Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້992
mod_vvisit_counterຜູ້ເຂົ້າຊົມ ມື້ວານ1435
mod_vvisit_counterຜູ້ເຂົ້າຊົມ ອາທິດນີ້3424
mod_vvisit_counterຜູ້ເຂົ້າຊົມ ອາທິດ ຜ່ານມາ6025
mod_vvisit_counterຜູ້ເຂົ້າຊົມ ເດືອນນີ້15967
mod_vvisit_counterຜູ້ເຂົ້າຊົມ ເດືອນຜ່ານມາ19872
mod_vvisit_counterລວມທັງຫມົດ35839

Online (20 minutes ago): 29
Your IP: 54.81.79.128
,
Today: ຕ. ລ. 18, 2017
ສະເຫຼິມສະຫຼອງວັນຄຸ້ມຄອງ ໄພພິບັດ ອາຊຽນ ແລະ ວັນຫລຸດຜ່ອນ ໄພພິບັດສາກົນ PDF ພິມ ອີເມລ
ຂຽນໂດຍ ວິລຸນາ ໄຊຍະລາດ   
ວັນຈັນທີ່ 23 ພະຈິກ 2015 ເວລາ 13: 19

alt

     ໃນຕອນເຊົ້າຂອງວັນທີ 31 ຕຸລາ 2015, ຢູ່ທີ່ໂຮງຮຽນ ມສ ວຽງຈັນ, ຄະນະ​ກຳມະການ​ປ້ອງ​ກັນ​ ແລະ ຄວບ​ຄຸມ​ໄພພິບັດ​ແຫ່ງ​ຊາດ

alt

ຕາງໜ້າ​ໂດຍ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ຮ່ວມກັບ ບັນດາອົງການຈັດຕັ້ງສາກົນ ​ແລະ ປະຊາຊົນ ຊາວ​ນະຄອນຫຼວງ​ວຽງ​ຈັນ ໄດ້ຈັດພິທີສະເຫຼີມສະຫຼອງ ວັນຄຸ້ມຄອງ ໄພພິບັດ ອາຊຽນ ແລະ ວັນຫລຸດຜ່ອນຄວາມສ່ຽງໄພພິບັດ ສາກົນ ຂຶ້ນທີ່ໂຮງຮຽນມັດທະຍົມສົມບູນ ວຽງຈັນ. ​ໃນ​ພິທີ​ດັ່ງກ່າວ​ໄດ້​ມີ​ການ​ນໍາ ພັກ​ລັດ​, ພະນັກງານ​, ທະຫານ​, ຕຳຫຼວດ ​ແລະ ພະນັກງານ ຈາກກະຊວງ​  ​ແລະ ອົງການ​ຈັດ​ຕັ້ງ ທີ່​ກ່ຽວຂ້ອງ ອົງການ​ຈັດ​ຕັ້ງຂຶ້ນກັບລັດຖະບານ ​ແລະ ບໍ່ຂຶ້ນກັບລັດຖະບານ, ບັນດາ ຄູ-ອາຈານ, ນ້ອງນັກຮຽນ, ນັກສຶກສາ ພາຍໃນນະຄອນຫຼວງວຽງຈັນ ເຂົ້າຮ່ວມ ຢ່າງ​ພ້ອມພຽງ ​ແລະ ​​ເປັນ​ຂະ​ບວນການ​ຟົດ​ຟື້ນ.

