Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້178
mod_vvisit_counterຜູ້ເຂົ້າຊົມ ມື້ວານ401
mod_vvisit_counterຜູ້ເຂົ້າຊົມ ອາທິດນີ້178
mod_vvisit_counterຜູ້ເຂົ້າຊົມ ອາທິດ ຜ່ານມາ8071
mod_vvisit_counterຜູ້ເຂົ້າຊົມ ເດືອນນີ້13544
mod_vvisit_counterຜູ້ເຂົ້າຊົມ ເດືອນຜ່ານມາ0
mod_vvisit_counterລວມທັງຫມົດ13544

Online (20 minutes ago): 15
Your IP: 54.224.230.51
,
Today: ກ. ຍ. 24, 2017
ຈົ່ງພ້ອມກັນໃຊ້ນ້ຳຢ່າງປະຢັດ ແລະ ໃຫ້ເກີດປະໂຫຍດສູງສຸດ PDF ພິມ ອີເມລ
ຂຽນໂດຍ ສົມອຸລາ ຍະພິຈິດ   
ວັນພຸດທີ່ 25 ມີນາ 2015 ເວລາ 10: 11

alt

ທ່ານ ອາ​ຊາງ ລາວ​ລີ ຮອງນາຍົກລັດຖະມົນຕີ ຜູ້​ຊີ້​ນຳ​ວຽກງານ​ການ​ປົກຄອງ ໄດ້​ຖະແຫຼງຂ່າວ​ເນື່ອງ​ໃນ​ໂອກາດ​ ການ​ສະເຫຼີມ​ສະຫຼອງ​ວັນ​ນ້ຳ​ໂລກ ວັນ​ທີ 22 ມີນາ 2015 ໃນ​ວັນ​ທີ 20 ມີນາ 2015 ທີ່​ຫ້ອງ​ວ່າການລັດຖະ​ບານ ວ່າ: ໃນ​ທ່າມກາງ​ບັນຍາ​ກາດ​ທີ່​ທົ່ວ​ພັກ ແລະ ທົ່ວ​ປວງຊົນ​ລາວ​ທັງ​ຊາດ ພວມ​ເບີກບານມ່ວນຊື່ນ​ສະເຫຼີມສະຫຼອງ​ສອງວັນ​ປະຫວັດສາດ ແລະ ໂອກາດ​ດັ່ງກ່າວ​ນີ້ ​ປະຊາຊົນ​ລາວ​ບັນດາເຜົ່າຮ່ວມ​ກັບ​ປະຊາ​ຄົມ​ໂລກ ພ້ອມ​ກັນສະເຫຼີມສະຫຼອງ​ວັນ​ນ້ຳ​ໂລກ​ ຄົບຮອບ 21 ປີ ພາຍ​ໃຕ້​ຫົວຂໍ້ “ນ້ຳ ແລະ ການ​ພັດທະນາ​ແບບ​ຍືນຍົງ” ການ​ສະເຫຼີມສະຫຼອງ​ວັນ​ດັ່ງກ່າວ ​ເປັນ​ຂີດ​ໝາຍ​ອັນ​ສຳຄັນ ​ໃນການ​ປູກ​ຈິດ​ສຳນຶກ​ທົ່ວ​ປວງຊົນ​ໃຫ້​ເລິກເຊິ່ງ​ກວ່າ​ເກົ່າ ​ກ່ຽວ​ກັບຄວາມ​ສຳຄັນ​ຂອງ​ນ້ຳ ແລະ ຊັບພະຍາກອນ​ແຫຼ່ງ​ນ້ຳ ພ້ອມ​ດຽວກັນ​ນັ້ນ ​ກໍ່​ເປັນ​ການ​ປະກອບສ່ວນປະຕິບັດ​ພັນທະ​ຂອງ ​ສປປ ລາວ ໃນ​ການ​ສ້າງ​ຂະ​ບວນ​ການ​ເນື່ອງໃນ​ວັນ​ນ້ຳ​ໂລກ ຄື​ກັນ​ກັບ​ຫຼາຍໆປະເທດ​ໃນ​ທົ່ວ​ໂລກ.

