Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້393
mod_vvisit_counterຜູ້ເຂົ້າຊົມ ມື້ວານ833
mod_vvisit_counterຜູ້ເຂົ້າຊົມ ອາທິດນີ້6328
mod_vvisit_counterຜູ້ເຂົ້າຊົມ ອາທິດ ຜ່ານມາ6667
mod_vvisit_counterຜູ້ເຂົ້າຊົມ ເດືອນນີ້16555
mod_vvisit_counterຜູ້ເຂົ້າຊົມ ເດືອນຜ່ານມາ30724
mod_vvisit_counterລວມທັງຫມົດ67151

Online (20 minutes ago): 14
Your IP: 54.224.121.67
,
Today: ພ. ຈ. 18, 2017
ຂ່າວສານ ປະຊາສຳພັນ ພາຍໃນປະເທດ
ສະພາຮັບຮອງກົດໝາຍວ່າດ້ວຍ ອຸຕຸນິຍົມ ແລະ ອຸທົກກະສາດ PDF ພິມ ອີເມລ
ຂຽນໂດຍ ພະແນກ ຂ່າວສານ ແລະ ອິນເຕີເນັດ   
ວັນອັງຄານທີ່ 14 ພະຈິກ 2017 ເວລາ 16: 11

alt

ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊູດທີ VIII ໃນວັນທີ 13 ພະຈິກ 2017 ພາຍໃຕ້ການເປັນປະທານຂອງທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ບັນດາສະມາຊິກສະພາແຫ່ງຊາດ ໄດ້ພ້ອມກັນປະກອບຄຳເຫັນໃສ່ຮ່າງກົດໝາຍ ວ່າດ້ວຍ ອຸຕຸນິຍົມ ແລະ ອຸທົກກະສາດ ສະເໜີໂດຍ ທ່ານ ສົມມາດ ພົລເສນາ ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ.

ທ່ານ ສົມມາດ ພົລເສນາ ກ່າວວ່າ ພັກ ແລະ ລັດຖະບານ ໄດ້ຖືສຳຄັນກ່ຽວກັບການພັດທະນາ ວຽກງານອຸຕຸນິຍົມ ແລະ ອຸທົກກະສາດ ທັງນີ້ກໍ່ຍ້ອນວ່າ ຂະແໜງການດັ່ງກ່າວ ເປັນຂະແໜງການໜຶ່ງ ທີ່ສຳຄັນມີບົດບາດປິ່ນອ້ອມ ບັນດາຂະແໜງການ ເສດຖະກິດ-ສັງຄົມຂອງລັດ ເຊິ່ງມີບົດບາດ ແລະ ໜ້າທີ່ໃນການ ຕິດຕາມ, ສັງລວມ ແລະ ສະໜອງຂໍ້ມູນທີ່ສຳຄັນ ແລະ ຈຳເປັນກ່ຽວກັບສະພາບດິນຟ້າອາກາດໃຫ້ແກ່ການພັດທະນາ ແລະ ການກໍ່ສ້າງພື້ນຖານໂຄງລ່າງ ແລະ ປັດໃຈ ທີ່ຈຳເປັນອື່ນໆ ສຳລັບວຽກງານການພັດທະນາເສດຖະກິດ ແລະ ສັງຄົມແຫ່ງຊາດໃນແຕ່ລະໄລຍະ.

LAST_UPDATED2
ອ່ານເພິ່ມເຕິມ...
 
