Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້91
mod_vvisit_counterຜູ້ເຂົ້າຊົມ ມື້ວານ683
mod_vvisit_counterຜູ້ເຂົ້າຊົມ ອາທິດນີ້774
mod_vvisit_counterຜູ້ເຂົ້າຊົມ ອາທິດ ຜ່ານມາ6934
mod_vvisit_counterຜູ້ເຂົ້າຊົມ ເດືອນນີ້16936
mod_vvisit_counterຜູ້ເຂົ້າຊົມ ເດືອນຜ່ານມາ30724
mod_vvisit_counterລວມທັງຫມົດ67532

Online (20 minutes ago): 15
Your IP: 54.80.146.251
,
Today: ພ. ຈ. 19, 2017
ແລກປ່ຽນບົດຮຽນການຄຸ້ມຄອງຊັບພະຍາກອນນ້ຳ ແບບປະສົມປະສານ PDF ພິມ ອີເມລ
ຂຽນໂດຍ ສົມອຸລາ ຍະພິຈິດ   
ວັນພະຫັດທີ່ 15 ຕຸລາ 2015 ເວລາ 13: 56

ກອງ​ປະຊຸມ​ແລກປ່ຽນ​ບົດຮຽນ​ລະດັບ​ຊາດ ​ກ່ຽວ​ກັບ​ການຄຸ້ມ​ຄອງ​ຊັບພະຍາກອນ​ນ້ຳ ແບບປະສົມ​ປະສານ ໃນ ​ສປປ ລາວ ໄດ້​ຈັດ​ຂຶ້ນ​ວັນ​ທີ 8 ຕຸລາ 2015 ທີ່ໂຮງແຮມ​ດອນ​ຈັນ​ພາ​ເລດ ໂດຍເປັນ​ປະທານ​ຮ່ວມ​ຂອງ​ທ່ານ​ນາງ ມອນ​ມະນີ ຍອຍ​ບົວ​ກ່ອງ ລັດ​ຖະມົນຕີ​ຊ່ວຍ​ວ່າການ​ກະຊວງ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ທ່ານ ຈອນ​ ວິນລຽມ ເອກ​ອັກ​ຄະ​ລັດ​ຖະ​ທູດ​ອົດສະ​ຕຣາ​ລີ ​ປະຈຳ​ລາວ ແລະ ທ່ານນາງ ສັນ​ດລາ ນິ​ໂຄ ຫົວໜ້າ​ທະນາ​ຄານ​ພັດທະນາ​ອາຊີ​ ປະຈຳລາວ ໂດຍ​ມີ​ຜູ້ຕາງໜ້າ​ຈາກ​ກະຊວງ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ກະຊວງ​ພະລັງ​ງານ ແລະ ບໍ່​ແຮ່ ກະຊວງ​ກະສິ​ກຳ ແລະ ປ່າໄມ້ ກະຊວງ​ແຜນການ ແລະ ການ​ລົງທຶນ ກະຊວງໂຍທິ​ການ ແລະ ຂົນສົ່ງ ກະຊວງສາທາລະນະ​ສຸກ ພ້ອມ​ດ້ວຍ​ຄະນະພະ​ແນກ​ຊັບພະຍາກອນ​ທຳມະ​ຊາດ ແລະ ສິ່ງແວດລ້ອມ​ໃນທົ່ວ​ປະເທດ ແລະ ພາກສ່ວນ​ທີ່ກ່ຽວຂ້ອງ​ເຂົ້າ​ຮ່ວມ.