ອົງການ​ສະຫະ​ປະຊາ​ຊາດ ໄດ້​ກຳນົດ​ເອົາ​ວັນ​ທີ 22 ມີນາຂອງ​ທຸກໆ​ປີ​ເປັນ​ວັນ​ນ້ຳ​ໂລກ ເພື່ອ​ເປັນ​ການ​ກະ​ຕຸ້ນ​ເຕືອນ​ປະຊາ​ກອນ​ໂລກ ຮ່ວມ​ມື​ກັນ​ໃຊ້​ນ້ຳຢ່າງ​ປະຢັດ ຮູ້​ຄຸນຄ່າ ແລະ ໃຊ້​ນ້ຳໃຫ້​ເກີດ​ປະໂຫຍດ​ສູງ​ສຸດ ລວມທັງ​ກະ​ຕຸ້ນ​ເຕືອນ​ລັດຖະບານ​ຂອງທຸກ​ປະເທດ ໃຫ້​ເພີ່ມ​ປະ​ສິດທິພາບ​ໃນ​ການ​ຄຸ້ມ​ຄອງ​ນ້ຳ​ໃຫ້​ສູງຂຶ້ນ​ຕື່ມ​ອີກ ໂດຍ​ສະເພາະ​ຢ່າງຍິ່ງ​ແມ່ນ ​ການ​ແກ້​ໄຂ​ບັນຫາ​ການເຊື່ອມ​ໂຊມ ຫຼື ການ​ເກີດ​ມົນ​ລະພິດ​ຂອງ​ແຫຼ່ງ​ນ້ຳ ກິດຈະກຳ​ດັ່ງກ່າວ ​ເປັນ​ການ​ສ້າງ​ຈິດ​ສຳນຶກ​ໃນການ​ໃຊ້​ນ້ຳ​ຮ່ວມ​ກັນ ເພາະວ່າ​ນ້ຳເປັນ​ຊັບພະຍາກອນ​ທີ່​ສຳຄັນ​ຕໍ່​ຊີວິດ​ຂອງ​ຄົນ​ເຮົາ ແລະ ມີ​ບົດບາດສຳຄັນ​ຕໍ່​ການ​ພັດທະນາ​ຂອງ​ທຸກປະເທດ​ໃນ​ທົ່ວ​ໂລກ ​ໃນ​ແຕ່​ລະປີ ​ຈະ​ມີ​ຄຳ​ຂວັນ​ການ​ສະເຫຼີມ​ສະຫຼອງ​ວັນ​ນ້ຳ​ໂລກ​ແຕກ​ຕ່າງ​ກັນ ສະນັ້ນ ອີງໃສ່​ຫົວຂໍ້​ຂອງ​ວັນ​ນ້ຳໂລກ​ ໃນ​ປີ​ນີ້​ທີ່​ມີ​ຄຳ​ຂວັນ​ວ່າ “ນ້ຳ ແລະ ການ​ພັດທະນາ​ແບບ​ຍືນຍົງ” ດັ່ງກ່າວ ທາງ​ອົງການ​ສະຫະປະຊາ​ຊາດ ຈຶ່ງ​ໄດ້​ກຳນົດ​ຫົວຂໍ້ຕ່າງໆ​ທີ່​ພົວພັນ​ກັບ​ການ​ພັດ​ທະນາ​ແບບ​ຍືນ​ຍົງ​ຕື່ມ​ ອີກ ເຊັ່ນ: ນ້ຳແມ່ນ​ສິ່ງ​ຈຳເປັນ​ສຳລັບ​ສຸຂະພາບ ນ້ຳ​ເປັນ​ສິ່ງ​ສຳຄັນ​ຕໍ່​ກັບ​ລະບົບ​ນິເວດ​ທຳ​ມະ​ຊາດ ນ້ຳ​ເປັນ​ປັດ​ໄຈສຳຄັນ​ສຳລັບ​ປະຊາກອນ​ທີ່ຢູ່​ໃນຕົວ​ເມືອງ​ໃຫຍ່ ນ້ຳ​ສຳລັບ​ໃຊ້​ໃນໂຮງງານ​ອຸດ​ສະ​ຫາ​ກຳ ນ້ຳ​ກັບການ​ຜະລິດ​ພະລັງງານ ນ້ຳ​ກັບການ​ຜະລິດ​ສະບຽງ​ອາຫານ ແລະ ຄວາມ​ເທົ່າ​ທຽມ​ກັນ​ໃນການ​ຊົມໃຊ້​ນ້ຳ ບັນດາ​ຫົວຂໍ້​ເລົ່ານີ້ ຂ້າພະເຈົ້າເຫັນ​ວ່າ​ເໝາະ​ສົມ ແລະ ຖືກ​ກັບ​ເປົ້າ​ໝາຍ​ຂອງ​ປະເທດ​ເຮົາ​ຫຼາຍ ພັກ-ລັດ ຍາມ​ໃດກໍ່​ໄດ້​ເອົາໃຈໃສ່ ແລະ ໃຫ້​ຄວາມສຳຄັນ​ຕໍ່​ກັບ​ການ​ພັດທະນາ​ແບບຍືນ​ຍົງ ເຊິ່ງ​ກ່ຽວ​ພັນ​ກັບ​ຫົວຂໍ້ຕ່າງໆ​ທີ່​ກ່າວ​ມາ​ນັ້ນ.

ຄື​ໄດ້​ຮູ້​ນຳ​ກັນ​ແລ້ວ​ວ່າ ນ້ຳ​ເປັນອົງ​ປະກອບ​ພື້ນຖານ​ທີ່​ຂາດ​ບໍ່​ໄດ້ຂອງ​ສິ່ງ​ທີ່​ມີ​ຊີວິດ​ໃນ​ໂລກ ນ້ຳ​ຍັງເປັນ​ທ່າແຮງ​ໜຶ່ງ​ທີ່​ສຳຄັນ​ຂອງຊັບພະຍາກອນ​ທຳ​ມະ​ຊາດ ທີ່​ປະກອບ​ສ່ວນ​ເຂົ້າ​ໃນ​ການ​ພັດທະນາເສດຖະກິດ-ສັງຄົມ​ແຫ່ງ​ຊາດ ພ້ອມ​ດຽວ​ກັນ​ນີ້​ ຍ້ອນ​ປະຊາກອນໂລກ​ໄດ້​ມີ​ການ​ເພີ່ມ​ຂຶ້ນ​ຢ່າງ​ໄວວາ ຊັບພະຍາກອນ​ນ້ຳ​ສະເລ່ຍ​ຕໍ່​ຫົວຄົນ​ກໍ່​ຫຼຸດ​ໜ້ອຍ​ຖອຍ​ລົງ ອັນ​ໄດ້​ກໍ່ໃຫ້​ເກີດ​ບັນຫາ​ຂາດແຄນ​ນ້ຳ​ຢູ່ຫຼາຍ​ປະເທດ​ໃນ​ທົ່ວ​ໂລກ ໃນ​ຂະນະ​ດຽວ​ກັນ ​ຊັບພະຍາກອນ​ນ້ຳ ກໍ່​ຍັງ​ຖືກ​ຄຸກ​ຄາມ ແລະ ມີ​ບັນຫາມົນ​ລະ​ພິດ​ທາງນ້ຳ​ໄດ້​ເພີ່ມ​ຂຶ້ນ ຈາກ​ການ​ປ່ຽນແປງ​ດິນ​ຟ້າ​ອາກາດ ແລະ ກິດຈະການ​ຕ່າງໆທີ່​ມະນຸດ​ສ້າງ​ຂຶ້ນ ອັນ​ເປັນ​ສາເຫດກໍ່ໃຫ້ເກີດ​ໄພພິບັດ​ທາງ​ທຳ​ມະຊາດ ເຊັ່ນ: ໄພ​ນ້ຳ​ຖ້ວມ ເຊິ່ງ​ເປັນໄພ​ຂົ່ມຂູ່​ຕໍ່​ການ​ດຳລົງ​ຊີວິດ​ຂອງມະນຸດ ດ້ວຍ​ເຫດຜົນ​ຄື​ດັ່ງກ່າວ ພວກ​ເຮົາ​ຈຶ່ງ​ໃຫ້​ຄວາມ​ສຳຄັນ ເປັນ​ພິເສດ​ຕໍ່​ກັບ​ການ​ສະເຫຼີມສະຫຼອງ​ວັນ​ນ້ຳ​ໂລກ ເພື່ອ​ໃຫ້​ເຫັນໄດ້​ບົດບາດ ແລະ ຄວາມ​ສຳຄັນຂອງ​ຊັບພະຍາກອນ​ນ້ຳ.

