວ ໄດ້ຄົ້ນຄວ້າແລ້ວ ໃນການສະຫຼຸບປະຈຳປີ ຂອງລັດຖະບານ ແລ້ວກໍ່ໄດ້ລາຍງານຕໍ່ສະພາແຫ່ງຊາດ ແລ້ວສະພາແຫ່ງຊາດ ກໍ່ໄດ້ຕີລາຄາ ວິໄຈ ຄົ້ນຄວ້າ ແລະ ອອກມະຕິຮັບຮອງເອົາການສະຫຼຸບຕີລາຄາການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ປີ 2017 ຂອງທົ່ວປະເທດ ຂອງພວກເຮົາ. ແລ້ວໄດ້ອອກມະຕິແຜນພັດທະນາເສດຖະກິດ-ສັງຄົມ ແລະ ງົບປະມານ ຂອງປີ 2018 ພວກເຮົາອາດຈະເວົ້າໄດ້ວ່າ ເຖິງວ່າການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 2017 ຖ້າວ່າເບິ່ງຄືນຫຼັງ ໄປກ່ອນນັ້ນ ແມ່ນພວກເຮົາຈັດຕັ້ງປະຕິບັດ 3 ເດືອນຂ້າມຜ່ານຂອງ ແຜນພັດທະນາເສດຖະກິດ-ສັງຄົມ.

ຍ້ອນວ່າພວກເຮົາໄດ້ປ່ຽນເປັນແຜນພັດທະນາເສດຖະກິດ-ສັງຄົມ ຈາກສົກປີ ເປັນປີປະຕິທິນ 3 ເດືອນຂ້າມຜ່ານ ຜ່ານພົ້ນໄປ ແລະ ໝົດປີ2017 ເຮົາສະຫຼຸບໄດ້ວ່າ: ທັງທົ່ວປະເທດ ກໍາລັງປະກອບອາວຸດ ທັງພັກ, ທັງລັດ, ນັກທຸລະກິດ ປະຊາຊົນບັນດາເຜົ່າ ຮ່ວມແຮງຮ່ວມໃຈກັນ ສຸມໃສ່ຈັດຕັ້ງປະຕິບັດ ແຜນໄດ້ຮັບຜົນດີ ພໍສົມຄວນ ແຜນພັດທະນາເສດຖະກິດ-ສັງຄົມ 2017 ແມ່ນໄດ້ພັດທະນາມາຢ່າງຕໍ່ເນື່ອງ ແລະ ຢູ່ໃນເງື່ອນໄຂຫຍຸ້ງຍາກທີສຸດ ແຕ່ກໍ່ມີຄວາມພະຍາຍາມສູງທີ່ສຸດ ສາມາດເຮັດໃຫ້ປະເທດຊາດຂອງພວກເຮົາ ມີການພັດທະນາມາຢ່າງຕໍ່ເນື່ອງ ຖ້າທຽບໃສ່ແຜນຄາດໝາຍພວກເຮົາຈະໄດ້ GDP ເພີ່ມຂື້ນ 7 % ໃນປີ 2017 ແຕ່ພວກເຮົາປະຕິບັດໄດ້ 6,87 % ຖືວ່າຄວາມພະຍາຍາມສູງສຸດໄດ້ສ່ຳນັ້ນ ຍ້ອນວ່າເງື່ອນໄຂຕ່າງໆຂອງພວກເຮົານີ້ ພົບຄວາມຫຍຸ້ງຍາກ, ງົບປະມານບໍ່ພຽງພໍ ໜີ້ສິນຫຼາຍ ໂຄງການຕ່າງໆ ກໍ່ຖືກຜົນກະທົບອື່ນໆ ລັດບໍ່ສາມາດສະໜອງທຶນໃຫ້ແກ່ບັນດາໂຄງການພຽງພໍ ຫຼາຍໂຄງການກໍ່ຖືກໂຈະໄປຍ້ອນບໍ່ມີງົບປະມານພຽງພໍ ແລະ ລັດຖະບານພວກເຮົາກໍ່ໄດ້ພະຍາຍາມທີ່ສຸດ ຢາກໃຫ້ເສດຖະກິດມະຫາພາກ ຢູ່ໃນຄວາມໝັ້ນທ່ຽງສາມາດຄຸ້ມຄອງໄດ້ ເຊັ່ນ: ອັດຕາແລກປ່ຽນ, ອັດຕາເງິນເຟີ້ ສຸມໃສ່ແກ້ໄຂບັນຫາຄວາມທຸກຍາກ ແກ້ໄຂບັນຫາສັງຄົມ ການສຶກສາ ສາທາລະນະສຸກ ແລະ ການຄົ້ນຄວ້າວິທະຍາສາດ, ການສ້າງຊັບພະຍາກອນມະນຸດ ໄປຄຽງຄູ່ກັບການພັດທະນາເສດຖະກິດ, ການລົງທຶນກັບຕ່າງປະເທດກຳລັງສຶກສາສຶບຕໍ່ ທັງພາກລັດ, ພາກເອກະຊົນ, ລັດວິສາຫະກິດ ກຳລັງສຶບຕໍ່ຂະຫຍາຍຕົວໄປ ສາມາດເຮັດໃຫ້ເສດຖະກິດມະຫາພາກ ສົ່ງເຂົ້າ-ສົ່ງອອກ ເພີ່ມຂື້ນອັນນີ້ຢາກໃຫ້ບັນດາສະຫາຍເຂົ້າຕື່ມອີກວ່າ: ຜ່ານມາພວກເຮົາມີໜີ້ສິນຫຼາຍຍ້ອນຫຍັງ. ຍ້ອນບັນດາໂຄງການ ທີ່ບໍ່ຢູ່ໃນແຜນພັດທະນາເສດຖະກິດ-ສັງຄົມ (ເອີ້ນວ່າ ໂຄງການນອກແຜນ ) ໃຫ້ເຮັດໄປກ່ອນ, ປະຕິບັດໄປກ່ອນ, ແລ້ວຈຶ່ງໄປຍຶມກູ້ເງິນ ນໍາທະນາຄານ ມາປະຕິບັດ ໃນເວລາປະຕິບັດໄປແລ້ວ ສໍາເລັດແລ້ວ ລັດພັດບໍ່ມີເງິນໃນງົບປະມານ ໃຊ້ຈ່າຍໃຫ້ບໍລິສັດ ຜູ້ປະກອບການ ຫຼື ຜູ້ຮັບເໝົາ, ກາຍເປັນລັດຕິດໜີ້ເອກະຊົນ, ເອກະຊົນຕິດໜີ້ທະນາຄານ ສຸດທ້າຍກາຍເປັນໜີ້ ໜີ້ບໍ່ເກີດດອກອອກຜົນ, ອັນນີ້ຍັງບໍ່ທັນໄດ້ເວົ້າເຖິງພວກເຮົາສະກັດກັ້ນ ບັນດາ ໂຄງການທີ່ບໍ່ມີຕົວຕົນ, ການແກ້ໄຂບັນຫາຕ່າງໆ ບໍ່ໂປ່ງໃສ ຊຸກເຊຶ່ອງລາຍຮັບ ພາກທຸລະກິດຈຳນວນໜຶ່ງ ອາໄສແຕ່ງົບປະມານຂອງລັດບໍ່ກຸ້ມຕົນເອງ, ບໍ່ສ້າງລາຍຮັບຕົນເອງໃນການເຮັດທຸລະກິດ.

ສຳລັບວຽກງານຂອງຂະແໜງການ ຊັບພະຍາກອນທຳມະຊາດ ແລະ ສິ່ງແວດລ້ອມນີ້ ຜ່ານມາກໍໄດ້ມີມະຕິກອງປະຊຸມສູນກາງພັກເອົາມາຄົ້ນຄ້ວາ ແລະ ເອົາມາເຜີຍແຜ່ແລ້ວ ແຕ່ທ່ານ ນາຍົກ ຂໍເພີ່ມເຕີມບາງດ້ານດັ່ງນີ້: ໂດຍສະເພາະແມ່ນວຽກງານທີ່ດິນນີ້ເປັນອັນພົ້ນເດັ່ນ ຊິ່ງມີທັງສິ່ງທ້າທາຍ ແລະ ສິ່ງຫຍໍ້ທໍ້ ໄປຄຽງຄູ່ກັນ ຊຶ່ງທີ່ດິນມັນຕິດພັນກັບຊີວິດຂອງພວກເຮົາແທ້ໆ ດັ່ງທີ່ພວກສະຫາຍກຳລັງຄຸ້ມຄອງຢູ່ນີ້ ກຳລັງສ້າງແຜນພັດທະນາຢູ່ ຊີວິດກໍຕິດພັນກັບທີ່ດິນ ທີ່ດິນກໍຕິດພັນກັບຊີວິດ ທີ່ບໍ່ສາມາດແຍກອອກຈາກກັນໄດ້ ບໍ່ມີທີ່ດິນກໍມີຊີວິດ ບໍ່ວ່າຄົນ ຫຼື ສັດ ທຸກສິ່ງ ທຸກຢ່າງທີ່ມີຊິວິດໃນໂລກລ້ວນແລ້ວແຕ່ອາໃສຊຶ່ງກັນ ແລະກັນ ນີ້ແມ່ນວິວັດທະນະການທາງດ້ານທຳມະຊາດ ທີ່ບໍ່ມີປະເທດໃດຫຼີກລ໊ຽງໄດ້ໃນໂລກ ພວກເຮົົາຕ້ອງພູມໃຈ ປະຊາຊົນລາວຄວນພູມໃຈທີ່ມີເນື໊ອທີ່ ເປັນຜືນດິນລ້ວນໆ ເຖິງ 236,800 ກິໂລຕາແມັດ ໃນນັ້ນ 40% ເປັນທົ່ງພຽງ ແລະ ອີກ 60% ເປັນພູຜາປ່າດົງທີ່ອຸດົມສົມບູນ ໃນໂອກາດທີ່ທ່ານ ສີຈີ້ນຜິງ ປະທານ ປະເທດຈີນມາຢ້ຽມຢາມລາວໄດ້ມີໂອກາດພົບປະສົນທະນາໂອ້ລົມກັນ ທ່ານໄດ້ເວົ້າວ່າ: ສະຫາຍ ທອງລູນ ເອີຍ! “ ທ້ອງຟ້າສີຄາມ ປ່າດົງພົງໄພສີຂຽວ ລ້ວນແຕ່ເປັນເງິນ ເປັນຄຳ ”

alt

alt

alt

alt

alt

alt

alt

Last Updated on Friday, 12 January 2018 16:58