Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້91
mod_vvisit_counterຜູ້ເຂົ້າຊົມ ມື້ວານ683
mod_vvisit_counterຜູ້ເຂົ້າຊົມ ອາທິດນີ້774
mod_vvisit_counterຜູ້ເຂົ້າຊົມ ອາທິດ ຜ່ານມາ6934
mod_vvisit_counterຜູ້ເຂົ້າຊົມ ເດືອນນີ້16936
mod_vvisit_counterຜູ້ເຂົ້າຊົມ ເດືອນຜ່ານມາ30724
mod_vvisit_counterລວມທັງຫມົດ67532

Online (20 minutes ago): 15
Your IP: 54.80.146.251
,
Today: ພ. ຈ. 19, 2017
ສຶບຕໍ່ກອງປະຊຸມ ປຶກສາຫາລື ສະຫຼຸບຕີລາຄາ ການຈັດຕັ້ງປະຕິບັດແຜນ ການ 5 ປີ PDF ພິມ ອີເມລ
ຂຽນໂດຍ ວິລຸນາ ໄຊຍະລາດ   
ວັນພະຫັດທີ່ 10 ກັນຍາ 2015 ເວລາ 10: 55

alt

     ສຶບ​ຕໍ່ກອງ​ປະ​ຊຸມ​ ປຶກ​ສາ​ຫາ​ລື ສະຫຼຸບ​ຕີ​ລາ​ຄາ ການຈັດຕັ້ງປະຕິບັດແຜນ ການ 5 ປີ 2011-2015, ທິດທາງ ແຜນພັດທະນາເສດ ຖະກິດ-ສັງຄົມ 2016-2020, ຍຸດທະສາດ ຮອດປີ 2025, ວິໄສທັດ ຮອດປີ 2030,

   

alt

     ທ່ານ ໄຊ​ຍະ​ເວດ ວິ​ໄຊ ຫົວ​ໜ້າ​ ກອງ​ປະ​ເມີນ​ຜົນ​ກະ​ທົບ​ຕໍ່​ສິ່ງ​ແວດ​ລ້ອມ ແລະ ສັງ​ຄົມໄດ້​ລາຍ​ງານ​ສະ​ພາບ​ການ​ສິ່ງ​ແວດ​ລ້ອມ​ສັງ​ຄົມ ແລະ ທຳ​ມະ​ຊາດ​ຂອງ​ໂຄງ​ການ​ລົງ​ທຶນ​ຢູ່ ສ​ປ​ປ ລາວ ໃນ​ໄລ​ຍະ 5 ປີ​ຜ່ານ​ມາ ແລະ ແຜນ​ການ​ຕໍ່​ໜ້າ ໃນ​ວັນ​ທີ 1 ກັນ​ຍາ 2015 ວ່າ: ວຽກ​ງານ​ການ​ຄຸ້ມ​ຄອງ​ສິ່ງ​ແວດ​ລ້ອມ​ສັງ​ຄົມ ແລະ ທຳ​ມະ​ຊາດ ແມ່ນ​ບັນ​ຫາ​ອັນ​ພົ້ນ​ເດັ່ນ​ທີ່​ຈະ​ພ້ອມ​ກັນ​ປະ​ຕິ​ບັດ​ຢ່າງ​ເຂັ້ມ​ງວດ ໃນ​ດ້ານ​ການ​ຄຸ້ມ​ຄອງ​ການ​ຈັດ​ຕັ້ງ​ປະ​ຕິ​ບັດ​ບັນ​ດາ​ນິ​ຕິ​ກຳ​ທີ່​ຍັງ​ບໍ່​ທັນ​ຈິງ​ຈັງ, ເຂັ້ມ​ງວດ ແລະ ບາງ​ນິ​ຕິ​ກຳ​ຍັງ​ບໍ່​ທັນ​ຮັດ​ກຸມ, ບໍ່​ແທດ​ເໝາະ​ກັບ​ສະ​ພາບ​ຄວາມ​ເປັນ​ຈິງ ແລະ ບໍ່​ທັນ​ສາ​ມາດ​ບັງ​ຄັບ​ໃຊ້​ໄດ້​ຢ່າງ​ມີ​ປະ​ສິດ​ທິ​ຜົນ.

