Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້734
mod_vvisit_counterຜູ້ເຂົ້າຊົມ ມື້ວານ657
mod_vvisit_counterຜູ້ເຂົ້າຊົມ ອາທິດນີ້4268
mod_vvisit_counterຜູ້ເຂົ້າຊົມ ອາທິດ ຜ່ານມາ3938
mod_vvisit_counterຜູ້ເຂົ້າຊົມ ເດືອນນີ້18976
mod_vvisit_counterຜູ້ເຂົ້າຊົມ ເດືອນຜ່ານມາ16559
mod_vvisit_counterລວມທັງຫມົດ635031

Online (20 minutes ago): 10
Your IP: 54.162.138.175
,
Today: ກ. ກ. 27, 2017
ປຶກສາຫາລືລະດັບພາກພື້ນອາຊີ ກ່ຽວກັບປ່າໄມ້, ການປ່ຽນແປງດິນຟ້າອາກາດ ແລະ ຄວາມທ່ຽງທຳ PDF ພິມ ອີເມລ
ຂຽນໂດຍ ວິລຸນາ ໄຊຍະລາດ   
ວັນຈັນທີ່ 14 ກັນຍາ 2015 ເວລາ 11: 48

alt


     ກົມ ຄຸ້ມ​ຄອງ​ຊັບ​ພະ​ຍາ​ກອນ​ປ່າ​ໄມ້ ກະ​ຊວງ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ຈັດກອງປະຊຸມ ກ່ຽວກັບການປຶກສາ ຫາລື ກ່ຽວກັບການປ່ຽນແປງກິນຟ້າອາກາດ ແລະ ຄວາມທ່ຽງທຳ ໃນການຄຸ້ມຄອງປ່າໄມ້ນີ້ ແມ່ນກອງປະຊຸມທີ່ຈັດຂື້ນ ເພື່ອກະກຽມໃສ່ ກອງປະຊຸມໃຫຍ່ພາຄີສາກົນ ຫຼື ເອີ້ນວ່າ COP 21 ເຊິ່ງຈະມີຂື້ນ ຢູ່ກຸງປາລີ ປະເທດຝຣັ່ງ ໃນທ້ານເດືອນພະຈິກ ເຖິງ ຕົ້ນເດືອນທັນວາ ໃນປີນີ້

alt

     ຈຸດປະສົງຂອງກອງປະຊຸມປຶກສາຫາລືຄັ້ງນີ້ ກໍ່ເພື່ອເປີດໂອກາດ ໃຫ້ມີການປືກສາຫາລື ແລະ ສ້າງຄວາມເຂົ້າໃຈກ່ຽວກັບຂະບວນ ການຂອງ ສົນທິສັນຍາ ວ່າດ້ວຍການປ່ຽນແປງພູມມີອາກາດ ຂອງສະຫະປະຊາດ ຫຼື ເອີ້ນອີກຢ່າງວ່າ UNFCCC ໃນປັດຈຸບັນ ພ້ອມທັງ ສະພາບຫຼັງປີ 2020. ນອກນີ້ ແມ່ນໄດ້ນຳສະເໜີສັງລວມຜົນໄດ້ຮັບຈາກກອງປະຊຸມປຶກສາຫາລື ປະຊຸມໃຫຍ່ພາຄີສາກົນ ທີ່ຜ່ານມາ COP 21 ພ້ອມທັງ ລາຍງານການກະກຽມຂໍ້ຕົກລົງເປັນເອກພາບ ຫຼັງຈາກ 2020 (ເຊັ່ນວ່າ: ການນຳສະເໜີລະດັບຊາດ ກ່ຽວກັບການ ກໍານົດການປະກອບສ່ວນແຫ່ງຊາດ ກ່ຽວກັບການຫຼຸດຜ່ອນອາຍກາກບອນ (INDC) ຈາກປະເທດຕ່າງໆ.

alt

     ເປັນ​ກຽດ​ເຂົ້າ​ຮ່ວມ​ຂອງ​ທ່ານ ສາຍ​ສະ​ໝອນ ໂພ​ທິ​ສັດ, ຮອງ​ຫົວ​ໜ້າ​ກົມ​ຄຸ້ມ​ຄອງ​ຊັບ​ພະ​ຍາ​ກອນປ່າ​ໄມ້, ພ້ອມ​ດ້ວຍ​ທານ ຄຳ​ໄຜ່ ມະ​ນີ​ວົງ ຮອງ​ຫົວ​ໜ້າ​ກົມ​ປ່າ​ໄມ ແລະ ທ່ານ ນາງ ເຣ​ແກນ​ ຊູ​ຊ​ູ​ກິ ຫົວ​ໜ້າ ພະ​ແນກ ເຣດ ຈາກ​ອົງ​ການ ຣີ​ຄອບ ບາງກອກ​ປະ​ເທດ​ໄທ.

ໃນ​ກອງ​ປະ​ຊຸມ ທ່ານ ນາງ ເຣ​ແກນ ຊູ​ຊູ​ກິ ​ໄດ້ນຳສະເໜີຄວາມໝາຍ ຄວາມສຳຄັນຂອງຄວາມທ່ຽງທຳ ໃນການຄຸ້ມຄອງປ່າໄມ້ ທີ່ຈຳເປັນ ພາຍໃຕ້ກອບແຜນ ການລຸດຜ່ອນການປ່ອຍທາດອາຍພິດເຮືອນແກ້ວ ຈາກການທຳລາຍປ່າໄມ້ ແລະ ເຮັດໃຫ້ປ່າໄມ້ເຊື່ອມໂຊມ (REDD+) ທີ່ປັບປຸງໃໝ່, ແລະ ພ້ອມທັງການຈັດຕັ້ງປະຕິບັດວຽກງານ ທີ່ຜ່ານມາຈຳນວນໜື່ງທີ່ກ່ຽວຂ້ອງກັບຄວາມທ່ຽງທຳ ໃນວຽກງານຄຸ້ມຄອງປ່າໄມ້ລະດັບພາກພື້ນ.

