Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້728
mod_vvisit_counterຜູ້ເຂົ້າຊົມ ມື້ວານ657
mod_vvisit_counterຜູ້ເຂົ້າຊົມ ອາທິດນີ້4262
mod_vvisit_counterຜູ້ເຂົ້າຊົມ ອາທິດ ຜ່ານມາ3938
mod_vvisit_counterຜູ້ເຂົ້າຊົມ ເດືອນນີ້18970
mod_vvisit_counterຜູ້ເຂົ້າຊົມ ເດືອນຜ່ານມາ16559
mod_vvisit_counterລວມທັງຫມົດ635025

Online (20 minutes ago): 8
Your IP: 54.162.138.175
,
Today: ກ. ກ. 27, 2017
ກຊສ ປ່ອຍປາ ຈໍານວນ 100.000 ກວ່າໂຕ ຄືນສູ່ທໍາມະຊາດ PDF ພິມ ອີເມລ
ຂຽນໂດຍ ວິລຸນາ ໄຊຍະລາດ   
ວັນພະຫັດທີ່ 16 ກໍລິກົດ 2015 ເວລາ 10: 17

alt

     ກະຊວງ​ຊັບພະຍາກອນທຳມະຊາດ ແລະ ສິ່ງແວດລ້ອມ ​ຮ່ວມ​ກັບ ຫ້ອງວ່າການປົກຄອງແຂວງວຽງຈັນ ​ໄດ້​ຈັດພິທີປ່ອຍ​ປາ ຈໍານວນ 100.000 ກວ່າ​ໂຕ ​ຄືນ​ສູ່​ທໍາມະ​ຊາດ  

alt

 ເນື່ອງ​ໃນ​ໂອກາດ ​ວັນ​ອະນຸລັກສັດ​ນ້ຳ ​ສັດ​ປາ​ແຫ່ງ​ຊາດ ວັນທີ 13 ກໍລະກົດ ຂອງທຸກໆປີ ຊຶ່ງກົງກັບ ວັນຄ້າຍວັນເກີດຂອງທ່ານ ປະທານ ສຸພານຸວົງ ອາດີດຜູ້ນໍຳທີ່ແສນເຄົາລົບຮັກຂອງປະຊາຊົນລາວທັງຊາດເຊິ່ງໃນປີນີ້ຄົບຮອບ 106 ປີ ແລະ ​ເພື່ອ​ເປັນ​ການອະນຸລັກຮັກສາ, ​ຂະຫຍາຍແນວ​ພັນ​ປາ ແລະ ປົກປັກຮັກສາສັດນ້ຳ-ສັດປ່າ ​ຕາມ​ທໍາ​ມະ​ຊາດ ​​ເພື່ອເຮັດ​ໃຫ້​ມີ​ຄວາມ​ອຸດົມສົມບູນ​ຄູ່ກັບ​ທໍາ​ມະ​ຊາດ ​ແລະ ​ປັບປຸງ​ລະບົບ​ນິ​ເວດ​ນິ​ເວດ​ວິທະຍາ.