     ໃນ​ໄລ​ຍະ​ຜ່ານ​ມາ​ ບັນ​ຫາ​ທີ່​ຕິດ​ພັນ​ກັບ​ການ​ຄຸ້ມ​ຄອງ​ສິ່ງ​ແວດ​ລ້ອມ​ສັງ​ຄົມ ແລະ ທຳ​ມະ​ຊາດ​ ຂອງ​ໂຄງ​ການ​ພັດ​ທະ​ນາ​ຢູ່ ສ​ປ​ປ ລາວ ບໍ່​ໄດ້​ຮັບ​ການ​ສຶກ​ສາ​ຢ່າງ​ຖືກ​ຕ້ອງ, ຄົບ​ຖ້ວນ ແລະ ແທດ​ເໝາະ​ກັບ​ຄວາມ​ເປັນ​ຈິງ​ທັງ​ເປັນ​ບ່ອນ​ອິງ​ໃຫ້​ເຈົ້າ​ຂອງ​ໂຄງ​ການ​ໄດ້​ໂອ​ກາດຫຼົບຫຼິກ​ຄວາມ​ຮັບ​ຜິດ​ຊອບ​ໃນ​ການ​ຄຸ້ມ​ຄອງ​ສິ່ງ​ແວດ​ລ້ອມ​ສັງ​ຄົມ ແລະ ທຳ​ມະ​ຊາດ​ຂອງ​ໂຄງ​ການ​ພັດ​ທະ​ນາ​ຕົນ ເພາະ​ບໍ່​ໄດ້​ປ​ະ​ຕິ​ບັດ​ມາດ​ຕະ​ການ​ແກ້​ໄຂຫຼຸດ​ຜ່ອນ​ຜົນ​ກະ​ທົບ ຍ້ອນບໍ່​ໄດ້​ກຳ​ນົດ​ໄວ້​ໃນ​ບົດ​ລາຍ​ງານ ແລະ ແຜນ​ການ ຫຼື ໄດ້​ກຳ​ນົດ​ໄວ້​ແຕ່ບໍ່​ຖືກ​ຕ້ອງ, ຮັດ​ກຸມ, ຈະ​ແຈ້ງ ແລະ ຄົບ​ຖ້ວນ​ຈຶ່ງ​ພາ​ໃຫ້​ເກີດ​ມີຫຼາຍ​ບັນ​ຫາ​ທາງ​ດ້ານ​ສິ່ງ​ແວດ​ລ້ອມ​ສັງ​ຄົມ ແລະ ທຳ​ມະ​ຊາດ​ຕາມ​ມາ​ຈາກ​ໂຄງ​ການ​ພັດ​ທະ​ນາ​ເຫຼົ່າ​ນີ້.

