Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້91
mod_vvisit_counterຜູ້ເຂົ້າຊົມ ມື້ວານ683
mod_vvisit_counterຜູ້ເຂົ້າຊົມ ອາທິດນີ້774
mod_vvisit_counterຜູ້ເຂົ້າຊົມ ອາທິດ ຜ່ານມາ6934
mod_vvisit_counterຜູ້ເຂົ້າຊົມ ເດືອນນີ້16936
mod_vvisit_counterຜູ້ເຂົ້າຊົມ ເດືອນຜ່ານມາ30724
mod_vvisit_counterລວມທັງຫມົດ67532

Online (20 minutes ago): 16
Your IP: 54.80.146.251
,
Today: ພ. ຈ. 19, 2017
ກອງປະຊຸມປຶກສາຫາລື ສະຫຼຸບຕີລາຄາ ການຈັດຕັ້ງປະຕິບັດແຜນການ 5 ປີ 2011-2015 PDF ພິມ ອີເມລ
ຂຽນໂດຍ ວິລຸນາ ໄຊຍະລາດ   
ວັນອັງຄານທີ່ 08 ກັນຍາ 2015 ເວລາ 11: 07


alt

     ກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ ໄດ້​ເປີດກອງ​ປະ​ຊຸມ​ປຶກ​ສາ​ຫາ​ລື ສະຫຼຸບ​ຕີ​ລາ​ຄາ ການຈັດຕັ້ງປະຕິບັດແຜນ ການ 5 ປີ 2011-2015, ທິດທາງ ແຜນພັດທະນາເສດຖະກິດ-ສັງຄົມ 2016-2020, ຍຸດທະສາດ ຮອດປີ 2025, ວິໄສທັດ ຮອດປີ 2030 ຂອງ ຂະແໜງຊັບພະຍາກອນທຳມະຊາດ ແລະ ສິ່ງແວດລ້ອມ ຂື້ນ​ຢ່າງ​ເປັນ​ທາງ​ການ ໃນ​ວັນ​ທີ 31 ສິງ​ຫາ 2015 ທີ່​ຫໍ​ປະ​ຊຸມ​ແຫ່ງ​ຊາດ (ຫຼັກ6),

alt

ພາຍ​ໃຕ້​ການ​ເປັນ​ປະ​ທານ ຂອງ​ທ່ານ ດ​ຣ ນູ​ລິນ ສິນ​ບັນ​ດິດ ລັດຖະມົນຕີວ່າການ ກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ, ມີ​ບັນ​ດາ​ທ່ານ ລັດ​ຖະ​ມົນ​ຕີ​ຊ່ວຍ​ວ່າ​ການ, ພະ​ນັກ​ງານ​ຂັ້ນ​ຫ້ອງ​ການ, ກົມ, ກອງ, ສູນ, ສະ​ຖາ​ບັນ, ພະ​ແນກ ອ​ອ້ມ​ຂ້າງ ກ​ຊ​ສ ນະ​ຄອນຫຼວງ ແລະ ຕ່າງ​ແຂວງ​ເຂົ້າ​ຮ່ວມ.

alt

     ທ່ານ ດ​ຣ ນູ​ລິນ ສິນ​ບັນ​ດິດ ໄດ້​ກ່າວ​ເປີດກອງ​ປະ​ຊຸມ​ດັ່ງ​ກ່າວ ໂດຍມ​ີ​ເນື້ອ​ໃນ​ບາງ​ຕອນ​ວ່າ: ໃນ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ຕົວ​ຈິງ​ຂອງ ກະ​ຊວງ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ໃນ​ໄລ​ຍະ​ຜ່ານ​ມາ ມີ​ທັງ​ຂໍ້​ສະ​ດວກ ແລະ ຂໍ້​ຫ​ຍຸ້ງ​ຍາກ ແລະ ບົດ​ຮຽນ​ທີ່​ຖອດ​ຖອນ​ໄດ້ ໃນ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ໄລ​ຍະ  5  ປີ​ທີ່​ຜ່ານ​ມາ ໂດຍ​ສະ​ເພາະ​ແມ່ນ ສຸມ​ໃສ່​ສົນ​ທະ​ນາ​ປຶກ​ສາ​ຫາ​ລື​ກັນ ເປັນ​ຕົ້ນ​ແມ່ນ​ບັນ​ດາ​ທີ່​ພົ້ນ​ເດັ່ນ​ໃນ 4 ຂົງ​ເຂດ​ວຽກ​ງານຄື້: ວຽກ​ງານ​​ທີ່​ດິນ, ປ່າ​ໄມ້, ແຮ່​ທາດ ແລະ ນ້ຳ ລວມ​ທັງ​ວຽກ​ງານ​ອຸ​ຕຸ​ນິ​ຍົມ ແລະ ອຸ​ທົກ​ກະ​ສາດ, ການ​ຄຸ້ມ​ຄອງ​ໄພ​ພິ​ບັດ ແລະ ການ​ປ່ຽນ​ແປງ​ດິນ​ຟ້າ​ອາ​ກາດ, ການ​ຄຸ້ມ​ຄອງ ໂຄງ​ການ​ລົງ​ທືນ ແລະ ບັນ​ຫາ​ອື່ນໆ ເພື່ອ​ໃຫ້​ບັນ​ດາ​ຜູ້​ແທນ​ແຕ່​ລະ​ຂົງ​ເຂດ​ວຽກ​ງານ ໄດ້​ພ້ອມ​ກັນ​ຄົ້ນ​ຄ້​ວາ ເພື່ອ​ວາງວິ​ທີ​ການ ແລະ ມາດ​ຕະ​ການ​ຕ່າງໆ​ທີ່​ເໝາະ​ສົມ​ໃນ​ການ​ຄຸ້ມ​ຄອງ, ປົກ​ປັກ​ຮັກ​ສາ ແລະ ຟື້ນ​ຟູ​ບູ​ລະ​ນະ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ​ໃຫ້​ບັນ​ລຸ​ການ​ພັດ​ທະ​ນາ​ແບບ​​ຍືນ​ຍົງ​ເທື່ອ​ລະ​ກ້າວ, ສ້າງ  ສ​ປ​ປ ລາວ ໃຫ້​ຂຽວ- ສະ​ອາດ​ງາມ​ຕາ ໂດຍ​ໄປ​ຕາມ​ທິດ​ທາງ​ການ​ສ້າງ​ບາດ​ກ້າວ​ບຸກ​ທະ​ລຸ​ທັງ 4 ດ້ານ, ພ້ອມ​ທັງ​ສຸມ​ໃສ່​ການ​ເຂັົ້າ​ຮ່ວມ​ຂະ​ບວນ​ການກໍ່​ສ້າງ​ຮາກ​ຖານ​ການ​ເມືອງ ແລະ ພັດ​ທະ​ນາ​ຊົນ​ນະ​ບົດ​ຮອບ​ດ້​ານ​ໃຫ້​ປະ​ກົດ​ຜົນ​ເປັນ​ຈິງ​ໃນ​ສະ​ເພາະ​ໜ້າ ແລະ ຍາວ​ນານ.