     ພິທີ​ປ່ອຍ​ປາ​ຄືນ​ສູ່​ທໍາ​ມະ​ຊາດດັ່ງກ່າວ​ ​ແມ່​ນໄດ້​ຈັດ​ຂຶ້ນ​ໃນ​ວັນ​ທີ 14 ກໍລະກົດ 2015 ​ຢູ່ທີ່ແດນສະຫວັນນ້ຳງື່ມຣີສອດ ເມືອງ ທຸລະຄົມ ແຂວງວຽງຈັນ ​ໂດຍ​ມີທ່ານ ຄຳເມີງ ພົງທະດີ ​ເຈົ້າ​ແຂວງ ແຂວງ​ວຽງ​ຈັນ, ມີ​ທ່ານ ຈັນສອນ ແສນບຸດຕະລາດ ລັດຖະມົນຕີ​ຊ່ວຍ​ວ່າການ​ກະ ຊວງ​​ ຊັບພະຍາກອນທຳມະຊາດ ແລະ ສິ່ງແວດລ້ອມ, ​ມີທ່ານຄະນະປະຈຳພັັກແຂວງ, ກຳມະການພັກແຂວງວຽງຈັນ, ມີບັນດາຫົວໜ້າກົມ, ຮອງກົມ ຈາກ ກຊສ, ມີທ່ານ ເຈົ້າເມືອງ, ກຳມະການພັກເມືອງທຸລະຄົມ ແລະ ບັນດານັກທຸລະກິດພໍ່ຄ້າຊາວຂາຍຕະຫຼອດຮອດ ພໍ່ແມ່ ປະຊາຊົນ ​ເຂົ້າ​ຮ່ວມ​ຢ່າງ​ຫລວງຫລາຍ.

     ທ່ານຮອງຫົວໜ້າ​ພະ​ແນ​ກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງວຽງຈັນໄດ້ກ່າວວ່າການຈັດຕັ້ງສະເຫຼີມສະຫຼອງວັນ ປ່ອຍປາແຫ່ງຊາດຢູ່ແຂວງວຽງຈັນໃນປີນີ້ແມ່ນເລີ່ມຕົ້ນຕັ້ງແຕ່ຕົ້ນເດືອນມິຖຸນາ 2015 ເປັນຕົ້ນມາເຊັ່ນ ຢູ່ທີ່ບ້ານດອນພຸ່ງ ເມືອງຊະນະ ຄາມ, ບ່ານນາເດື່ອ ເມືອງເຟືອງ, ເຂື່ອນໄຟຟ້ານໍ້າມັງ ແລະ ຢູ່ແຫ່ງອື່ນໆ ເຊິ່ງມາຮອດປັດຈຸບັນໄດ້ມີການປ່ອຍປາລົງສູ່ແຫຼ່ງທຳມະຊາດ ແລ້ວປະມານ 200.000ກວ່າໂຕ  ເພື່ອ​ເປັນ​ການ​ຂະຫຍາຍ​ພັນຕາ​ມທໍາ​ມະ​ຊາດ, ສ້າງ​ຄວາມ​ສົມ​ດູ​ນທາງ​ດ້ານ​ ລະບົບ​ນິ​ເວດວິທະຍາ​ ແລະ  ​ເພີ່ມ​ປະລິມານ ​ທາງ​ດ້ານ​ສະບຽງ​ອາຫານ​.

alt

     ນອກນັ້ນທ່ານ ຍັງ​ຮຽກຮ້ອງໃຫ້ຖືເອົາການສະເຫຼີມສະຫຼອງວັນສຳຄັນດັ່ງກ່າວເລີ່ມແຕ່ວັນທີ 1 ກໍລະກົດ ເຖິງວັນທີ 31 ຕຸລາ ຂອງທຸກໆປີ ເພາະໄລຍະນີ້ເປັນລະດູການທີ່ສັດປະເພດຕ່າງໆກຳລັງຖືພາມານ ແລະ ອອກແມ່ແພ່ລູກ ໃນຊ່ວງນີ້ຫ້າມເດັດຂາດບໍ່ໃຫ້ ລ່າສັດ ນ້ຳ-ສັດປ່າທຸກປະເພດ ແລະ ຈົ່ງພ້ອມກັນຮ່ວມແຮງຮ່ວມໃຈອະນຸລັກ ແລະ ປົກປັກຮັກສາສັດນ້ຳ-ສັດປ່າເພື່ອໃຫ້ມີ​ການ​ຂະຫຍາຍຕົວ​​ເພີ່ມ​ຂຶ້ນ​ຢ່າງ​ຕໍ່​ເນື່ອງ.

ຂຽນໂດຍ: ທ ອະພິເດດ ແສງດາລາ


LAST_UPDATED2