Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້80
mod_vvisit_counterຜູ້ເຂົ້າຊົມ ມື້ວານ683
mod_vvisit_counterຜູ້ເຂົ້າຊົມ ອາທິດນີ້763
mod_vvisit_counterຜູ້ເຂົ້າຊົມ ອາທິດ ຜ່ານມາ6934
mod_vvisit_counterຜູ້ເຂົ້າຊົມ ເດືອນນີ້16925
mod_vvisit_counterຜູ້ເຂົ້າຊົມ ເດືອນຜ່ານມາ30724
mod_vvisit_counterລວມທັງຫມົດ67521

Online (20 minutes ago): 10
Your IP: 54.80.146.251
,
Today: Nov 19, 2017
ກອງປະຊຸມລາຍງານການປະເມີນຜົນກະທົບຕໍ່ສິ່ງແວດລ້ອມສັງຄົມ ແລະທໍາມະຊາດ ໂຄງການທາງດ່ວນ ນະຄອນຫຼວງ-ບໍ່ເຕັນ PDF Print E-mail
Written by ນ. ດາລາວັນ ຫລວງໂຄດ   
Monday, 11 September 2017 11:20

ໃນຕອນ​ເຊົ້າຂອງວັນທີ ​13 ກໍລະກົດ 2017 ຢູ່ທີ່ຫ້ອງວ່າການປົກຄອງເມືອງ ໂພນໂຮງ, ໄດ້ເປີດກອງປະຊຸມເຜີຍແຜ່ຂໍ້ມູນ ແລະ ປຶກສາຫາລືຂັ້ນເມືອງ ກ່ຽວກັບ ຮ່າງບົດລາຍງານການປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທໍາມະຊາດຂອງໂຄງການທາງດ່ວນ ນະຄອນຫຼວງວຽງຈັນ-ບໍ່ເຕັນ (ໃນຊ່ວງໄລຍະ ນະຄອນຫຼວງວຽງຈັນ-ວັງວຽງ 141 ກມ), ໂດຍພາຍໃຕ້ການເປັນປະທານຮ່ວມຂອງ ທ່ານ ອໍລະຫັນບຸນຍະພາລົມ ຮອງຫົວໜ້າກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ, ທ່ານ ອຸດອນ ກິ່ງຈັນທະວົງ ຮອງ​ເຈົ້າ​ເມືອງ​ ເມືອງໂພນໂຮງ, ທ່ານ ສຸວຽງທອງ ວົງຈໍາປາ ຮອງ​ເຈົ້າ​ເມືອງ ​ເມືອງວັງວຽງ,ທ່ານ ວອນ ວໍລະສານ ຮອງ​ເຈົ້າ​ເມືອງ​ ເມືອງຫີນເຫີບ, ທ່ານ ພູວຽງ ເພຍເທບ ຄະນະປະຈໍາພັກເມືອງ ຮອງ​ເຈົ້າ​ເມືອງ​ ເມືອງນາຊາຍທອງ, ຊຶ່ງມີຜູ້ເຂົ້າຮ່ວມຈາກ ກອງປະເມີນຜົນກະທົົບຕໍ່ ສິ່ງແວດລ້ອມ ແລະ ສັງຄົມ, ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ, ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ ພ້ອມດ້ວຍຂະແໜງການທີ່ກ່ຽວຂ້ອງຂັ້ນເມືອງ, ຜູ້ພັດທະນາໂຄງການ ແລະ ຜູ້ຕາງໜ້າປະຊາຊົນຜູ້ທີຖືກຜົນກະທົບ ຈາກ 52 ບ້ານ ເຂົ້າຮ່ວມລວມທັງໝົດ 121 ທ່ານ ມີຍິງ18ທ່ານ.

