Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້91
mod_vvisit_counterຜູ້ເຂົ້າຊົມ ມື້ວານ683
mod_vvisit_counterຜູ້ເຂົ້າຊົມ ອາທິດນີ້774
mod_vvisit_counterຜູ້ເຂົ້າຊົມ ອາທິດ ຜ່ານມາ6934
mod_vvisit_counterຜູ້ເຂົ້າຊົມ ເດືອນນີ້16936
mod_vvisit_counterຜູ້ເຂົ້າຊົມ ເດືອນຜ່ານມາ30724
mod_vvisit_counterລວມທັງຫມົດ67532

Online (20 minutes ago): 15
Your IP: 54.80.146.251
,
Today: ພ. ຈ. 19, 2017
ການລົງຕິດຕາມຊຸກຍູ້ ສະພາບການແກ້ໄຂໄພນໍ້າຖ້ວມ ທີ່ ແຂວງ ບໍລິຄຳໄຊ PDF ພິມ ອີເມລ
ຂຽນໂດຍ ວິລຸນາ ໄຊຍະລາດ   
ວັນພະຫັດທີ່ 27 ສິງຫາ 2015 ເວລາ 13: 48

alt


     ໃນລະ​ຫວ່າ​ງວັນ​ທີ 7-10 ​ເດືອນ ສິງຫາ ປີ 2015, ທ່ານ ອາຊາ​ງ ລາວ​ລີ, ຮອງ​ນາຍົກລັດຖະມົນ​ຕີ, ປະທານ​ຄະນະ​ກຳມະການ ປ້ອງກັນ ​ແລະ ຄວບ​ຄຸ​ມ​ໄພພິບັດ ​ແຫ່ງ​ຊາດ ​ໄດ້​ລົງ​ເຄື່ອນ​ໄຫ​ວເຮັດວຽກ ຢູ່​​ແຂວງ​ບໍລິ​ຄຳ​​ໄຊ​ເພື່ອ​ຕິດ​ຕາມຊຸກຍູ້ ການ​ແກ້​ໄຂສະພາບ ​ໄພ​ນ້ຳ​ຖ້ວມ


alt

ຢູ່ແຂວງ ບໍລິຄໍາໄຊ ທີ່ເກີດຂຶ້ນ  ເລີ່​ມ​​ແຕ່ວັນ​ທີ ​31 ກໍລະກົດ ຫາ 5 ສິງຫາ 2015,  ພ້ອມທັງລົງຢ້ຽມຢາມ ໃຫ້ກໍາລັງໃຈປະຊາຊົນທີ່ຖືກຜົນກະທົບ. ​ເຂົ້າຮ່ວມ​ໃນຄະນະຂອງທ່ານ ຮອງນາຍົກລັດຖະມົນຕີຄັ້ງ​ນີ້​ຍັງມີ: ທ່ານ ນ. ມອນ​ມະນີ ຍອຍ​ບົວ​ກ່ອງ, ລັດຖະມົນຕີ ຊ່ວຍວ່າການ ກຊສ, ທ່ານ ທອງ​ພະຈັນ ສອນ​ນະ​ສິນ, ຮອງປະທານ ອົງການກາແດງລາວ, ທ່ານ ​ໄກສອນ ຖັນ​ທະ​ເທບ, ຮອງ​ຫົວໜ້າ ກພປ, ຫົວໜ້າກອງ​ເລຂານຸການ ຄະນະ​ກຳມະການປ້ອງ​ກັນ ​ແລະ ຄວບ​ຄຸມ​ໄພພິບັດ​ແຫ່ງ​ຊາດ ແລະ ພະນັກງງານທີ່ກ່ຽວຂ້ອງ ອີກຈໍານວນໜຶ່ງ.

