Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້90
mod_vvisit_counterຜູ້ເຂົ້າຊົມ ມື້ວານ683
mod_vvisit_counterຜູ້ເຂົ້າຊົມ ອາທິດນີ້773
mod_vvisit_counterຜູ້ເຂົ້າຊົມ ອາທິດ ຜ່ານມາ6934
mod_vvisit_counterຜູ້ເຂົ້າຊົມ ເດືອນນີ້16935
mod_vvisit_counterຜູ້ເຂົ້າຊົມ ເດືອນຜ່ານມາ30724
mod_vvisit_counterລວມທັງຫມົດ67531

Online (20 minutes ago): 16
Your IP: 54.80.146.251
,
Today: ພ. ຈ. 19, 2017
ອາຊຽນ ກຽມມາດຕະການຮັບມື ດ້ານສິ່ງແວດລ້ອມຢ່າງໃກ້ຊິດ PDF ພິມ ອີເມລ
ຂຽນໂດຍ ວິລຸນາ ໄຊຍະລາດ   
ວັນພຸດທີ່ 12 ພະຈິກ 2014 ເວລາ 10: 05

alt


     ສະພາບ​ໝອກ​ຄວັນ ແລະ ສະພາບ​ທ່າ​ອ່ຽງ​ຂອງ​ການ​ເກີດ​ໄຟຈາກ​ທຳ​ມະ​ຊາດ​ຕ່າງໆ ​ທີ່​ກໍ່​ໃຫ້ເກີດ​ໝອກ​ຄວັນ​ມົນ​ລະ​ພິດ​ຂ້າມຜ່ານ​ຊາຍ​ແດນ​ ໄດ້​ກາຍເປັນ​ໄພຂົ່ມຂູ່​ທີ່​ບັນດາ​ປະເທດ​ອາ​ຊຽນ ​ຈະຕ້ອງ​ໄດ້​ມີ​ສະຕິ​ເຝົ້າ​ລະວັງ​ກະກຽມ ແລະ ມີ​ມາດ​ຕະການ​ຮັບ​ມື​ຢ່າງວ່ອງໄວ ​ໃນ​ການ​ຄວບ​ຄຸມ​ໄພ​ດັ່ງກ່າວ ​ທີ່​ອາດ​ຈະ​ເກີດ​ຂຶ້ນ​ໃນ​ອະ​ນາຄົດ.

     ກອງ​ປະຊຸມ​ລັດ​ຖະ​ມົນ​ສິ່ງ​ແວດລ້ອມ​ບໍ່​ເປັນ​ທາງ​ການ ຄັ້ງ​ທີ 15 ທີ່ ​ສປປ ລາວ ເປັນ​ເຈົ້າພາບ ​ໄດ້​ປິດລົງ​ຢ່າງ​ຈົບງາມ ​ໃນ​ຕອນ​ຄ່ຳ​ຂອງວັນ​ທີ 31 ຕຸລາ 2014 ທີ່​ຫໍ​ປະຊຸມ​ແຫ່ງ​ຊາດ ພາຍ​ໃຕ້​ເປັນ​ປະທານ​ຂອງ​ທ່ານ ນູ​ລິນ ສິນ​ບັນດິດ ລັດຖະມົນຕີ​ວ່າການ​ກະຊວງ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ເຊິ່ງ​ມີ​ບັນດາ​ປະເທດ​ສະມາຊິກ​ອາ​ຊຽນ ອາ​ຊຽນບວກ 3 ແລະ ບັນດາ​ປະເທດ​ຄູ່ຮ່ວມ​ເຈລະຈາ​ເຂົ້າ​ຮ່ວມ.