ເຊິ່ງ​ທີ່​ຜານ​ມາ ການນນຳໃຊ້ປ່າໄມ້ ແລະ ທີ່ດິນກວາມເອົາປະມານ 1/3 ຂອງການປ່ອຍອາຍທາດກາກບອນ (ອາຍພິດເຮືອນແກ້ວ) ທີ່ມີຕົ້ນເຫດມາຈາກມະນຸດ ແຕ່ປີ 1970-2011 ແລະ ກວມເອົາ 12% ຂອງການປ່ອຍທາດກາກບອນ ໃນປີ2000-2009 ໂດຍເນື້ອທີ່ການທຳລາຍປ່າໄມ້ໃນໂລກປະຈຳປີສະເລ່ຍ 5,58 ລ້ານ ຮຕ, ປ່າໄມ້ ເປັນໂຕເກັບຮັກສາອາຍທາດກາກບອນ. ຫຼື ເວົ້າອີກຢ່າງໜື່ງວ່າ ເມື່ອຕົ້ນໄມ້ໃຫຍ່ຂື້ນ ມັນໄດ້ດູດຊັບເອົາອາຍທາດກາກບອນ ຈາກຊັ້ນບັນຍາກາດໄວ້.

ນອກ​ຈາກນັ້ນກົມ ຄຸ້ມ​ຄອງ​ຊັບ​ພະ​ຍາ​ກອນ​ປ່າ​ໄມ້ ກໍ່​ໄດ້​ເຮັດກິດຈະກຳ ທີ່ຈະເພີ່ມການຮັກສາອາຍທາດກາກບອນ ແລະ ຫຼຸດຜ່ອນອາຍພິດເຮືອນແກ້ວ ໃນຂະແໜງປ່າໄມ້ ເຊັ່ນ:

  1. ການຫຼີກເວັ້ນການທຳລາຍປ່າໄມ້ ແລະ ເຮັດໃຫ້ປາໄມ່ເຊື່ອມໂຊມ
  2. ການຮັກສາອາຍທາດກາກບອນທີ່ມີຢູ່ໄວ້
  3. ເພີ່ມເນື້ອທີ່ປົກຫຸ້ມປ່າໄມ້ (ການປູກຄືນ/ການປູກຕົ້ນໄມ້ໃຫ້ເປັນປ່າ/ການປູກຕົ້ນໄມ້)
  4. ການເພີ່ມອາຍທາດກາກບອນໃນປ່າ (ເຕັກນິກ ແລະ ຊະນິດພັນຕ່າງໆ)
  5. ການປູກຕົ້ນໄມ້ ປະສົມປະສານ
  6. ໃຊ້ໄມ້ເພື່ອເຮັດເຊື່ອເພີງ ແທນຖ່ານຫີນຕ່າງໆ
  7. ໃຊ້ໄມ້ໄວ້ແທນວັດສະດຸອື່ນໆ ເຊັ່ນ ຄອນກຣີດ,ເຫຼັກ
  8. alt

     ກອງປະຊຸມຄັ້ງນີ້ໄດ້​ຈັດ​ຂື້ນ​ຄັ້ງ​ວັນ​ທີ 9-10 ກັນ​ຍາ 2015 ທີ່​ໂຮງ​ແຮມ ດອນ​ຈັນ​ພາ​ເຣດ ນະ​ຄອນຫຼວງວຽງ​ຈັນ ໂດຍເລັ່ງໃສ່ວຽກງານ ການລຸດຜ່ອນການປ່ອຍທາດອາຍພິດເຮືອນແກ້ວ  ຈາກການທຳລາຍປ່າໄມ້ ກ່ຽວກັບ ການປ່ຽນ ແປງດິນຟ້າອາກາດ ແລະ ເຮັດໃຫ້ປ່າໄມ້ເຊື່ອມໂຊມ (REDD+). ແລະ ຈະ​ໄດ້​ນຳ​ເອົາ​ເນື້ອ​ໃນ​ຂອງການຕົກລົງເປັນ ເອກະ ພາບກັນຈາກ ສປປ ລາວ ໃນຫົວຂໍ້ດັ່ງກ່າວ ເພື່ອໄປນຳສະເໜີ ຕໍ່ກອງປະຊຸມໃຫຍ່ ທີ່ຈັດຂື້ນໃນທ້າຍປີນີ້ ທີ່ໄດ້ກ່າວມານັ້ນ ເຊິ່ງ ເປົ້າໝາຍລວມກໍ່ຄື ການປະກອບສ່ວນເຂົ້າໃນ ແຜນງານ ສົນທິສັນຍາ ວ່າດ້ວຍການປ່ຽນແປງພູມມີອາກາດຂອງສະຫະປະຊາ UNFCCC ເຊິ່ງ ສປປ ລາວ ໄດ້ເຂົ້າຮ່ວມເປັນພາຄີ ໃນປີ 1995 ​ຜ່ານ​ມານັ້ນ.

LAST_UPDATED2