ກຊສ ຕ້ອນຮັບຜູ້ແທນຈາກ ກະຊວງການຄ້າ ແຫ່ງ ສປຈີນ PDF ພິມ ອີເມລ
ຂຽນໂດຍ ພະແນກ ຂ່າວສານ ແລະ ອິນເຕີເນັດ   
ວັນພະຫັດທີ່ 02 ພະຈິກ 2017 ເວລາ 10: 36

alt

ໃນຕອນເຊົ້າ ຂອງວັນທີ 26 ຕຸລາ 2017 ທີ່ຫ້ອງຮັບແຂກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ນໍາທີມໂດຍ ທ່ານ ສົມມາດ ພົລເສນາ ລັດຖະມົນຕີ, ກຊສ ພ້ອມດ້ວຍຄະນະກົມຈໍານວນໜຶ່ງ ໄດ້ຕ້ອນຮັບຄະນະຜູ້ແທນ ສປ ຈີນ ນໍາທີມໂດຍ ທ່ານ ຫວັງ ເຊັນວິນ ຫົວໜ້າກົມຊ່ວຍເຫຼືອຕ່າງປະເທດ ກະຊວງການຄ້າ ແຫ່ງ ສປ ຈີນ ພ້ອມດ້ວຍຄະນະຈາກກະຊວງທີ່ກ່ຽວຂ້ອງ ຈໍານວນ 11 ທ່ານ.

ຈຸດປະສົງຂອງການມາພົບປະຄັ້ງນີ້ ແມ່ນເພື່ອປຶກສາຫາລືກ່ຽວກັບການຊ່ວຍເຫຼືອໃນ ຂະແໜງຊັບພະຍາກອນທໍາມະຊາດ ແລະ ສິ່ງແວດລ້ອມ ໂດຍສະເພາະແມ່ນ ຊ່ວຍເຫຼືອການຮ່ວມມືວຽກງານດ້ານສິ່ງແວດລ້ອມ ໃນ 3 ປີ ຕໍ່ໜ້າ ເປັນຕົ້ນການຮ່ວມມືຊ່ວຍເຫຼືອ ທາງດ້ານຂົງເຂດຊັບພະຍາກອນທໍາມະຊາດ ແລະ ສິ່ງແວດລ້ອມ, ການຕອບໂຕ້ການປ່ຽນແປງດິນຟ້າອາກາດ, ອຸຕຸນິຍົມ ແລະ ມົນລະພິດ ພ້ອມທັງປຶກສາຫາລື ກ່ຽວກັບການສະໜັບສະໜູນ ຈັດຝຶກອົບຮົມຫຼາຍຮູບແບບ ໃຫ້ແກ່ ພະນັກງານ ຂອງ ກຊສ ຢູ່ພາຍໃນ ແລະ ຕ່າງປະເທດ ຫຼື ນໍາສົ່ງຊ່ຽວຊານມາຝຶກອົບຮົມໃຫ້ ຢູ່ ສປປ ລາວ ກ່ຽວກັບວຽກງານສະເພາະດ້ານ ແລະ ສະໜັບສະໜູນ ທຶນການສຶກສາ ໃຫ້ພະນັກງານ ກຊສ ໄປຮຽນຢູ່ ສປ ຈີນ ໄລຍະສັ້ນ ແລະ ໄລຍະຍາວ.

LAST_UPDATED2
ອ່ານເພິ່ມເຕິມ...
 
ກອງປະຊຸມສໍາມະນາອາເຊັມ ຄັ້ງທີ່ 6 PDF ພິມ ອີເມລ
ຂຽນໂດຍ ພະແນກ ຂ່າວສານ ແລະ ອິນເຕີເນັດ   
ວັນພຸດທີ່ 01 ພະຈິກ 2017 ເວລາ 16: 49