     ທ່ານ ນູ​ລິນ ສິນ​ບັນດິດ ກ່າວວ່າ: ກອງ​ປະຊຸມ​ລັດຖະມົນຕີ​ອາຊຽນ​ຄັ້ງ​ນີ້ ​ແມ່ນ​ໄດ້​ຮັບ​ຊາບ​ການລາຍ​ງານ​ຂອງ​ສູນ​ອຸຕຸນິຍົມ ​ຂອງບັນດາ​ປະເທດ​ອາ​ຊຽນ​ກ່ຽວ​ກັບພະຍາກອນ ສະພາບ​ຂອງ​ໝອກຄວັນ ແລະ ສະພາບ​ທ່າ​ອ່ຽງຂອງ​ການ​ເກີດ​ໄຟ​ຈາກ​ທຳ​ມະຊາດ ​ທີ່​ກໍ່ໃຫ້ເກີດ​ໝອກ​ຄວັນ​ມົນລະ​ພິດ​ຂ້າມ​ຜ່ານ​ຊາຍ​ແດນ ເຊິ່ງບັນຫາ​ເຫຼົ່າ​ນີ້​ ບັນດາ​ປະເທດ​ອາຊຽນ ​ຈະ​ຕ້ອງ​ໄດ້​ເອົາໃຈໃສ່​ຮ່ວມກັນ​ຢ່າງ​ໃກ້ຊິດ​ ເຖິງ​ຄວາມ​ເສຍຫາຍ​ທີ່​ອາດ​ຈະ​ເກີດ​ຂຶ້ນ​ໄດ້​ທຸກ​ເວລາ.

     ກອງ​ປະຊຸມ​ຍັງ​ໄດ້​ຮັບ​ຟັງ​ການລາຍ​ງານ ​ກ່ຽວ​ກັບ​ການຈັດຕັ້ງ​ປະຕິ​ບັດ​ແຜນ​ງານກິດຈະກຳ​ຕ່າງໆ ໃນ​ລະດັບ​ຊາດ ແລະ ໃນ​ລະດັບພາກ​ພື້ນ ​ທີ່​ກ່ຽວຂ້ອງ​ກັບ​ການປ້ອງ​ກັນ ແລະ ສະກັດ​ກັ້ນ​ໝອກຄວັນ​ຂ້າມ​ຜ່ານ​ຊາຍ​ແດນ​ ຈາກບັນດາ​ປະເທດ​ສະມາຊິກ​ດ້ວຍ​ກັນ ລວມ​ທັງ​ຄວາມ​ຄືບ​ໜ້າ​ໃນ​ການປະກອບສ່ວນ ​ເຂົ້າ​ໃນ​ກອງ​ທຶນຄວບ​ຄຸມ​ໝອກ​ຄວັນ ແລະ ຍິນ​ດີຮັບ​ເອົາ​ການ​ຊ່ວຍເຫຼືອ​ ຈາກ​ອົງການ​ຊ່ວຍເຫຼືອ​ຕ່າງໆ ທ່ານ ນູ​ລິນ ສິນ​ບັນດິດ ໄດ້ຊົມເຊີຍ​ຕໍ່​ຜົນສຳເລັດ​ໃນ​ຫຼາຍໆກິດຈະກຳ​ຂອງ​ໂຄງການ 5 ປີ ກ່ຽວ​ກັບ​ປ່າ ດິນ ຖ່ານ​ຕົມ ນອກຈາກ​ນີ້ ໄດ້​ຫາລື​ກັບ​ປະເທດ​ອາຊຽນ​ບວກ​ສາມ ​ທີ່​ໄດ້​ດຳເນີນ​ກິດຈະ​ກຳ​ຮ່ວມ​ກັນ ແລະ ທິດ​ທາງການ​ຮ່ວມ​ມື​ໃນຕໍ່ໜ້າ ​ໃນ​ດ້ານ​ຊີວະ​ນາໆພັນ ການ​ປ່ຽນແປງ​ດິນຟ້າ​ອາກາດ ການ​ສຶກ​ສາ​ດ້ານສິ່ງແວດລ້ອມ ວິທະຍາສາດ ແລະ ເຕັກ​ໂນ​ໂລ​ຊີ​ສິ່ງແວດລ້ອມ ແລະ ອຶ່ນໆ ພ້ອມ​ກັນ​ນີ້ ​ກອງ​ປະຊຸມ​ລັດຖະມົນຕີ​ອາ​ຊຽນ​ຮ່ວມ​ກັນ ກັບ​ບັນດາ​ປະເທດ​ອາຊີ​ຕາເວັນອອກ ຄັ້ງ​ທີ 4 ທີ່​ເນັ້ນ​ໜັກ​ການປືກ​ສາ​ຫາລື ​ໃນ​ບັນດາ​ຕົວ​ເມືອງ​ທີ່​ຍືນ​ຍົງ​ທາງ​ດ້ານ​ສິ່ງແວດລ້ອມ ແລະ ທິດ​ທາງ​ຮ່ວມ​ມື​ໃນຕໍ່ໜ້າ.

LAST_UPDATED2