ຈຸດປະສົງ ຂອງກອງປະຊຸມໃນຄັ້ງນີ້, ​ແນ​ໃສ່​ການຮັບ​ຟັງ​ການລາຍງານ​ ​ແລະ ​ການປຶກສາຫາລື ລະຫວ່າງ​ພາກສ່ວນ​ທີ່​ກ່ຽວຂ້ອງ ຕໍ່ກັບ ບົດລາຍງານການປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທຳມະຊາດ ຂອງໂຄງການເຊິ່ງຜູ່ເຂົ້າຮ່ວມກອງປະຊຸມໄດ້ຊັກ​ຖາມ ​ແລະ ປະກອບຄໍາຄິດເຫັນ ຕໍ່ບົດລາຍງານ ການປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທໍາມະຊາດ ຂອງໂຄງການດັ່ງກ່າວ, ຊຶ່ງ​ຄໍາ​ຖາມ ​ແລະ ຄໍາເຫັນສ່ວນໃຫຍ່ ທາງ ຜູ່​ພັດທະນາ​ໂຄງການ ກໍ​ຄື ບໍລິສັດ​ທີ່​ປຶກສາ​ສິ່ງ​ແວດ​ລ້ອມ​ ກໍ​ໄດ້​ມີ​ການ​ຊີ້​ແຈງອະທິບາຍຄືນຢ່າງ​ຈະ​ແຈ້ງ​ພໍ​ສົມຄວນ ​ເພື່ອ​ໃຫ້​ຜູ່​ເຂົ້າຮ່ວມ​ກອງ​ປະຊຸມ​ໄດ້​ມີ​ຄວາມ​ຮັບ​ຮູ້ ຄວາມ​ເຂົ້າ​ໃຈ​ຫລາຍ​ຂຶ້ນ. ຖັດມາ, ທ່ານ ປະທານ (ຄະນະ​ປະທານກອງ​ປະຊຸມ) ​ກໍ​ໄດ້​​ຜັດປ່ຽນກັນ​ປະກອບ​ຄໍາ​ເຫັນ ​ໂດຍ​ເນັ້ນໜັກ​ໃສ່ການ​ຊີ້​ແຈງ​​ເພີ່ມ​ເຕີມ​ຕໍ່ກັບບັນດາ​ຄໍາ​ເຫັນ​ຕ່າງໆທີ່​ທາງ​ຜູ້ເຂົ້າຮ່ວມ​ກອງ​ປະຊຸມ ​ລວມທັງ ຜູ່​ພັດທະນາ​ໂຄງການ ກໍ​ຄື ບໍລິສັດ​ທີ່​ປຶກສາ​ສິ່ງ​ແວດ​ລ້ອມ ​ໄດ້ຍົກ​ຂຶ້ນ​ໃນ​ທີ່​ປະຊຸມ, ພ້ອມ​ດຽວກັນ ກໍ​ໄດ້​ສະ​ເໜີກອງ​ປະຊຸມ​ຕົກລົງ​​ເປັນ​ເອກະ​ພາບ​ຕໍ່ກັບ​ຮ່າງ​ບົດ​ລາຍ​ງານ​ການ​ປະ​ເມີນ​ຜົນ​ກະທົບ​ຕໍ່ສິ່ງ​ແວດ​ລ້ອມ​ສັງຄົມ ​ແລະ ທໍາ​ມະ​ຊາດ ຊຶ່ງ​ບັນຫາ​ສໍາຄັນ​ທີ່​ໄດ້​ມີ​ຄວາມ​ເປັນ​ເອກະ​ພາບ​ຮ່ວມ​ກັນ​​ໃນ​ທີ່​ປະຊຸມ​ມີ ດັ່ງນີ້: ປະຊາຊົນທັງໝົດເຫັນດີຕໍ່ແຜນພັດທະນາໂຄງການທາງດ່ວນນະຄອນຫຼວງວຽງຈັນ - ບໍ່ເຕັນ (ຊ່ວງໄລຍະນະຄອນຫຼວງວຽງຈັນ - ວັງວຽງ 141 ກມ); ໃນການລົງເກັບກຳຂໍ້ມູນເບື້ອງຕົ້ນ ສະເໜີໃຫ້ຜູ້ພັດທະນາໂຄງການ ປະສານກັບພາກສ່ວນທີ່ກ່ຽວຂ້ອງໂດຍສະເພາະຫ້ອງການໂຍທາທິການ ແລະ ຂົນສົ່ງເມືອງ, ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງ ແລະ ພາກສ່ວນອື່ນໆທີ່ກ່ຽວຂ້ອງເຂົ້າຮ່ວມນຳ; ການປະຕິບັດຄ່າຊົດເຊີຍແມ່ນໃຫ້ເອົາບົດຮຽນຈາກໂຄງການອື່ນເຊັ່ນ: ເສັ້ນທາງ 450 ປີ, ເສັ້ນທາງໜອງບົວທອງ - ໜອງບຶກ ແລະ ອື່ນໆມາຈັດຕັ້ງປະຕິບັດ; ໃຫ້ຊົດເຊີຍຄ່າເສຍຫາຍໃຫ້ແກ່ປະຊາຊົນຜູ້ທີ່ໄດ້ຮັບ ຜົນກະທົບກ່ອນຈຶ່ງດຳເນີນໂຄງການ; ສະເໜີໃຫ້ຜູ້ພັດທະນາໂຄງການ ຫາທາງເລືອກໃໝ່ຕື່ມອີກເພື່ອຫຼີກເວັ້ນຜົນກະທົບຕໍ່ວັດ; ກ່ອນມີ ການກໍ່ສ້າງໃຫ້ແຈ້ງເຕືອນປະຊາຊົນກ່ອນລ່ວງໜ້າໜື່ງອາທິດ;ໃຫ້ກຳນົດລະອຽດ ກ່ຽວກັບ ງົບປະມານໃນການຕິດຕາມກວດກາໃຫ້ແຕ່ລະ ຂະແໜງການ ແລະ ສະໜອງທີ່ດິນການທຳມາຫາກິນໃຫ້ແກ່ປະຊາຊົນຜູ້ທີ່ໄດ້ຮັບຜົນກະທົບ ໃນກໍລະນີປະຊາຊົນຜູ້ທີ່ມີດິນຕອນດຽວ ແລະ ປົວແປງເນື້ອທີ່ດິນທີ່ຖືກປ່າຊ້າຕາມຮີດຄອງປະເພນີຂອງຊົນເຜົ່າ.