ທ່ານ​ລັດຖະມົນຕີ​ຊ່ວຍ​ວ່າການ​ກະຊວງ​ຊັບພະຍາກອນ​ທຳມະ​ຊາດ ແລະ ສິ່ງແວດລ້ອມ ໄດ້​ກ່າວ​ວ່າ: ການ​ຈັດ​ກອງ​ປະຊຸມຄັ້ງ​ນີ້ ​ເພື່ອ​ປືກ​ສາ​ຫາລື​ສະຫຼຸບ​ຕີ​ລາຄາ ແລະ ຖອດ​ຖອນ​ບົດຮຽນ ດ້ານ​ດີ ແລະ ຂໍ້​ຄົງ​ຂ້າງ​ກ່ຽວ​ກັບການຈັດຕັ້ງ​ປະຕິບັດ​ ແຜນ​ງານ​ສະໜັບ​ສະ​ໜູນ​ແຫ່ງ​ຊາດ ການ​ຄຸ້ມຄອງ​ຊັບພະຍາກອນ​ນ້ຳ​ແບບ​ປະສົມ​ປະສານ​ໃນ ​ສປປ ລາວ ໂດຍສະເພາະແມ່ນ​ດ້ານ​ວາງ​ແຜນ ແລະ ຈັດ​ຕັ້ງ​ປະຕິບັດ​ແຜນ​ຄຸ້ມຄອງ​ອ່າງ​ຮັບ​ນ້ຳ ການ​ສ້າງຄວາມ​ອາດ​ສາມາດ ແລະ ຫຼັກສູດ​ການ​ສິດສອນ​ດ້ານ​ການ​ຄຸ້ມຄອງ​ຊັບພະຍາກອນ​ນ້ຳ​ແບບ​ປະສົມ​ປະສານ ການ​ຄຸ້ມ​ຄອງ​ນ້ຳ​ໃຕ້ດິນ ການ​ສະໜອງ​ທຶນ ແລະ ການ​ຊອກ​ແຫຼ່ງ​ທຶນ​ໃນ​ການ​ສືບຕໍ່ຈັດ​ຕັ້ງ​ປະຕິບັດ​ ວຽກ​ງານ​ການ​ຄຸ້ມຄອງ​ຊັບພະຍາກອນ​ນ້ຳ​ໃນຕໍ່ໜ້າ ການ​ຂຶ້ນ​ບັນຊີ ການ​ຈັດ​ປະເພດອ່າງ​ຮັບ​ນ້ຳ ການ​ຄຸ້ມ​ຄອງ​ຂໍ້​ມູນ-ຂ່າວສານ​ຊັບພະຍາກອນ​ນ້ຳ ແລະ ອື່ນໆ.

ສຳລັບ​ແຜນ​ງານ​ສະໜັບ​ສະໝູນ​ແຫ່ງ​ຊາດ ການ​ຄຸ້ມ​ຄອງ​ຊັບພະຍາກອນ​ນ້ຳແບບ​ປະສົມ​ປະສານ ​ແມ່ນ​ແຜນ​ງານ​ໜຶ່ງ​ທີ່​ເປັນບຸລິມະສິດ​ຂອງ​ລັດຖະບານ ໂດຍມີ​ຈຸດປະສົງ​ເພື່ອ​ສະໜັບສະໜູນ ການຈັດຕັ້ງ​ປະຕິບັດ​ອີງ​ຕາມ​ຫຼັກການ​ຄຸ້ມ​ຄອງ​ຊັບພະຍາກອນ​ນ້ຳແບບ​ປະສົມ​ ປະສານ ແລະ ຜ່ານຂະ​ບວນ​ການ​ສ້າງ​ຄວາມ​ອາດ​ສາມາດ ​ໃຫ້​ແກ່​ກົມ​ຊັບພະຍາກອນນ້ຳ​ແບບ​ປະສົມ​ປະສານ ນັບ​ແຕ່ສູນ​ກາງ​ຮອດ​ທ້ອງຖິ່ນ ແຜນ​ງານດັ່ງກ່າວ ​ໄດ້​ເລີ່ມ​ຈັດ​ຕັ້ງ​ປະຕິບັດແຕ່​ທ້າຍ​ປີ 2011 ຫາເດືອນ​ຕຸລາ 2015 ຈະ​ສິ້ນ​ສຸດ ມີ​ງົບປະມານທັງ​ໝົດ 3,9 ລ້ານ​ໂດ​ລາ​ສະຫະລັດ ໂດຍ​ໄດ້​ຮັບ​ການ​ສະໜັບ​ສະໜູນ​ຈາກ​ລັດຖະບານ​ອົດ​ສະ​ຕຣາລີ ໂດຍ​ຜ່ານ​ກົມ​ການ​ຕ່າງປະເທດ ແລະ ການ​ຄ້າ ທະນາຄານ​ພັດທະ​ນາ​ອາຊີ ແລະ ກອງ​ທຶນ​ພັດທະ​ນາ​ຂອງ​ປະເທດ​ແອັດ​ສະ​ປາຍ ເຊິ່ງ​ແຜນ​ງານ​ດັ່ງກ່າວ​ປະກອບ​ມີ 4 ອົງ​ປະກອບ​ຫຼັກ.