alt

     ການສະເຫຼິມສະຫຼອງວັນຄຸ້ມຄອງ ໄພພິບັດ ອາຊຽນ ແລະ ວັນຫລຸດຜ່ອນ ໄພພິບັດສາກົນ ໃນປີນີ້ ສຳລັບ​ອາຊຽນ ​ເປັນ​ປີ​ທີ 11  ​ແລະ ສາກົນ ເປັນປີທີ 26 ພາຍໃຕ້  2 ຫົວຂໍ້ຫຼັກຄື: ສໍາລັບກອບອາຊຽນໃນຫົວຂໍ້  " ການຮ່ວມມືເປັນໜຶ່ງດຽວ ໃນອາຊຽນໃນການຮັບມືກັບໄພພິບັດ" ແລະ ສຳລັບກອບອົງການສະຫະປະຊາຊາດ ດ້ານການຫຼຸດຜ່ອນ ຄວາມສ່ຽງ ໄພພິບັດ ສາກົນ ໃນຫົວຂໍ້: " ຄວາມຮູ້ສຳລັບການດຳລົງຊີວິດທີ່ປອດໄພ ຈາກໄພພິບັດ " ແມ່ນເພື່ອຍົກໃຫ້ເຫັນການເສີມຂະຫຍາຍ ຄວາມຮູ້ພື້ນ ເມືອງ ແລະ ທ້ອງຖິ່ນ ປະກອບກັບ ຄວາມຮູ້ ດ້ານວິທະຍາສາດ ແຫ່ງຍຸກສະ   ໄໝ ເພື່ອສ້າງຄວາມທົນທານ ໃຫ້ແກ່ປະຊາຊົນ ແລະ ສັງຄົມ ຕໍ່ໄພພິບັດທໍາມະຊາດ ແລະ ການປ່ຽນແປງດິນຟ້າອາກາດ. ອີງ​ຕາມ​ການ​ຕີ​ລາຄາ ຂອງອົງການສະຫະປະຊາຊາດ ດ້ານການຫລຸດຜ່ອນ ຄວາມສ່ຽງ ດ້ານໄພພິບັດ ສາກົນ ໄດ້ໃຫ້ຮູ້ວ່າ ຄວາມ​ຮູ້​ພື້ນ​ເມືອງ ​ແລະ ທ້ອງ​ຖິ່ນ ຂອງ​ປະຊາຊົນ​ ແມ່ນ​ມີ​ຄວາມ​ສໍາ​ຄັນ​ສູງຕໍ່ ການຫຼຸດຜ່ອນ ຄວາມ​ສ່ຽງ​ດ້ານໄພພິບັດ ແລະ  ການ​ປັບ​ຕົວເຂົ້າ​ກັບ ການ​ປ່ຽນ​ແປງ​ດິນ​ຟ້າ​ອາກາດ ​ຢູ່​ໃນ​ທ້ອງ​ຖິ່ນ​ ຂອງ​ພວກ​ເຂົາ​ເຈົ້າ​​ເອງ.

     ສປປ ລາວ ກໍ່ເປັນປະເທດໜຶ່ງ ​ທີ່ໄດ້ຮັບຜົນກະທົບ ຢ່າງ​ຫລວງຫລາຍ ຈາກ​ໄພພິບັດທຳ​ມະ​ຊາດ ທີ່​ເກີດ​ຂຶ້ນ ​ໃນ​ແຕ່ລະ​ປີ ຊຶ່ງສ່ວນ​​ໃຫຍ່ ​ແມ່ນ​ໄພ​ນ້ຳ​ຖ້ວມ ທີ່​ໄດ້​ສ້າງ​ຜົນ​ເສຍ​ຫາຍ  ​ແລະ ຖ່ວງ​ດຶງ​ການ​ພັດທະນາ ປະມານ 2,8 ຫາ ​3,7 ສ່ວຍ​ຮ້ອຍ ຂອງ ລວມຍອດ​ຜະລິດ​ຕະພັນພາຍ​ໃນ ຫລື ຈີ​ດີ​ພີ (GDP) ​ໃນ​ແຕ່ລະ​ປີ. ສາຍ​ເຫດ​ສ່ວນໜຶ່ງ​ ແມ່ນຍ້ອນພື້ນຖານ​ໂຄງ​ລ່າງ ຍັງ​ມີຄວາມ ອ່ອນນ້ອຍ ​ແລະ ຍັງ​ບໍ່ມີ​ຄວາ​ມ​ທົນທານຕໍ່​ໄພພິບັດ, ພ້ອມ​ນີ້ ປະຊາຊົນ ສ່ວນ​ໃຫຍ່ ກໍ​ຍັງ​ອາ​ໄສ ຢູ່​ເຂດ​ຊົນນະບົດ ທີ່ມີຄວາມສ່ຽງຕໍ່​ໄພພິບັດ. ສະເພາະປີ 2015 ​ໄດ້​ເກີດ​ໄພພິບັດ​ຂຶ້ນຢູ່ໃນ​ ​48 ເມືອງ ນອນໃນ 15 ​ແຂວງ ມີ​ມູນ​ຄ່າ​​ເສຍ​ຫາຍ​ເບື້ອງ​ຕົ້ນ ຫຼາຍກ່ວາ 400 ຕື້​ກີບ. ​​ພ້ອມ​ທັງເກີດ​ ເຫດການ​ໃຫ່ມໆ ຈຳນວນໜຶ່ງ​ເຊັ່ນ: ການລະບາດ​ຂອງ​ຕັກ​ກະ​ແຕນ ​ແລະ ​ເຫດການ​ຕາດ​ຫັກ​ທະ​ລົມ ຢູ່​ທາງ​ພາກ​ເໜືອ ຊຶ່ງ​ເປັນ​ອັນ​ບົ່ງ​ບອກ​​ເຖິງຄວາມ​ບອບ​ບາງ​ ຂອງ​ລະບົບ​ນິ​ເວດ ທີ່​​ເປັນ​ກຳ​ແພງ​ປ້ອງ​ກັນ ​ໄພ​ທຳ​ມະ​ຊາດ​.