alt

     ຈຸດປະສົງ​ຫຼັກຂອງ​ການ​ລົງ​​ຢ້ຽ​ມ​​ຢາມ​​ໃນ​ຄັ້ງ​ນີ້ແມ່ນ​​ເພື່ອ: ຕິ​ດຕາມຊຸກຍູ້ ສະພາບການ​​ແກ້ໄຂ​ໄພນໍ້າຖ້ວມ​ ຂອງ​ແຂວງ ​ພ້ອມ​ທັງ​ຮັບ​ຊາບ​ວ່າໄດ້​ມີ​ມາດ​ຕະການ ​ແລະ ການ​ຈັດ​ຕັ້ງ​ປະຕິບັດ ການ​​ກຽມພ້ອມ, ການ​ຕອບ​ໂຕ້ ​ແລະ ​ການ​ຟື້ນ​ຟູ ຫຼັງຈາກ​ໄພນ້ຳ​ຖ້ວມ​ແນວ​ໃດ; ປຶກ​ສາ​ຫາ​ລື ກັບ​ອຳນາດ​ການ​ປົກ​ຄອງ​ແຂວງ,​ ​ເມືອງ  ແລະ ໃຫ້​ທິດ​ຊີ້​ນຳ ​​ແກ່​ຜູ້​ທີ່​ໄດ້​ຮັບ​ຜົນ​ກະທົບ​ຈາ​ກ​ໄພ​ນ້ຳ​ຖ້ວມ ​ໂດ​ຍສະ​ເພາະ ອຳ​ນາ​ດການ​ປົກຄອງ​ບ້ານ ​ແລະ ປະຊາຊົນ​ບ້ານ ທ່າ​ບໍ່ ​ແລະ ບ້ານ ປາກ​ປຶ​ງ; ມອບ​​ເງີນຊ່ວຍ​ເຫຼືອເບື້ອງ​ຕົ້ນ ຈຳນວນ 100 ລ້ານກີບ ​ແລະ ​ເຄື່ອງອຸປະ​ໂພ​ກ ​ແລະ ບໍລິ​ໂພ​ກ ​ຈຳນວນໜຶ່ງ ເພື່ອ​ໄປ​ແກ້​ໄຂ​ບັນ​ເທົາ​ທຸກ ​ໃຫ້​ແກ່​ຜູ້ທີ່​ໄດ້​ຮັບ​ຜົນ​ກະທົບ.

​     ຜ່ານ​ການ​ລົງ​ເຄື່ອນ​​ໄຫວ​ໃນ​ຄັ້ງ​ນີ້ ທາງ​ຄະນະກໍ່​ໄດ້​ຕີ​ລາຄາ​ສູງ ຕໍ່ຄວາມ​ອົດທົນພະຍາຍາມ ​ ​ແລະ ການ​ເປັນ​ເຈົ້າ​ການ​ຂອງທ້ອງ​ຖິ່ນ ​ໂດຍ​ສະ​ເພາະ​​ແມ່ນ​ຄະນະນຳ​ຂອງ​ແຂວງ, ​ເມືອງ ​ໃນ​ການ​ເອົາ​ໃຈ​ໃສ່​ແກ້​ໄຂ​ ບັນຫາ ​ແລະ ​ການ ກຽມຄວາມ​ພ້ອມ​​ແຕ່​ຫົວທີ​ ​ໂດຍ​ມີ​​ແຜນ​ກຽມພ້ອມ - ຕອບ​ໂຕ້ສຸກ​ເສີນ ກັບ​ໄພ​ນ້ຳຖ້ວມ​​​ໄດ້​ດີ ຊຶ່ງ​ໄດ້ມີ​ການແບ່ງ​ ຄວາມ​ຮັບຜິດ ຊອບ ​ແລ​ະ ​ແຕ່ງຕັ້ງ​ ຄະນະກຳມະການ ຂັ້ນ​ເມືອງ ​ແລະ ຂັ້ນບ້ານ​ເພື່ອ​ປະຈຳການ ​ພ້ອມ​ທັງສະຫຼຸບລາຍ​ງານ​​ໃຫ້​ຂັ້ນ​ເທິງ​ຊາບເປັນ​ແຕ່ລະ​ໄລຍະ. ສ່ວນການ​ແກ້​ໄຂບັນ​ເທົາ​ທຸກ​ເບື້ອງຕົ້ນນັ້ນ ​ທາງ​ອໍານາດ​ການ​ປົກຄອງ​ແຂວງ​ກໍ່​ໄດ້​ຊ່ວຍ ນ້ຳ​ກິນ, ນ້ຳ​ໃຊ້​, ຢາ​ປົວພະຍາ​ດ ​ແລະ ​ເຄື່ອງ​ບໍລິ​ໂພ​ກ, ພ້ອມ​ກັນນັ້ນ ທາງ​ກົມ​ສັງຄົມ​ສົງ​ເຄາະ, ກະຊວງ​ແຮງ​ງານ ​ແລະ ສະຫວັດ​ດີ​ການ-ສັງຄົມ, ອົງການ​ກາ​ແດງ ​ ​ແລະ ບໍລິສັດ ​​ເບຍ​ລາວ ກໍ່​ໄດ້ມອບ​ເຄື່ອງຊ່ວຍ​ເຫຼືອຈໍານວນໜຶ່ງ ​ເພື່ອ​ສົມທົບ​​ໃຫ້ແກ່​ແຂວງ.

ຂຽນ​ໂດຍ: ວັນ​ທອນ​ພົນ​ນະ​ສັນ 

LAST_UPDATED2