      ກອງ​ປະ​ຊຸມ​ຍັງ​ໄດ້​ຮັບ​ການ​ລາຍ​ງານ​ສະ​ພາບ​ການ​ຈັດ​ຕັ້ງ​ປະ​ຕິ​ບັດ​ແຜນ​ການ 5 ປີ 2011-2015 ໃນ​ໄລ​ຍະ​ຜ່ານ​ມາ​ກ່ຽວ​ກັບ​ວຽກ​ງານ​ການ​ຈັດ​ສັນ ແລະ ອອກ​ໃບ​ຕາ​ດິນ, ບົດ​ຮຽນ​ທີ່​ຖອດ​ຖອນ​ໄດ້ ແລະ ຄາດ​ໝາຍ​ສູ້​ຊົນ​ໃນ​ຕໍ່​ໜ້າ, ບັນ​ຫາ​ທີ່​ພົ້ນ​ເດັ່ນ​ໃນ​ການ​ຈັດ​ສັນ​ທີ່​ດິນ, ອອກ​ໃບ​ຕາ​ດິນ, ການ​ເຊົ່າ-ສຳ​ປະ​ທານ​ທີ່​ດິນ ແລະ ການ​ເກັບ​ລາຍ​ຮັບ​ວິ​ຊາ​ການ ຂອງ​ຂະ​ແໜງ​ທີ່​ດິນ​ຢູ່​ໃນ​ແຂວງ ຄຳ​ມ່ວນ ແລະ ສະ​ພາບ​ການ​ຄຸ້ມ​ຄອງ​ຊັບ​ພະ​ຍາ​ກອນ​ປ່າ​ໄມ້​ໃນ​ໄລ​ຍະ​ຜ່ານ​ມາ ແລະ ຢັ້ງ​ຢືນ​ເຖິງ​ຄວາມ​ຮັບ​ປະ​ກັນ​ໃຫ້​ບັນ​ລຸ​ຄວາມ​ປົກ​ຫຸ້ມ​ປ່າ​ໄມ້​ໃຫ​້​ໄດ້ 65% ໃນ​ປີນີ້ ແລະ 70% ໃນ​ປີ 2020, ພ້ອມ​ທັງ​ສະ​ພາບ​ການ​ຄຸ້ມ​ຄອງ​ຊັບ​ພະ​ຍາ​ກອນ​ແຮ່​ທາດ ແລະ ການ​ລົງ​ທືນ​ດ້ານ​ການ​ອະ​ນຸ​ຍາດ​ການ​ຊອກ​ຄົ້ນສຳຫຼວດ ແລະ ສຶກ​ສາ​ຄວາມ​ປັນ​ໄປ​ໄດ້​ທາງ​ດ້ານ​ເສດ​ຖະ​ກິດ, ເຕັກ​ນິກ​ເບື້ອງ​ຕົ້ນ​ຢູ່ ສ​ປ​ປ ລາວ, ເຊິ່ງກອງ​ປະ​ຊຸມ​ດັ່ງ​ກ່າວ​ຈະ​ໄດ້​ດຳ​ເນີນ​ໄປ​ເປັນ​ເວ​ລາ 3 ວັນ​ຈຶ່ງ​ຈະ​ສຳ​ເລັດ​.

alt

LAST_UPDATED2