     ເຊິ່ງ​ບັນ​ຫາ​ດັ່ງ​ກ່າວ, ກ​ຊ​ສ ຈະ​ຕ້ອງ​ໄດ້​ເພີ່ມ​ຕື່ມ​ໃຫ້​ມີ​ການ​ປັບ​ປຸງ​ນິ​ຕິ​ກຳ​ຕ່າງໆ ທີ່​ກ່ຽວ​ຂ້ອງ​ກັບ​ການ​ຄຸ້ມຄອງສິ່ງ​ແວດ​ລ້ອມ ເພື່ອ​ເຮັດ​ໃຫ້​ການ​ແບ່ງ​ການ​ຄຸມ​ຄອງ​ລະ​ຫວ່າງ​ສູນ​ກາງ ແລະ ທ້ອງ​ຖິ່ນ ໃຫ້​ມີ​ຄວາມ​ຈະ​ແຈ້ງ​ສອດ​ຄ່ອງ​ກັບ​ການ​ປະ​ຕິ​ບັດ​ນະ​ໂຍ​ບາຍ 3 ສ້າງ. ເພື່ອບໍ່​ໃຫ້​ມີ​ບັນ​ຫາ​ຕ່າງໆ​ຕາມ​ມາ ໂດຍ​ສະ​ເພາະ​ການ​ຄຸ້ມ​ຄອງ​ສິ່ງ​ແວດ​ລ້ອມ​ສັງ​ຄົມ ບໍ່​ໄດ້​ຮັບ​ການ​ພິ​ຈາ​ລະ​ນາ​ເອົາ​ໃຈ​ໃສ່​ຕັ້ງ​ແຕ່​ຕົ້ນ​ຄື: ບໍ່​ໄດ້​ຮັບ​ການ​ສຶກ​ສາ​ລະ​ອຽດ​ກ່ຽວ​ກັບ​ຜົນ​ກະ​ທົບ, ມາດ​ຕະ​ການ​ປ້ອງ​ກັນ ແລະ ແກ້​ໄຂຫຼຸດ​ຜ່ອນ​ຈຶ່ງ​ເຮັດ​ໃຫ້​ມີ​ບັນ​ຫາ​ຮ້ອງ​ຟ້ອງ, ຮ້ອງ​ທຸກ​ຂື້ນ​ມາ​ຂອງ​ຜູ້​ຖືກ​ຜົນ​ກະ​ທົບ​ຈາກ​ການ​ດຳ​ເນີນ​ກິດ​ຈະ​ກຳ​ໃນ​ໄລ​ຍະ​ກໍ່​ສ້າງ ແລະ ການ​ດຳ​ເນີນ​ໂຄງ​ການ​ລົງ​ທືນ ແລະ ການ​ດຳ​ເນີນ​ທຸ​ລະ​ກິດ​ທີ່​ເປັນ​ບັນ​ຫາ​ແກ້​ໄຂ​ໄດ້​ຍາກ​ເຊັ່ນ: ບັນ​ຫາ​ຝຸ່ນ​ລະ​ອອງ ຄວາມ​ເປັນ​ພິດ, ການ​ຕົກ​ຕະ​ກອນ, ນ້ຳ​ເປື້ອນ, ຂີ້​ເຫຍື້ອ, ກິ່ນ​ເໝັນ, ສຽງ​ດັງ, ການ​ນຳ​ໃຊ້​ຊັບ​ພະ​ຍາ​ກອນ​ນ້ຳ, ປ່າ​ໄມ້ ແລະ ເຄື່ອງ​ປ່າ​ຂອງ​ດົງ, ການ​ທົດ​ແທນ​ຄ່າ​ເສຍ​ຫາຍ, ການ​ຈັດ​ສັນ​ຍົກ​ຍ້າຍ ແລະ ອື່ນໆ.

     ທ່ານ​ຍັງ​ໄດ້​ກ່າວ​ຕື່ມ​ອິກວ່າ: ເພື່ອ​ໃຫ້​ການ​ຄຸ້ມ​ຄອງ​ສິ່ງ​ແວດ​ລ້ອມ​ສັງ​ຄົມ ແລະ ທຳ​ມະ​ຊາດ​ຂອງ​ໂຄງ​ການ​ລົງ​ທືນ​ຢູ່ ສ​ປ​ປ ລາວ ໃຫ້​ມີ​ປະ​ສິດ​ທິ​ຜົນ​ລາຍ​ຂື້ນ​ໃນ​ຕໍ່​ໜ້າ, ກ​ຊ​ສ ຈະ​ຕ້ອງ​ໄດ້​ເພີ່ມ​ທະ​ວີ​ການ​ສ້າງ ແລະ ປັບ​ປຸງ​ນິ​ຕິ​ກຳ ໃຫ້​ພຽງ​ພໍ, ຖືກ​ຕ້ອງ, ຮັດ​ກຸມ ແລະ ທັງ​ຍົກ​ລະ​ດັບ​ໃຫ້​ມີ​ອຳ​ນາດ ແລະ ຜົນ​ສັກ​ສິດຫຼາຍ​ຂື້ນ​ເປັນ​ຕົ້ນ: ກົດ​ໝາຍ​ວ່າ​ດ້ວຍ​ການ​ປະ​ເມີນ​ຜົນ​ກະ​ທົບ​ຕໍ່​ສິ່ງ​ແວດ​ລ້ອມ; ຂອງ​ແໜງ​ການ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ທັງ​ຂັ້ນ​ສູນ​ກາງ ແລະ ທ້ອງ​ຖິ່ນ​ເປັນ​ເຈົ້າ​ການ​ຈັດ​ຕັ້ງ​ໂຄ​ສະ​ນາ ແລະ ເຜີຍ​ແຜ່​ໃຫ້​ທົ່ວ​ເຖິງ ແລະ ກວ້າງ​ຂວາງ ເພື່ອ​ກຳ​ແໜ້ນ​ເຊື່ອມ​ຊືມ​ບັນ​ດາ​ນິ​ຕິ​ກຳ​ຕ່າງໆ; ພ້ອມນັ້ນ​ຂະ​ແໜງ​ການ ຊ​ສ ທັງ​ຂັ້ນ​ສູນ​ກາງ ແລະ ທ້ອງ​ຖິ່ນ​ຕ້ອງ​ຊີ້​ນຳ​ເຈົ້າ​ຂອງ​ໂຄງ​ການ​ປະ​ຕິ​ບັດຫຼັກ​ການ​ດຳ​ເນີນຂະ​ບວນ​ການ​ດຳ​ເນີນ​ຜົນ​ກະ​ທົບ​ຕໍ່​ສິ່ງ​ແວດ​ລ້ອມ​ຢ່າງ​ເຂັ້ມ​ງວດ; ເພື່ອ​ທົບ​ທວນ​ຕີ​ລາ​ຄາ​ຄືນ​ຄຸນ​ນະ​ພາບ​ຂອງ​ຜູ້​ປະ​ກອບ​ການ​ດ້ານ​ການ​ບໍ​ລິ​ການ​ສິ່ງ​ແວດ​ລ້ອມ ໂດຍ​ມີ​ມາດ​ຕະ​ການ​ປັບ​ປຸງ​ແກ້​ໄຂ​ໃຫ້​ດີ​ຂື້ນ​ເປັນ​ກ້າວໆ ແລະ ໃຊ້​ມາດ​ຕະ​ການ​ເຂັ້ມ​ງວດ​ຕໍ່​ຜູ້​ບໍ​ລິ​ການ​ຂອງ​ຕົນ.