ກອງປະຊຸມສໍາມະນາອາເຊັມ ຄັ້ງທີ 6 ກ່ຽວກັບ ການຄຸ້ມຄອງຊັບພະຍາກອນນໍ້າ ແບບປະສົມປະສານ ເພື່ອການພັດທະນາແບບຍືນຍົງ. ໄດ້ໄຂຂຶ້ນຢ່າງເປັນທາງການ ທີ່ໂຮງແຮມຈໍາປາສັກແກຣນ, ແຂວງຈໍາປາສັກ ໃນວັນທີ 25-26 ຕຸລາ 2017 ໂດຍການໃຫ້ກຽດເຂົ້າຮ່ວມ ເປັນປະທານ ຂອງ ທ່ານ ທອງຜ່ານ ສະຫວັນເພັດ ຮອງລັດຖະມົນຕີ ກະຊວງການຕ່າງປະເທດ ແລະ ທ່ານ ນາງ ບຸນຄໍາ ວໍລະຈິດ ຮອງລັດຖະມົນຕີ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ທ່ານ ບົວສອນ ວົງສອງຄອນ ຮອງເຈົ້າແຂວງຈໍາປາສັກ ແລະ ທ່ານ ເລອ້ອນ ໂປ້ນ ຟາເບີ (LEON PAUL FABER) ທູດສະຫະພາບເອີລົບປະຈໍາ ສປປ ລາວ. ນອກນັ້ນຍັງມີຜູ້ຕາງໜ້າຈາກທະວີບອາຊີ ແລະ ເອີລົບ ລວມທັງຊ່ຽວຊານທັງພາຍໃນ ແລະ ຈາກຕ່າງປະເທດ ຈາກ 14 ປະເທດ ລວມທັງໝົດ 128 ຄົນ.

LAST_UPDATED2
ອ່ານເພິ່ມເຕິມ...
 
ກອງປະຊຸມປຶກສາຫາລື ກ່ຽວກັບການປະເມີນສິ່ງແວດລ້ອມແບບຍຸດທະສາດ ເພື່ອປະກອບສ່ວນໃຫ້ແກ່ວຽກງານການເຕີບໂຕສີຂຽວ PDF ພິມ ອີເມລ
ຂຽນໂດຍ ພະແນກ ຂ່າວສານ ແລະ ອິນເຕີເນັດ   
ວັນຈັນທີ່ 30 ຕຸລາ 2017 ເວລາ 15: 51

alt

ໃນຕອນເຊົ້າ ວັນ​ທີ 26 ຕຸ​ລາ 2017 ໄດ້ມີການຈັດກອງປະຊຸມປຶກສາຫາລື ກ່ຽວກັບການປະເມີນສິ່ງແວດລ້ອມແບບຍຸດທະສາດ ເພື່ອປະກອບສ່ວນໃຫ້ແກ່ ວຽກງານການເຕີບໂຕສີຂຽວ, ເຊິ່ງແມ່ນເງື່ອນໄຂການຮັບເອົາທຶນຈາກທະນາຄານໂລກ ໄລຍະທີ 2 (DPO-2) ເຊິ່ງພາຍຫຼັງທີ່ໄດ້ຮັບຮອງດຳລັດເລກທີ 445 ວ່າດ້ວຍ ການຈັດຕັ້ງປະຕິບັດແຜນພັດທະນາເສດຖະກິດສັງຄົມ ປະຈຳປີ 2017 ເຊິ່ງໄດ້ມອບໝາຍໃຫ້ ກຊສ ຈັດຕັ້ງທົດລອງນຳໃຊ້ເຄື່ອງມືດັ່ງກ່າວໃນ 2 ກະຊວງ ຂະແໜງ ການຫຼັກ ເຊິ່ງທະນາຄານໂລກເຫັນວ່າ ຄວນແມ່ນ ກະຊວງໂຍທາທິການ ແລະ ຂົນສົ່ງ ແລະ ກະຊວງກະສິກຳ ແລະ ປ່າໄມ້, ກອງປະຊຸມໃນວັນດັ່ງກ່າວ ແມ່ນໄດ້ ປຶກສາຫາລືແບບແຜນວິທີການເຮັດວຽກຮ່ວມກັນ ເຊິ່ງ ທ່ານ ລັດຖະມົນຕີ ກຊສ ໄດ້ເຂົ້າຮ່ວມເປັນປະທານ ແລະ ກໍ່ໄດ້ເຊີນຄະນະກົມ ແລະ ຄະນະ ພະແນກຈາກ ກົມນະໂຍບາຍຊັບພະຍາກອນທຳມະຊາດ ແລະ ສິ່ງແວດລ້ອມ, ກົມສົ່ງເສີມຄຸນນະພາບສິ່ງແວດລ້ອມ ແລະ ບັນດາກົມ, ກອງ, ສູນ ແລະ ສະຖາບັນ ອ້ອມຂ້າງ ກຊສ ເຂົ້າຮ່ວມ;

LAST_UPDATED2
ອ່ານເພິ່ມເຕິມ...
 
