Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້733
mod_vvisit_counterຜູ້ເຂົ້າຊົມ ມື້ວານ657
mod_vvisit_counterຜູ້ເຂົ້າຊົມ ອາທິດນີ້4267
mod_vvisit_counterຜູ້ເຂົ້າຊົມ ອາທິດ ຜ່ານມາ3938
mod_vvisit_counterຜູ້ເຂົ້າຊົມ ເດືອນນີ້18975
mod_vvisit_counterຜູ້ເຂົ້າຊົມ ເດືອນຜ່ານມາ16559
mod_vvisit_counterລວມທັງຫມົດ635030

Online (20 minutes ago): 9
Your IP: 54.162.138.175
,
Today: ກ. ກ. 27, 2017
ເຈົ້າຊາຍປະເທດເດັນມາກ ຢ້ຽມຢາມ ກຊສ PDF ພິມ ອີເມລ
ຂຽນໂດຍ ສົມອຸລາ ຍະພິຈິດ   
ວັນພະຫັດທີ່ 13 ພະຈິກ 2014 ເວລາ 13: 03



ເຈົ້າ​ຊາຍ ໂຈ​ອາ​ຊິມ (His Royal Highness Prince Joachim) ແຫ່ງປະເທດ​ເດັນ​ມາກ ພ້ອມ​ຄະນະ ໄດ້ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຮ່ວມ​ກັບອົງການ​ແຄຣ ປະຈຳ​ລາວ ລະຫວ່າງ​ວັນ​ທີ 11 ຫາ 18 ພະຈິກ 2014 ໃນ​ໂອກາດ​ນີ້ ທ່ານ​ເຈົ້າຊາຍ​ແຫ່ງ​ປະເທດ​ເດັນ​ມາກ ໄດ້ເຂົ້າ​ພົບ​ປະ​ທ່ານນາງ ບຸນ​ຄຳ ວໍລະ​ຈິດ ລັດຖະມົນຕີ​ຊ່ວຍ​ວ່າການ ​ກະຊວງ​ຊັບພະຍາກອນທຳ​ມະ​ຊາດ ແລະ ສິ່ງແວດ​ລ້ອມ ໃນ​ວັນ​ທີ 11 ພະຈິກ 2014 ທີ່ກະຊວງ​ດັ່ງກ່າວ.