alt

     ພ້ອມ​ດຽວ​ກັນ​ນັ້ນ ກ​ຊ​ສ ຕ້ອງ​ເພີ່ມ​ທະ​ວີ​ເອົາ​ໃຈ​ໃສ່​ໃນ​ການ​ທົບ​ທວນ​ລວມ​ທັງ​ການ​ກຳ​ນົດ​ເງື່ອນ​ໄຂ​ເຂົ້າ​ໃສ່​ໃບ​ຢັ້ງ​ຢືນ​ກ່ຽວ​ກັບ​ສິ່ງ​ແວດ​ລ້ອມ​ໃຫ້​ຖືກ​ຕ້ອງ, ຮັດ​ກຸມ​ທັງ​ຈະ​ແຈັ້ງ ແລະ​ຄົບ​ຖ້ວນ; ເພີ່ມ​ທະ​ວີ​ວຽກ​ງານ​ຕິດ​ຕາມກວດ​ກາ​ພາກ​ສະ​ໜາມ​ພ້ອມ​ທັງ​ເຂັ້ມ​ງວດ​ນຳ​ໃຊ້​ມາດ​ຕະ​ການ​ຕໍ່​ໂຄງ​ການ​ທີ່​ລະ​ເມີດ ແລະ ບໍ່​ເອົາ​ໃຈ​ໃສ່​ໃນ​ການ​ຄຸ້ມ​ຄອງ​ສິ່ງ​ແວດ​ລ້ອມ​ໂຄງ​ການ​ຕົນ, ໂດຍ​ເລີ່ມ​ຕົ້ນ​ການ​ຕັກ​ເຕືອນ ແລະ ປັບ​ໄໝ​ຕາມ​ແຕ່​ລະ​ກໍ​ລະ​ນີ​ທີ່​ເກີດ​ຂື້ນ; ພ້ອມ​ນັນ ເຈົ້າ​ຂອງ​ໂຄງ​ການ​ຕ້ອງ​ປະ​ຕິ​ບັດ​ພັນ​ທະ​ຂອງ​ຕົນ​ຢ່າງ​ເຂັ້ມ​ງວດ ແລະ ທັນ​ການ​ທັງ​ໃຫ້​ການ​ຮ່ວມ​ມື ແລະ ເພີ່ມ​ທະ​ວີ​ປະ​ຕິ​ບັດ​ຂອດ​ການ​ປະ​ສານ​ງານ​ໃຫ້​ດີ​ຂື້ນ.

LAST_UPDATED2