Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້562
mod_vvisit_counterຜູ້ເຂົ້າຊົມ ມື້ວານ1224
mod_vvisit_counterຜູ້ເຂົ້າຊົມ ອາທິດນີ້4748
mod_vvisit_counterຜູ້ເຂົ້າຊົມ ອາທິດ ຜ່ານມາ4797
mod_vvisit_counterຜູ້ເຂົ້າຊົມ ເດືອນນີ້12485
mod_vvisit_counterຜູ້ເຂົ້າຊົມ ເດືອນຜ່ານມາ22053
mod_vvisit_counterລວມທັງຫມົດ650593

Online (20 minutes ago): 17
Your IP: 54.162.111.247
,
Today: ສ. ຫ. 18, 2017
ຕັ້ງໜ້າບັນລຸເປົ້າໝາຍ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII PDF ພິມ ອີເມລ
ຂຽນໂດຍ ສົມອຸລາ ຍະພິຈິດ   
ວັນພຸດທີ່ 19 ພະຈິກ 2014 ເວລາ 08: 46

alt

ກອງ​ປະຊຸມ​ໂຕະມົນ​ປະຈຳ​ປີ 2014 ໄດ້​ມີ​ຂຶ້ນ​ວັນ​ທີ 14 ພະຈິກ 2014 ຢູ່​ໂຮງແຮມ​ດອນ​ຈັນ​ພາເລດ ພາຍ​ໃຕ້​ຫົວຂໍ້ ຕັ້ງໜ້າ​ບັນລຸເປົ້າ​ໝາຍ​ແຜນ​ພັດທະນາ​ເສດ​ຖະກິດ-ສັງຄົມແຫ່ງ​ຊາດ 5 ປີ ຄັ້ງ​ທີ VII ລວມ​ທັງ​ເປົ້າ​ໝາຍ​ສະຫັດສະ​ວັດ​ດ້ານ​ການ​ພັດທະນາ (MDGs) ແລະ ນຳພາ​ປະເທດຊາດ​ຫຼຸດ​ພົ້ນ​ຈາກ​ສະຖານະ​ພາບ ປະເທດ​ດ້ອຍ​ພັດທະນາ (LDC) ໃນ​ປີ 2020 ໂດຍ​ເປັນ​ປະທານຂອງ​ທ່ານ ທອງ​ລຸນ ສີ​ສຸ​ລິດ ຮອງນາຍົກລັດຖະມົນຕີ ລັດ​ຖະ​ມົນຕີ​ວ່າການ​ກະຊວງ​ການ​ຕ່າງ​ປະເທດ ມີ​ທ່ານ ສົມ​ດີ ດວງ​ດີ ລັດ​ຖະມົນຕີ​ວ່າການ​ກະຊວງ​ແຜນການ ແລະ ການ​ລົງທຶນ ທ່ານ​ນາງ ຄາຣິ​ນາ ອິມ​ໂມ​ເນັນ ຜູ້​ປະສານ​ງານອົງການ​ສະຫະ​ປະຊາ​ຊາດ (​ສປຊ) ຜູ້ຕາງໜ້າ​ອົງການ ​ສປຊ ເພື່ອ​ການ​ພັດທະນາ ປະຈຳ​ລາວ ພ້ອມ​ດ້ວຍ​ແຂກ​ຖືກ​ເຊີນ​ທັງ​ພາຍໃນ ແລະ ຕ່າງປະເທດ​ເຂົ້າ​ຮ່ວມ 300 ກວ່າ​ຄົນ.


ຈຸດປະສົງ​ຂອງ​ກອງ​ປະຊຸມ​ຄັ້ງນີ້​ ເພື່ອ​ທົບ​ທວນຄືນ​ຄວາມ​ຄືບ​ໜ້າ ແລະ ສິ່ງ​ທ້າ​ທາຍ​ໃນ​ການຈັດຕັ້ງປະຕິບັດ ​ແຜນ​ພັດທະນາ​ເສດ​ຖະກິດ-ສັງຄົມແຫ່ງ​ຊາດ ສົກ​ປີ 2013-2014 ແລະ ທິດ​ທາງ​ແຜນການ ສົກ​ປີ 2014-2015 ທົບທວນຄືນ​ຄວາມ​ຄືບ​ໜ້າ ​ໃນ​ການຈັດ​ຕັ້ງ​ຜັນ​ຂະຫຍາຍ​ຜົນ​ຂອງ​ກອງປະຊຸມ​ໂຕະມົນ​ລະດັບ​ສູງ ຄັ້ງ​ທີ XI ທີ່​ຈັດ​ຂຶ້ນ​ໃນ​ປີ 2013 ແລະ ລາຍ​ງານ​ຄວາມ​ຄືບ​ໜ້າ ​ໃນ​ການກະກຽມ​ແຜນ​ພັດທະນາ​ເສດ​ຖະກິດ-ສັງຄົມແຫ່ງ​ຊາດ 5 ປີ ຄັ້ງ​ທີ VIII ແລະ ນຳພາ​ປະເທດ​ຊາດ​ຫຼຸດພົ້ນ​ຈາກ​ສະຖານະ​ພາບ ​ປະເທດດ້ອຍ​ພັດທະນາ ​ໃນ​ປີ 2020.

ທ່ານ ທອງ​ລຸນ ສີ​ສຸ​ລິດ ໄດ້ກ່າວ​ວ່າ: ການຈັດຕັ້ງ​ປະຕິບັດແຜນ​ພັດທະນາ​ເສດຖະກິດ-ສັງຄົມ ສົກ​ປີ 2013-2014 ໄດ້​ຮັບຜົນສຳເລັດ​ຢ່າງ​ຕັ້ງໜ້າ ສະແດງອອກ​ໃນ​ການ​ມີ​ສະຖຽນ​ລະ​ພາບທາງ​ດ້ານ​ການເມືອງ​ຢ່າງ​ໜັກແໜ້ນ ສັງຄົມ​ມີ​ຄວາມ​ສະຫງົບເປັນ​ລະບຽບ​ຮຽບ​ຮ້ອຍ​ໃນ​ລະດັບສູງ ເສດຖະກິດ​ມີ​ການ​ຂະຫຍາຍຕົວຢ່າງ​ຕໍ່​ເນື່ອງ ແລະ ໝັ້ນ​ທ່ຽງ ລວມ​ຍອດ​ຜະລິດ​ຕະ​ພັນ​ພາຍ​ໃນ (GDP) ບັນລຸ 7,6% ລາຍ​ໄດ້ຕໍ່​ຫົວ​ຄົນ ເພີ່ມ​ຂຶ້ນ​ຈາກ 1.534 ໂດ​ລາ​ສະຫະລັດ ຫຼື ປະມານ 12,367 ລ້ານ​ກີບ ໃນ​ສົກ​ປີ 2012-2013 ມາ​ເປັນ 1.692 ໂດ​ລາ​ສະຫະລັດ ຫຼື ປະມານ 13,641 ລ້ານ​ກີບ ໃນ​ສົກ​ປີ 2013-2014 ອັດຕາ​ເງິນ​ເຟີ້​ສະເລ່ຍ 5,16% ການ​ຂາດ​ດຸນ​ງົບ​ປະມານ 4,34% ທັງ​ນີ້ ກໍ່​ຍ້ອນ​ການປະກອບສ່ວນ​ຢ່າງ​ຕັ້ງໜ້າ ແລະ ມີ​ສ່ວນ​ຮ່ວມ​ຢ່າງ​ແຂງແຮງ​ຂອງທຸກ​ພາກສ່ວນ ເປັນຕົ້ນ​ແມ່ນ ພາກ​ເອກະ​ຊົນ ບັນດາ​ປະເທດເພື່ອນ​ມິດ ອົງ​ການຈັດຕັ້ງ​ສາກົນ ແລະ ຄູ່​ຮ່ວມ​ພັດທະນາ​ທີ່​ໄດ້​ໃຫ້ການ​ສະໜັບສະໜູນ​ຊ່ວຍ​ທາງດ້ານ​ທຶນຮອນ ກໍ່​ຄື​ເຕັກນິກ​ວິຊາການ​ຢ່າງ​ຕໍ່​ເນື່ອງ ກອງ​ປະຊຸມຄັ້ງ​ນີ້​ ຍັງ​ຈະ​ໄດ້​ພ້ອມ​ກັນ​ສົນທະນາ ແລະ ແລກປ່ຽນ​ຄວາມ​ຄິດ​ເຫັນຢ່າງ​ກົງ​ໄປ​ກົງ​ມາ ແລະ ມີ​ຄວາມຮັບຜິດຊອບ​ສູງ ພ້ອມ​ທັງ​ຢືນຢັນຄວາມ​ໝັ້ນ​ໝາຍ​ຮ່ວມ​ມື​ກັນ ແນໃສ່​ພັດທະນາ​ເສດຖະກິດ​ແຫ່ງຊາດ​ໃຫ້​ມີ​ຄວາມ​ເຂັ້ມແຂງ ແລະ ໝັ້ນ​ທ່ຽງ​ຍິ່ງ​ຂຶ້ນ ສືບຕໍ່​ອອກແຮງຂຸດ​ຄົ້ນ​ທ່າແຮງ​ບົ່ມ​ຊ້ອນ​ພາຍ​ໃນ ເປັນຕົ້ນ​ການ​ເພີ່ມ​ແຫຼ່ງ​ລາຍ​ຮັບ ການ​ສ້າງ​ຂີດ​ຄວາມ​ສາມາດດ້ານ​ວິຊາ​ການ ​ເພື່ອ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການຂອງ​ການ​ພັດທະນາ​ໃນ​ໄລຍະ​ໃໝ່ ແລະ ສາມາດ​ເຊື່ອມ​ໂຍງ​ກັບພາກ​ພື້ນ ແລະ ສາກົນ ແນໃສ່ບັນລຸ MDGs ໃນ​ປີ 2015 ກໍ່​ຄື LDC ໃນ​ປີ 2020.

LAST_UPDATED2