Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້117
mod_vvisit_counterຜູ້ເຂົ້າຊົມ ມື້ວານ1280
mod_vvisit_counterຜູ້ເຂົ້າຊົມ ອາທິດນີ້7787
mod_vvisit_counterຜູ້ເຂົ້າຊົມ ອາທິດ ຜ່ານມາ5295
mod_vvisit_counterຜູ້ເຂົ້າຊົມ ເດືອນນີ້13082
mod_vvisit_counterຜູ້ເຂົ້າຊົມ ເດືອນຜ່ານມາ0
mod_vvisit_counterລວມທັງຫມົດ13082

Online (20 minutes ago): 12
Your IP: 54.162.10.211
,
Today: ກ. ຍ. 23, 2017
ກຊສ ຈັດກອງປະຊຸມໃຫຍ່ຜູ້ແທນຊາວໜຸ່ມ ຄັ້ງທີ I PDF ພິມ ອີເມລ
ຂຽນໂດຍ ວິລຸນາ ໄຊຍະລາດ   
ວັນອັງຄານທີ່ 10 ມີນາ 2015 ເວລາ 09: 46

alt

     ກອງປະຊຸມໃຫຍ່ຜູ້ແທນຊາວໜຸ່ມ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຄັ້ງທີ I ຢ່າງເປັນທາງການ,ໃນວັນທີ 24 ກຸມພາ 2015 ທີ່ສະໂມສອນ ກົມອຸຕຸນິຍົມ ແລະ ອຸທົກກະສາດ ເປັນປະທານ ໂດຍ ສະຫາຍ ສົມອຸລາ ຍະພິຈິດ, ຄະນະບໍລິຫານງານ ສູນກາງ ຊປປລ, ເລຂາ ຄະນະບໍລິຫານງານ ຊາວໜຸ່ມ ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ, ໃຫ້ກຽດເຂົ້າຮ່ວມຂອງ ສະຫາຍ ສີສະຫວັດ ວິທະໄຊ, ຮອງເລຂາ ຄະນະພັກ, ລັດຖະມົນຕີຊ່ວຍວ່າການ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ສະຫາຍ ດຣ ສອນທະນູ ທຳມະວົງ, ຮອງເລຂາ ຄະນະພັກ, ຮອງເລຂາ ຄະນະບໍລິຫານງານ ສູນກາງ ຊາວໜຸ່ມປະຊາຊົນປະຕິວັດລາວ ພ້ອມທັງພ້ອມທັງບັນດາ ຫົວໜ້າ ຫ້ອງການ, ກົມ, ກອງ, ສູນ,ສະຖາບັນ ແລະ ບັນດາສະມາຊິກຊາວໜຸ່ມ ພາຍໃນ ກຊສ ເຂົ້າຮ່ວມຢ່າງພ້ອມພຽງ.

alt

ກອງປະຊຸມດັ່ງກ່າວໄດ້ໄຂຂື້ນໃນທ້າຍຂອງຊຸມປີ ແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງພັກ ແລະ ມະຕິກອງປະຊຸມ ໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VI ,ເພື່ອຄຳນັບຮັບຕ້ອນ ແລະ ສະເຫຼີມສະຫຼອງ ວັນສຳຄັນຕ່າງໆຂອງຊາດເຊັ່ນ: ວັນຊາດທີ 2 ທັນວາ ຄົບຮອບ 40 ປີ, ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 60 ປີ, ວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 60 ປີ ແລະ ກໍ່ແມ່ນໄລຍະທີ່ ຄະນະບໍລິຫານງານຊາວໜຸ່ມ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ພວມສ້າງຂະບວນ ການເພື່ອຄຳນັບຮັບຕ້ອນກອງປະຊຸມໃຫຍ່ ອົງຄະນະພັກ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຄັ້ງທີ I ທີ່ຈະໄຂຂື້ນໃນມໍ່ໆ ນີ້.

alt

     ຈຸດປະສົງຂອງກອງປະຊຸມໃຫຍ່ໃນຄັ້ງນີ້ແມ່ນ: ເພື່ອ ຕີລາຄາຄືນການຈັດຕັ້ງປະຕິບັດ ມະຕິກອງປະຊຸມໃຫຍ່ ຜູ້ແທນຊາວໜຸ່ມທົ່ວປະ ເທດ ຄັ້ງທີ VI ແລະ ທິດທາງແຜນການຂອງຄະນະພັກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ 2015-2019, ຈາກນັ້ນ ກອງປະຊຸມຍັງໄດ້ ປ່ອນບັດເລືອກຕັ້ງເອົາບຸກຄະລາກອນ ເຂົ້າໃນຄະນະບໍລິຫານງານ ເພື່ອຊີ້ນຳ ນຳພາຄະນະ ຊາວໜຸ່ມ ພາຍໃນ ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ຊຸດທີ I ນຳອິກ.

alt

     ພ້ອມກັນນັ້ນ, ກອງປະຊຸມຍັງໄດ້ຮັບຟັງການໂອ້ລົມ ໃຫ້ທິດຊີ້ນຳ ຈາກ ສະຫາຍ ສີສະຫວັດ ວິທະໄຊ, ຮອງເລຂາຄະນະພັກ, ລັດຖະມົນຕີ ຊ່ວຍວ່າການ ກະ ຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ສະຫາຍ ດຣ. ສອນທະນູ ທຳມະວົງ, ຮອງເລຂາຄະນະພັກ, ຮອງເລຂາ ຄະນະບໍລິຫານງານ ສູນກາງ ຊປປລ ຕາງໜ້າໃຫ້ຄະນະບໍລິຫານງານ ສູນກາງຊາວໜຸ່ມ ປະຊາຊົນປະຕິວັດລາວ ນຳເອົາຄວາມ ອົບອຸ່ນ ຄວາມເປັນຫ່ວງເປັນໄຍຂອງຂັ້ນເທີງ ແລະ ຄວາມເອົາໃຈໃສ່ມາສູ່ກອງປະຊຸມໃນຄັ້ງນີ້ດ້ວຍ.

alt

LAST_UPDATED2