Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້979
mod_vvisit_counterຜູ້ເຂົ້າຊົມ ມື້ວານ1435
mod_vvisit_counterຜູ້ເຂົ້າຊົມ ອາທິດນີ້3411
mod_vvisit_counterຜູ້ເຂົ້າຊົມ ອາທິດ ຜ່ານມາ6025
mod_vvisit_counterຜູ້ເຂົ້າຊົມ ເດືອນນີ້15954
mod_vvisit_counterຜູ້ເຂົ້າຊົມ ເດືອນຜ່ານມາ19872
mod_vvisit_counterລວມທັງຫມົດ35826

Online (20 minutes ago): 26
Your IP: 54.81.79.128
,
Today: ຕ. ລ. 18, 2017
ທ່ານ ຮອງນາຍົກລັດຖະມົນຕີ ເນັ້ນໃຫ້ຖືສຳຄັນ ແຜນແມ່ບົດຈັດສັນທີ່ດິນແຫ່ງຊາດ PDF ພິມ ອີເມລ
ຂຽນໂດຍ ສົມອຸລາ ຍະພິຈິດ ແລະ ຖ່າຍພາບໂດຍ: ອະພິເດດ ແສງດາລາ   
ວັນພະຫັດທີ່ 17 ສິງຫາ 2017 ເວລາ 11: 59

alt

ກອງປະຊຸມວິທະຍາສາດ ເພື່ອຄົ້ນຄວ້າ ແລະ ປະກອບ ຄຳເຫັນໃສ່ຮ່າງແຜນແມ່ບົດຈັດສັນທີ່ດິນແຫ່ງຊາດ ຊຶ່ງໄດ້ ດຳເນີນເປັນເວລາ 2 ວັນ ໄດ້ ອັດລົງ ໃນຕອນແລງວັນທີ 16 ສິງຫານີ້ ທີ່ ກະຊວງ ຊັບພະຍາ ກອນທຳມະຊາດ ແລະ ສິ່ງແວດລ້ອມ ພາຍໃຕ້ການເປັນ ປະທານຂອງທ່ານ ສົມມາດ ພົນເສນາ ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໂດຍການ ເຂົ້າຮ່ວມຂອງ ທ່ານ ບຸນທອງ ຈິດມະນີ ກຳມະການກົມການເມືອງ ສູນກາງພັກ ຮອງນາຍົກ ລັດຖະມົນຕີ ປະທານອົງການ ກວດກາລັດຖະບານ, ຜູ້ຊີ້ນຳ ຄະນະສະເພາະກິດ ເພື່ອດຳ ເນີນການກວດກາ, ສຶກສາຄົ້ນ ຄວ້າ ແລະ ວິໄຈບັນຫາທີ່ດິນ ຊຶ່ງມີຮອງລັດຖະມົນຕີ, ຮອງ ເຈົ້າແຂວງເຂົ້າຮ່ວມ.

ທ່ານລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມໄດ້ ກ່າວອັດກອງປະຊຸມຄັ້ງນີ້ ວ່າ: ການສ້າງແຜນແມ່ບົດຈັດສັນທີ່ດິນແຫ່ງຊາດ ແມ່ນເພື່ອ ກຳນົດເຂດ ທົ່ວປະເທດ ຢ່າງເປັນລະບົບ ແນໃສ່ການວາງແຜນການ ຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ທີ່ດິນ ຕາມຫຼັກວິຊາການ ແລະ ລະບຽບ ກົດໝາຍ ເຮັດໃຫ້ທີ່ດິນ ກໍຄືຊັບພະຍາກອນທຳມະຊາດ ຕ່າງໆມີຄວາມຍືນຍົງ ໂດຍ ປະຕິບັດຕາມ ມະຕິຂອງ ຄະນະບໍລິຫານງານ ສູນກາງພັກ ວ່າດ້ວຍ ການເພີ່ມທະວີ ວຽກງານຄຸ້ມຄອງ ແລະ ພັດທະນາທີ່ດິນ ໃນໄລຍະໃໝ່ ສະບັບເລກທີ 026/ຄບສພ, ລົງວັນທີ 3 ສິງຫາ 2017 ໃຫ້ປະກົດຜົນເປັນຈິງ.

alt

ຜົນສຳເລັດ ຂອງກອງປະຊຸມໃນຄັ້ງນີ້ ໄດ້ຄົ້ນຄວ້າ ແລະ ເປັນເອກະພາບ ກັນໃນຫຼາຍ ດ້ານເຊັ່ນ: ການກຳນົດເຂດ, ປະເພດທີ່ດິນ, ທ່າແຮງ ແລະ ການກຳນົດທິດທາງໃນການ ພັດທະນາທີ່ດິນ ແຕ່ລະປະເພດ, ກຳນົດແນວທາງ ການຄຸ້ມຄອງທີ່ດິນ ຕາມ 8 ປະເພດ ທີ່ດິນອື່ນໆ. ໝາກຜົນ ຂອງກອງປະຊຸມໃນຄັ້ງນີ້ ຈະເປັນຂໍ້ ມູນທີ່ສຳຄັນ ທີ່ຈະນຳໄປປັບປຸງ ແລະ ປະກອບໃສ່ຮ່າງແຜນແມ່ບົດຈັດສັນທີ່ດິນແຫ່ງຊາດ ໃນຂັ້ນຕໍ່ໄປ ເພື່ອສະເໜີ ຜ່ານລັດຖະບານ ແລະ ສະພາແຫ່ງຊາດຮັບຮອງ.