ພິທີມອບຮັບວຽກງານກອງຕິດຕາມກວດກາຊັບພະຍາກອນທຳມະຊາດ ແລະ ສິ່ງແວດລ້ອມ PDF ພິມ ອີເມລ
ຂຽນໂດຍ ພະແນກ ຂ່າວສານ ແລະ ອິນເຕີເນັດ   
ວັນຈັນທີ່ 30 ຕຸລາ 2017 ເວລາ 15: 01

alt

ໃນວັນທີ 23 ຕຸລາ 2017 ທີ່ຫ້ອງປະຊຸມ ກົມ ນະໂຍບາຍຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ມີພິທີ ມອບຮັບວຽກງານ ກອງຕິດຕາມກວດກາຊັບພະຍາກອນທຳມະຊາດ ແລະ ສິ່ງແວດລ້ອມ ໂດຍການເຂົ້າຮ່ວມຂອງທ່ານ ສົມມາດ ພົລເສນາ ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ມີບັນດາຫົວໜ້າຫ້ອງການ, ຫົວໜ້າກົມ, ຮອງກົມ ພ້ອມທັງບັນດາ ພະນັກງານພາຍໃນກົມ ກອງເຂົ້າຮ່ວມ.

ການມອບຮັບວຽກໃນຄັ້ງນີ້ມອບໂດຍທ່ານ ພູວົງ ຫຼວງໄຊຊະນະ, ຫົວໜ້າກົມ ນະ​ໂຍ​ບາຍ ຊັບພະຍາກອນທຳມະຊາດ ແລະ ສິ່ງແວດລ້ອມ ຮັບຜິດຊອບ ກອງຕິດຕາມກວດກາຊັບພະຍາກອນທຳມະຊາດ ແລະ ສິ່ງແວດລ້ອມ(ຜູ້ເກົ່າ) ແລະ ຮັບໂດຍທ່ານ ອາລຸນ ໄຊຍະວົງ, ຫົວໜ້າ ກອງຕິດຕາມກວດກາຊັບພະຍາກອນທຳມະຊາດ ແລະ ສິ່ງແວດລ້ອມ(ຜູ້ໃໝ່).

LAST_UPDATED2
ອ່ານເພິ່ມເຕິມ...
 
ກອງປະຊຸມໜ່ວຍງານ ຂະແໜງການ ຊັບພະຍາກອນທຳມະຊາດ ແລະ ສິ່ງແວດລ້ອມ ພາຍໃຕ້ຂອບຂະບວນການໂຕະມົນ ປະຈຳປີ 2017 PDF ພິມ ອີເມລ
ຂຽນໂດຍ ພະແນກ ຂ່າວສານ ແລະ ອິນເຕີເນັດ   
ວັນຈັນທີ່ 30 ຕຸລາ 2017 ເວລາ 11: 36