​ສປປ ລາວ ເປັນ​ປະເທດ​ທີ່ອຸດົມສົມບູນ​ດ້ວຍ​ຊັບພະຍາກອນທຳ​ມະ​ຊາດ ເປັນຕົ້ນ ຊັບ​ພະຍາກອນ​ນ້ຳ ທັງ​ນ້ຳ​ໜ້າດິນ ແລະ ນ້ຳ​ໃຕ້​ດິນ ມີ​ສາຍ​ນ້ຳຂອງ​ໄຫຼຜ່ານແຕ່​ເໜືອ​ຮອດ​ໃຕ້ ມີ​ບັນດາສາຂາ​ທີ່​ມີ​ຕົ້ນ​ກຳເນີດ​ໃນ​ດິນແດນ ​ສປປ ລາວ ມີ​ປະລິມານ​ນ້ຳ​ຝົນທີ່ອຸດົມສົມບູນ ຄວາມ​ອຸດົມ​ສົມບູນ​ທາງ​ດ້ານ​ຊັບພະຍາກອນ​ນ້ຳ ແລະ ສະພາບ​ພູມີ​ປະເທດ​ຂອງ ​ສປປ ລາວ ໄດ້​ເປັນ​ປັດ​ໄຈ​ອັນ​ສຳຄັນ ​ທີ່​ເອື້ອ​ອຳນວຍ​ໃຫ້​ແກ່​ການພັດທະນາ​ໄຟຟ້າ​ນ້ຳຕົກ ເຊິ່ງ​ເປັນການ​ປະກອບສ່ວນ​ອັນ​ສຳຄັນ ​ໃຫ້ແກ່​ການ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ ພ້ອມ​ກັນ​ນັ້ນ ຊັບພະຍາກອນ​ນ້ຳ​ຍັງ​ເປັນ​ປັດ​ໄຈທີ່​ສຳຄັນ ​ຮັບ​ໃຊ້​ໃຫ້​ແກ່​ການ​ພັດທະ​ນາ​ໃນ​ຂະແໜງການ​ຕ່າງໆ ເຊັ່ນ: ຊົນລະປະທານ ການ​ສະໜອງ​ນ້ຳ​ດື່ມ​ບໍລິໂພກໃນ​ຕົວເມືອງ ແລະ ຊົນນະບົດ ການ​ປະມົງ ການທ່ອງທ່ຽວ ອຸດສາຫະກຳ ການ​ຂົນສົ່ງ ແລະ ອື່ນໆ ເຖິງ​ຢ່າງໃດ​ກໍ່​ຕາມ ເນື່ອງ​ຈາກ​ຜົນ​ກະທົບລວມ​ຈາກ​ການ​ປ່ຽນແປງ​ຂອງ​ສະພາບ​ດິນ​ຟ້າ​ອາກາດ ສະພາບການ​ຂາດເຂີນ​ນ້ຳ​ໃນ​ໂລກ​ມີ​ທ່າອ່ຽງ​ເພີ່ມ​ຂຶ້ນ ເຊິ່ງ​ກາຍເປັນ​ບັນຫາ​ທ້າ​ທາຍ​ຕໍ່​ການ​ດຳລົງ​ຄົງ​ຕົວຂອງ​ມະນຸດຊາດ​ໃນ​ທົ່ວ​ ໂລກ ສຳລັບ​ຢູ່ ​ສປປ ລາວ ໃນ​ໄລຍະ​ຜ່ານມາ ກໍ່​ໄດ້​ປະ​ເຊີນ​ໜ້າ​ກັບ​ໄພ​ນ້ຳຖ້ວມ ແລະ ໄພ​ແຫ້ງແລ້ງທີ່​ເກີດຂຶ້ນ​ຢູ່​ບາງ​ເຂດ​ໃນ​ດິນແດນ​ຂອງປະເທດ​ເຮົາ ໄພ​ທຳ​ມະ​ຊາດ​ດັ່ງກ່າວ​ ໄດ້​ສ້າງ​ຄວາມ​ເສຍ​ຫາຍໃຫ້​ແກ່​ປະຊາຊົນ​ຢ່າງ​ຫຼວງຫຼາຍ ເປັນຕົ້ນແມ່ນ ​ຊາວ​ກະສິກອນ ແມ່ນ້ຳ​ບາງ​ສາຍ​ເກີດ​ມີ​ສະພາບບົກ​ແຫ້ງ​ຜິດ​ປົກກະຕິ ເນື່ອງ​ຈາກລະດູຝົນ​ບາງ​ປີ​ສີ້ນ​ສຸດ​ໄວ​ກວ່າປົກກະຕິ ທັງ​ໝົດ​ນີ້​ໄດ້​ເປັນ​ໄພ​ຂົ່ມຂູ່​ຕໍ່​ການ​ດຳລົງ​ຊີວິດ ແລະ ການຜະລິດ​ຂອງ​ປະຊາຊົນ​ບັນດາເຜົ່າ ຕໍ່​ບັນຫາ​ດັ່ງກ່າວ ລັດຖະບານ​ກໍ່ໄດ້​ເອົາໃຈໃສ່​ຕິດຕາມ​ຢ່າງ​ໃກ້ຊິດ ແລະ ມີ​ມາດ​ຕະການ​ແກ້​ໄຂທັງ​ໃນ​ສະເພາະ​ໜ້າ ແລະ ຍາວນານ.

ຢູ່ ​ສປປ ລາວ ເພື່ອ​ຮັບ​ປະກັນ​ການ​ພັດທະນາ​ຊັບ​ພະຍາກອນ​ນ້ຳ​ຢູ່​ພາຍ​ໃນ​ປະເທດ ​ໃຫ້​ມີປະ​ສິດທິ​ຜົນ ແລະ ຍືນ​ຍົງ ລັດ​ຖະບານ​ໄດ້​ດຳເນີນ​ນະໂຍບາຍ​ຄຸ້ມຄອງ​ຊັບພະຍາກອນ​ນ້ຳ​ແບບ​ປະສົມ​ປະສານ ໂດຍ​ມີ​ການ​ເຂົ້າຮ່ວມ​ຂອງ​ທຸກ​ພາກສ່ວນ​ທີ່​ກ່ຽວຂ້ອງ ​ໃນ​ຂອບ​ເຂດ​ອ່າງ​ແມ່ນ້ຳ ໂດຍ​ໄດ້​ໃຫ້​ຄວາມ​ສຳຄັນເປັນ​ພິເສດ​ຕໍ່​ການ​ຄຸ້ມ​ຄອງ ແລະ ນຳ​ໃຊ້ຊັບພະຍາກອນ​ທຳ​ມະ​ຊາດ​ທີ່​ອຸດົມ​ຮັ່ງມີ​ແບບ​ຍືນ​ຍົງ ໂດຍ​ສະເພາະ ການ​ປົກ​ປັກ​ຮັກສາ​ສາຍນ້ຳ ຍອດນ້ຳ ນ້ຳ​ໃຕ້​ດິນ ດິນ​ບໍ​ລິເວນ​ນ້ຳ ການ​ຄຸ້ມ​ຄອງ​ການ​ນຳໃຊ້​ທີ່​ດິນ​ແບບ​ຍືນ​ຍົງ ການ​ປົກປັກ​ຮັກສາ ແລະ ຟື້ນ​ຟູ​ປ່າໄມ້ ເຊິ່ງ​ຄາດໝາຍ​ເນື້ອທີ່​ປ່າ​ປົກ​ຫຸ້ມໃຫ້​ໄດ້ 65% ໃນ​ປີ 2015 ແລະ 70% ໃນ​ປີ 2020 ຄຽງ​ຄູ່​ກັນນີ້​ ພວກ​ເຮົາ​ກໍ່​ໄດ້​ເອົາໃຈໃສ່​ປັບປຸງລະບົບ​ຂໍ້​ມູນ-ຂ່າວສານ ອຸຕຸນິຍົມ ແລະ ອຸ​ທົກ​ກະ​ສາດ ເພື່ອ​ເປັນ​ພື້ນຖານ​ໃຫ້​ແກ່​ການ​ສ້າງ​ລະບົບເຕືອນ​ໄພ​ລ່ວງ​ໜ້າ ​ກ່ອນ​ການ​ເກີດໄພ​ທຳ​ມະ​ຊາດ ເປັນຕົ້ນ ພະຍາກອນ​ອາກາດ ອຸຕຸ​ກະເສດ ອຸຕຸການ​ບິນ ແລະ ອື່ນໆ ການ​ບັນລຸ​ເປົ້າ​ໝາຍ​ດັ່ງກ່າວ​ນີ້ ​ຈະ​ເປັນການ​ປະກອບສ່ວນ​ອັນ​ສຳຄັນ ​ເຂົ້າໃນ​ການ​ສະໜອງ​ຄວາມ​ຕ້ອງການ​ຂັ້ນ​ພື້ນຖານ​ຂອງ​ປະຊາຊົນ ໃນ​ດ້ານ​ການ​ສະໜອງ​ນ້ຳ​ໃຫ້ພຽງພໍ​ກັບ​ຄວາມ​ຕ້ອງການ ແລະ ການ​ຫຼຸດຜ່ອນ​ຄວາມທຸກ​ຍາກຂອງ​ປະຊາຊົນ.

ທ້າຍ​ສຸດ​ນີ້ ຂໍ​ຮຽກຮ້ອງ​ມາຍັງ​ປວງ​ຊົນ​ລາວ​ທັງ​ຊາດ ຈົ່ງ​ເພີ່ມທະວີ​ຄວາມ​ສາມັກຄີ​ເປັນ​ປຶກແຜ່ນ ຕັ້ງໜ້າ​ເຂົ້າ​ຮ່ວມ​ຂະ​ບວນການ​ຮັກ​ຊາດ ແລະ ພັດທະນາສ້າງ​ປະເທດ​ລາວ ​ໃຫ້​ເປັນ​ສີຂຽວ ສະອາດ ແລະ ງາມ​ຕາ ມີ​ສາຍນ້ຳ​ໃສ​ໄຫຼ​ລິນ​ບໍ່​ຂາດ ປາສະຈາກມົນ​ລະ​ພິດ ນ້ຳ​ໃຕ້​ດິນ​ອຸດົມ​ຮັ່ງມີ ເພື່ອ​ປະກອບສ່ວນ​ເຂົ້າ​ໃນ​ການຍົກ​ສູງ​ຄຸນະພາບ​ຊີວິດ​ຂອງ​ປວງຊົນ​ທັງ​ຊາດ ພ້ອມ​ທັງ​ປົກ​ປັກ​ຮັກສາ​ຕົ້ນ​ນ້ຳ ແລະ ສິ່ງແວດລ້ອມໃຫ້​ມີ​ຄວາມ​ຍືນ​ຍົງ​ຕະຫຼອດ​ໄປ.

LAST_UPDATED2