ທ່ານ​ລັດຖະມົນຕີ​ຊ່ວຍ​ວ່າການ​ ໄດ້​ໃຫ້ການ​ຕ້ອນຮັບ​ອັນ​ອົບອຸ່ນ ແລະ ສະແດງ​ຄວາມ​ຍ້ອງຍໍ-ຊົມເຊີຍ ຕໍ່​ການ​ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່ ​ສປປ ລາວ ຂອງ​ທ່ານ​ເຈົ້າ​ຊາຍ​ແຫ່ງປະເທດ​ເດັນ​ມາກ ພ້ອມ​ດຽວ​ກັນ ທ່ານ​ຍັງ​ໄດ້​ສະແດງ​ຄວາມ​ຂອບໃຈ​ຕໍ່​ປະເທດ​ເດັນ​ມາກ ​ທີ່​ໃຫ້ການຊ່ວຍເຫຼືອ​ຜ່ານ​ອົງການ​ແຄຣ​ ປະຈຳ ​ສປປ ລາວ ທີ່​ໄດ້​ໃຫ້ການຊ່ວຍເຫຼືອ ແລະ ຮ່ວມ​ມືກັບ​ກະຊວງ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ໂດຍ​ສະເພາະແມ່ນ​ໂຄງການ​ຄຸ້ມ​ຄອງທີ່​ດິນ ແລະ ປ່າໄມ້ ສຳລັບ​ຊຸມ​ຊົນບັນດາເຜົ່າ​ຢູ່​ເຂດ​ຫ່າງ​ໄກ​ສອກຫຼີກ ເຊິ່ງ​ໃນ​ເບື້ອງ​ຕົ້ນ​ໄດ້​ສະໜັບສະ​ໜູນວຽກ​ງານປັບປຸງ​ນິຕິ​ກຳ ໃນ​ວຽກ​ງານ​ຈັດ​ສັນ ແລະ ພັດທະ​ນາ​ທີ່​ດິນ ແລະ ໂຄງການ​ສົ່ງເສີມ​ການ​ປັບ​ຕົວເຂົ້າ​ກັບ​ການປ່ຽນແປງ​ດິນ​ຟ້າ​ອາກາດຢູ່ເມືອງ​ ໃໝ່ ເມືອງ​ສຳພັນ ແລະ ເມືອງ​ຍອດ​ອູ ແຂວງ​ຜົ້ງ​ສາລີ ເຊິ່ງ​ທັງ​ສອງ​ໂຄງການ​ດັ່ງກ່າວ ແມ່ນ​ຢູ່​ໃນ​ໄລຍະ​ກະກຽມ​ບັນດາເອກະສານ​ໂຄງການ ແລະ ການປຶກສາ​ຫາລື ເພື່ອ​ໃຫ້ການ​ຊ່ວຍເຫຼືອ​ສອດຄ່ອງກັບ​ນະໂຍບາຍ ຍຸດ​ທະ​ສາດ​ລວມ​ຂອງ​ລັດ​ຖະບານ ເພື່ອ​ຮັບປະກັນ​ໃຫ້ການຊ່ວຍເຫຼືອ​ດັ່ງກ່າວ ມີ​ໝາກຜົນ​ໄປຕາມ​ທິດ​ທາງ​ດຽວ​ກັນ ແລະ ບັນລຸ​ໄດ້​ຄາດໝາຍ​ສູ້​ຊົນ​ຂອງ​ລັດຖະ​ບານ.

ໃນ​ໂອກາດ​ດຽວ​ກັນ ທ່ານ​ເຈົ້າຊາຍ​ແຫ່ງ​ປະເທດ​ເດັນ​ມາກ ໄດ້ສະແດງ​ຄວາມ​ຂອບໃຈ​ຕໍ່​ການຕ້ອນຮັບ​ອັນ​ອົບ​ອຸ່ນ ​ຂອງ​ທ່ານ​ລັດຖະ​ມົນຕີ​ຊ່ວຍ​ວ່າການ ​ກະຊວງ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ແລະ ໄດ້​ຍົກ​ໃຫ້ເຫັນ​ກ່ຽວ​ກັບ​ຄວາມ​ສຳຄັນ ​ໃນວຽກ​ງານ​ການ​ປ່ຽນແປງ​ດິນ​ຟ້າອາກາດ ແລະ ການ​ຄ້ຳປະກັນສະບຽງ​ອາຫານ ເພື່ອ​ຫຼຸດຜ່ອນຄວາມທຸກ​ຍາກ ພ້ອມ​ທັງ​ຄວາມບໍ່​ໝັ້ນຄົງ​ຂອງ​ສະບຽງ​ອາຫານ ​ຕໍ່ກັບ​ການ​ປ່ຽນແປງ​ດິນ​ຟ້າ​ອາກາດ ແລະ ທ່ານ​ໄດ້​ໃຫ້​ຄຳ​ໝັ້ນ​ສັນຍາວ່າ​ ຈະ​ສືບຕໍ່​ໃຫ້ການ​ຊ່ວຍເຫຼືອ ແລະ ຮ່ວມ​ມື​ກັບ​ລັດຖະບານ ​ສປປ ລາວ ໃນ​ການຈັດຕັ້ງ​ປະຕິບັດ​ວຽກ​ງານ​ຄ້ຳປະກັນ​ສະບຽງອາຫານ ແລະ ການ​ປ່ຽນແປງຂອງ​ດິນ​ຟ້າ​ອາກາດ.

LAST_UPDATED2