alt

ກອງປະຊຸມປຶກສາຫາລື ຂອງ ໜ່ວຍງານ ຂະແໜງການ ຊັບພະຍາກອນທຳມະຊາດ ແລະ ສິ່ງແວດລ້ອມ ພາຍໃຕ້ຂອບຂະບວນການ ໂຕະມົນປະຈຳປີ 2017 ໄດ້ຈັດຂຶ້ນໃນ ວັນທີ 27 ຕຸລາ 2017. ພາຍໃຕ້ການເປັນ ປະທານຂອງ ທ່ານ ສົມມາດ ພົລເສນາ, ລັດຖະມົນຕີ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ປະທານຮ່ວມຂອງ ທ່ານ Mr. Jens Luetkenherm, ເອກອັກຄະລັດຖະທູດເຢຍລະມັນ ປະຈຳ ສປປ ລາວ ແລະ ທ່ານ Mr. Jean-Christophe Carret, ຫົວໜ້າຫ້ອງການທະນາຄານໂລກ ປະຈຳ ສປປ ລາວ. ຜູ້ເຂົ້າຮ່ວມກອງປະຊຸມປະກອບມີ ບັນດາ ກົມ, ກອງ ອ້ອມ​ຂ້າງ ກຊສ, ແລະ ບັນດາກະຊວງຂະແໜງການ ທີ່ກ່ຽວຂ້ອງ ຂອງລັດຖະບານ, ບັນດາຄູ່ຮ່ວມພັດທະນາ ແລະ ສະຖານທູດປະຈໍາລາວຈໍານວນໜຶ່ງ, ສະຖາບັນການເງິນຕ່າງປະເທດ ແລະ ອົງການຈັດຕັ້ງສາກົນປະຈໍາ ສປປ ລາວ ລວມທັງໝົດ 66 ທ່ານ.

LAST_UPDATED2
ອ່ານເພິ່ມເຕິມ...
 
ກປສ ສະໜອງທຶນໃຫ້ ໂຄງການ ອົງການຄຸ້ມຄອງ ແລະ ປົກປັກຮັກສາ ແຫຼ່ງນ້ຳເທີນ 2 PDF ພິມ ອີເມລ
ຂຽນໂດຍ ພະແນກ ຂ່າວສານ ແລະ ອິນເຕີເນັດ   
ວັນພຸດທີ່ 18 ຕຸລາ 2017 ເວລາ 10: 16

alt

ພິ​ທີ​ເຊັນ​ສັນ​ຍາ​ສະ​ໜອງ​ທຶນ​ໃຫ້ ໂຄງ​ການ ລະ​ຫວ່າງ ກອງ​ທຶນ​ປົກ​ປັກ​ຮັກ​ສາ​ສິ່ງ​ແວດ​ລ້ອມ(ກ​ປ​ສ) ແລະ ຜູ້​ຮັບ​ທຶນ​ຈາກ ອົງ​ການ​ຄຸ້ມ​ຄອງ ແລະ ປົກ​ປັກ​ຮັກ​ສາ ແຫຼ່ງ​ນ້ຳ​ເທີນ 2 (ອ​ຄ​ປ.ທ.2) ໄດ້​ຈັດ​ຂື້ນ​ຢ່າງ​ເປັນ​ທາງ​ການ ໃນ​ວັນ​ທີ 16 ຕຸ​ລາ 2017 ​ທີ່​ຫ້ອງ​ປະ​ຊຸມ ຂະ​ແໜງ​ສິ່ງ​ແວດ​ລ້ອມ, ໂດຍ​ການ​ໃຫ້​ກຽດ​ເຂົ້າ​ຮ່ວມ​ເປັນ ສັກ​ຂີ​ພິ​ຍານ​ຂອງ ທ່ານ ນາງ ບຸນ​ຄຳ ວໍ​ລະ​ຈິດ, ຮອງ​ລັດ​ຖະ​ມົນ​ຕີ ກະ​ຊວງ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງແວດ​ລ້ອມ, ຮອງ​ປະ​ທານ​ສະ​ພາ​ບໍ​ລິ​ຫານ ກອງ​ທຶນ​ປົກ​ປັກ​ຮັກ​ສາ​ສິ່ງ​ແວດ​ລ້ອມ, ພ້ອມ​ດ້ວຍ​ບັນ​ດາ​ຫົວໜ້າ​ກົມ​ອ້ອມ​ຂ້າງ​ ເຂົ້າ​ຮ່ວມຢ່າງ​ພ້ອມ​ພຽງ.