ຈາກນັ້ນ, ທ່ານ ອໍລະຫັນ ບຸນຍະພາລົມ ຮອງຫົວໜ້າກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມປະທານ (ຕາງໜ້າ ຄະນະປະທານ) ກອງປະຊຸມ ກໍໄດ້ສະຫຼຸບຕີລາຄາກອງປະຊຸມຄັ້ງນີ້ແມ່ນ​ໄດ້ບັນລຸຜົນ ຕາມຈຸດປະສົງ ແລະ ຄາດໝາຍ​ຂອງ​ກອງ​ປະຊຸມທີ່​ວາງ​ໄວ້, ພ້ອມ​ທັງ​​ເນັ້ນໜັກ​ໃຫ້​ ບໍລິສັດ​ທີ່​ປຶກສາ​ສິ່ງ​ແວດ​ລ້ອມ ສືບຕໍ່ສົມທົບ​ແໜ້ນກັບ​ຜູ້​ພັດທະນາ​ໂຄງການ ນໍາ​ເອົາ​ບັນຫາ​ສໍາຄັນ​ທີ່​ໄດ້​ມີ​ຄວາມ​ເປັນ​ເອກະ​ພາບ​ກັນ​ໃນ​ທີ່​ປະຊຸມ ​ໄປ​ພິຈາລະນາ ສືບຕໍ່ປັບປຸງ​ບົດ ​ໃຫ້​ສົມບູນ, ຄົບ​ຖ້ວນ​ ທັງ​ໃຫ້ລະອຽດ ​ແລະ ຈະ​ແຈ້ງ​ ເປັນ​ທີ່​ຮັບຮອງ​ເອົາ​ໄດ້​​ໃນຕໍ່ໜ້າ.

alt

alt

alt

alt

Last Updated on Wednesday, 13 September 2017 14:32