ໃນໂອກາດ ອັດກອງປະຊຸມຄັ້ງນີ້, ທ່ານຮອງນາຍົກ ລັດຖະມົນຕີ ໄດ້ມີຄຳເຫັນວ່າ: ກອງປະຊຸມວິທະຍາສາດ ເພື່ອຄົ້ນຄວ້າ ແລະ ປະກອບຄຳເຫັນໃສ່ ຮ່າງແຜນແມ່ບົດຈັດສັນທີ່ດິນແຫ່ງຊາດ ຄັ້ງນີ້ໄດ້ສຸມໃສ່ແກ້ ໄຂບັນຫາທີ່ພວມພົ້ນເດັ່ນ, ເປັນຕົ້ນແມ່ນການແກ້ໄຂ ດ້ານການຫຍໍ້ທໍ້, ການອະນຸມັດ ນຳໃຊ້ທີ່ດິນ ທີ່ບໍ່ຖືກຕ້ອງ, ການເຊົ່າ ແລະ ສຳປະທານທີ່ດິນ ເປັນບໍລິເວນກວ້າງ, ໄລຍະຍາວ ແຕ່ຄ່າເຊົ່າ ຫຼື ຄ່າສຳປະທານບໍ່ເໝາະສົມ. ການສວຍໂອກາດຫັນທີ່ດິນປ່າໄມ້ ທີ່ອຸດົມສົມບູນ ເພື່ອປູກໄມ້ ແລະ ພືດກະສິກຳ, ບັນຫາ ການຈັບຈ່ອງ ທີ່ດິນຊະຊາຍ, ບັນຫາ ການອະນຸມັດທີ່ດິນແລກປ່ຽນໂຄງການ, ບັນຫາການບຸກລຸກທີ່ດິນ ປ່າສະຫງວນ ແລະ ປ່າປ້ອງກັນແຫຼ່ງນ້ຳ, ບັນຫາ ການອອກໃບຕາດິນຊັກຊ້າ, ບັນຫາການ ນຳໃຊ້ທີ່ດິນ ແລະ ຊັບພະຍາກອນທຳມະຊາດ ທີ່ຍັງບໍ່ໄດ້ສຳຫຼວດຈັດສັນ ແລະ ອື່ນໆ.

ທ່ານຮອງນາຍົກ ໄດ້ເນັ້ນບາງບັນຫາສຳ ຄັນດັ່ງນີ້:

  1. ໃຫ້ອົງການຈັດຕັ້ງຂັ້ນ ສູນກາງ ແລະ ທ້ອງຖິ່ນ ຖືສຳຄັນກ່ຽວກັບ ແຜນແມ່ບົດຈັດສັນທີ່ດິນແຫ່ງຊາດ ທີ່ພັກ-ລັດຖະບານ ໄດ້ວາງທິດທາງ ແລະ ຊີ້ນຳ ການສ້າງມາເປັນເວລາ ຫຼາຍປີ ແລ້ວ ຈົນມາຮອດ ປັດຈຸບັນ ເຫັນວ່າມີຄວາມຈຳເປັນພາວະວິໄສ ແລະ ເງື່ອນໄຂ ເອື້ອອຳນວຍ ໂດຍແມ່ນ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ເປັນໃຈກາງ ໃນການປະສານສົມທົບສ້າງ, ມີຜົນສຳເລັດ ໂດຍພື້ນຖານແລ້ວ.
  2. ມອບໃຫ້ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ປະສານສົມທົບກັບ ພາກສ່ວນກ່ຽວຂ້ອງ ທັງຂັ້ນ ສູນກາງ ແລະ ອົງການປົກຄອງທ້ອງຖິ່ນ ເພື່ອສືບຕໍ່ປັບປຸງເນື້ອໃນ ແລະ ຂໍ້ມູນ ຂອງຮ່າງ ແຜນແມ່ບົດຈັດສັນທີ່ດິນແຫ່ງຊາດ ໂດຍຖືເອົາຄວາມ ເປັນ ເອກະພາບ ແລະ ບັນຫາໃດ ທີ່ຍັງບໍ່ທັນຊັດເຈນ ໄປສືບຕໍ່ປັບປຸງ ແກ້ໄຂໃຫ້ສຳເລັດ ແລະ ສາມາດຮັບຮອງໄດ້ ເປັນ ສະບັບທຳອິດ. ພາຍຫຼັງແຜນແມ່ບົດຈັດສັນທີ່ດິນແຫ່ງຊາດ ສຳເລັດ ແລ້ວໃຫ້ ບັນດາ ກະຊວງ, ຂະແໜງການ ແລະ ທ້ອງຖິ່ນ ຕ້ອງຄຸ້ມຄອງ ແລະ ພັດທະນາທີ່ດິນໃຫ້ຖືກຕ້ອງ ແລະ ສອດຄ່ອງ ຕາມທີ່ໄດ້ກຳນົດໄວ້ຢູ່ໃນແຜນ ດັ່ງກ່າວ.
  3. ມະຕິ ຂອງ ຄະນະບໍລິຫານງານ ສູນກາງພັກ ວ່າດ້ວຍ ການເພີ່ມທະວີ ວຽກງານຄຸ້ມຄອງ ແລະ ພັດທະນາທີ່ດິນ ໃນໄລຍະໃໝ່ ແມ່ນໄດ້ຖືກຮັບຮອງ ຊຶ່ງພວກເຮົາ ຈະໄດ້ພ້ອມກັນນຳໄປຄົ້ນຄວ້າ, ເຊື່ອມຊຶມ ແລະ ຜັນຂະຫຍາຍ ໃນນັ້ນ ແຜນແມ່ບົດກໍແມ່ນ ໜ້າວຽກໜຶ່ງທີ່ສຳ ຄັນລະດັບຊາດ ຊຶ່ງຈະຕ້ອງໄດ້ຈັດຕັ້ງ ຜັນຂະຫຍາຍໃຫ້ ເປັນຮູບປະທຳໄປຄຽງຄູ່ກັບການ ປັບປຸງກົດໝາຍທີ່ດິນ ແລະ ກົດໝາຍທີ່ກ່ຽວຂ້ອງ ໃຫ້ສອດຄ່ອງ ກັບມະຕິ ເພື່ອເປັນບ່ອນອີງ ໃຫ້ແກ່ການຄຸ້ມຄອງ ແລະ ພັດທະນາທີ່ດິນ ໃນຂອບເຂດທົ່ວປະເທດ.
  4. ຈະຕ້ອງໄດ້ເອົາໃຈໃສ່ ຢ່າງເຂັ້ມງວດ ໃນການສ້າງແຜນຈັດສັນທີ່ດິນຂັ້ນທ້ອງຖິ່ນ (ແຂວງ, ເມືອງ ແລະ ບ້ານ) ໃຫ້ສອດຄ່ອງກັບ ແຜນແມ່ບົດຈັດສັນທີ່ດິນແຫ່ງຊາດ ແລະ ມີການຕິດຕາມກວດກາ ແລະ ປະເມີນຜົນການຈັດຕັ້ງປະຕິບັດ.
  5. ຈະຕ້ອງໄດ້ສູ້ຊົນ ປະຕິບັດຄາດໝາຍໂຕເລກ ທີ່ດິນປ່າໄມ້ທີ່ໄດ້ ກຳນົດ 70% ເພື່ອປົກປັກຮັກສາແຫຼ່ງນ້ຳ, ຄວາມອຸດົມສົມບູນ ທາງທຳມະຊາດ ແລະ ທີ່ດິນ ກະສິກຳ 19% ເພື່ອ ຮັບປະກັນຄວາມໝັ້ນຄົງ ດ້ານສະບຽງອາຫານ, ການຜະລິດ ເປັນສິນຄ້າ ແລະ ປະກອບສ່ວນ ໃນການແກ້ໄຂຄວາມທຸກຍາກ ຂອງປະຊາຊົນ ແລະ ທີ່ດິນປະເພດອື່ນໆ ຕາມການກຳນົດ ຢູ່ ນແຜນແມ່ບົດຈັດສັນທີ່ດິນແຫ່ງຊາດ.
  6. ໃຫ້ບັນດາ ກະຊວງ ແລະ ທ້ອງຖິ່ນເອົາໃຈໃສ່ ວຽກງານໂຄສະນາເຜີຍແຜ່ ແນວທາງນະໂຍບາຍ, ມະຕິ ແລະ ກົດໝາຍ ກ່ຽວກັບທີ່ດິນ ລວມທັງແຜນແມ່ບົດຈັດສັນທີ່ດິນແຫ່ງຊາດ ຢ່າງທົ່ວເຖິງ ເພື່ອນຳ ໄປຈັດຕັ້ງປະຕິບັດຜັນຂະຫຍາຍ ເປັນອັນລະອຽດໃຫ້ມີຜົນສຳເລັດ.

alt

alt