ໃນ​ພິ​ທີ​ເຊັນ​ສັນ​ຍາ​ແມ່ນ​ໃຫ້​ກຽດ​ລົງ​ນ​າມ​ເຊັນ​ສັນ​ຍາ​ໂດຍ​ທ່ານ ຄຳ​ປະ​ດິດ​ ຄຳ​ມູນເຮືອງ, ຫົວ​ໜ້າ​ຫ້ອງ​ການ ກອງ​ທຶນ​ປົກ​ປັກ​ຮັກ​ສາ​ສິ່ງ​ແວດ​ລ້ອມ (ຕາງ​ໜ້າ​ຜູ້​ໃຫ້​ທຶນ) ແລະ ທ່ານ ທອງ​ແອັດ ໄພ​ວັນ, ຮັກ​ສາ​ການ​ຜູ້​ອຳ​ນວຍ​ການ ອົງ ການ​ຄຸ້ມ​ຄອງ ແລະ ປົກ​ປັກ​ຮັກ​ສາ ແຫຼ່ງ​ນ້ຳ​ເທີນ 2 (ຕາງ​ໜ້າ​ຈາກ​ໂຄງ​ການ​ທີ່​ໄດ້​ຮັບ​ທຶນ). ງົບ​ປະ​ມານ​ຂອງ​ໂຄງ​ການ ແມ່ນ 2,999,783 ໂດ​ລາ​ສະ​ຫະ​ລັດ ຫຼື ປະ​ມານ 24,298,242,300 ກິບ.

LAST_UPDATED2
ອ່ານເພິ່ມເຕິມ...
 
ກຊສ ປະຊຸມຜ່ານຮ່າງກົດໝາຍທີ່ດິນສະບັບປັບປຸງ PDF ພິມ ອີເມລ
ຂຽນໂດຍ ພະແນກ ຂ່າວສານ ແລະ ອິນເຕີເນັດ   
ວັນຈັນທີ່ 16 ຕຸລາ 2017 ເວລາ 16: 11

alt

ກະ​ຊວງ ຊັບ​ພະ​ຍາ​ກອນ​ທຳມະ​ຊາດ ແລະ ສິ່ງ​ແວດ​ລ້ອມ ໄດ້​ຈັດ​ກອງ​ປະ​ຊຸມ ຜ່ານ​ຮ່າງ ກົດໝາຍ​ທີ່​ດິນ​ສະ​ບັບ​ປັບ​ປຸງ ໃນ​ວັນ​ທີ 12-13 ຕຸ​ລາ 2017 ທີ່​ສະ​ໂມ​ສອນ ກ​ຊ​ສ ໂດຍ​ການ​ເປັນ​ປະ​ທານ​ຂອງ​ທ່ານ ສົມ​ມາດ ພົ​ລ​ເສ​ນາ ລັດ​ຖະ​ມົນ​ຕີ ກະ​ຊວງ ຊັບ​ພະ​ຍາ​ກອນ​ທຳມະ​ຊາດ ແລະ ສິ່ງ​ແວດ​ລ້ອມ, ມີ​ຮອງ​ລັດ​ຖະ​ມົນ​ຕີ, ຫົວ​ໜ້າ​ກົມ, ​ຮອງ​ກົມ, ກອງ, ສູນ, ສະ​ຖາ​ບັນ, ຫົວ​ໜ້າ​ພະ​ແນກ​ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ນະຄອນຫຼວງ/ແຂວງ, ນອກຈາກນັ້ນຍັງມີ ບັນ​ດາ​ຫົວ​ໜ້າ​ພະ​ແນກ, ຮອງ​ພະ​ແນກ, ຫົວ​ໜ້າ​ຂະ​ແໜງ, ຮອງ​ຂະ​ແໜງ ພ້ອມ​ທັງ​ວິ​ຊາ​ການ​ຜູ້ເຮັດວຽກ​ງານ​ທີ່​ດິນ​ເຂົ້າ​ຮ່ວມ.

LAST_UPDATED2
ອ່ານເພິ່ມເຕິມ...
 
ບົດຄວາມ ອື່ນ ໆ...
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 1 of 52