     ຍ້ອນ​​ເຫັນ​ໄດ້​​ເຖິງ​ໄພ​ອັນຕະລາຍ ​ແລະ ​ຜົນ​ຮ້າຍ ຈາກ​ໄພພິບັດ​, ໃນ​ໄລຍະຜ່ານມາພັກ ​ແລະ ລັດຖະບານ ກໍ່​ໄດ້​ໃຫ້​ຄວາມ​ສຳຄັນ​ ແກ່​ວຽກງານຫຼຸດຜ່ອນຄວາມສ່ຽງໄພພິບັດ  ແລະ ໄດ້ເຮັດສຳເລັດໃນຫຼາຍດ້ານ​ເປັນ​ຕົ້ນແມ່ນ: ການສ້າງ ລະບົບການຈັດຕັ້ງ, ແຜນຫຼຸດຜ່ອນຄວາມສ່ຽງ ແລະ ແຜນກຽມພ້ອມຕອບໂຕ້ໄພພິບັດ, ຂໍ້ມູນລາຍລະ ອຽດໄພພິບັດ ລະດັບຊາດ, ປັບປຸງລະບົບເຕືອນ ໄພລ່ວງໜ້າ ແລະ ສ້າງຄວາມເຂັ້ມແຂງດ້ານວິຊາການຈຳນວນໜຶ່ງ ຕາມການຕີລາຄາ ແລະ ປະເມີນຕົນເອງ ຂອງ ສປປ ລາວ ໂດຍອີງ ໃສ່ເງື່ອນໄຂ ແລະ ມາດຖານຂອງຫ້ອງການສະຫະປະຊາຊາດ ເພື່ອ ການປະຕິບັດຍຸດທະສາດ ຫຼຸດຜ່ອນຄວາມສ່ຽງໄພພິບັດສາກົນ  ໃນຕະຫຼອດໄລຍະ  10 ປີ(2005-2015)ຜ່ານມາ ເຫັນວ່າ ສປປ ລາວ ພວກເຮົາ ກໍ່ມີຜົນສຳເລັດໃນລະດັບດີພໍສົມຄວນ.

     ​ໃນ​ຊຸມ​ປີ​ຕໍ່ໜ້າ ​ກໍ່​ຄືໃນ​ແຜນ​ພັດທະນາ​ເສດຖະກິດ​-ສັງຄົມ ​ແຫ່ງ​ຊາດຄັ້ງ​ທີ 8 (2016-2020) ກໍ່​ຈະ​ສຶບຕໍ່​ເຮັດ​ໃຫ້ວຽກ​ງານ​ຫຼຸດຜ່ອນ​ຄວາມ​ສ່ຽງ​ໄພພິບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ ​ເປັນ​ວຽກ​ຈຸດ​ສຸມ​ໜຶ່ງ​​ ດ້ວຍ​ການ​ເສີມ​ຂະຫຍາຍ ທິດ​ຖື​ເອົາ​ມາດ​ຕະການ​ປ້ອງ​ກັນ ​ແລະ ຫຼຸດຜ່ອນຜົນ​ກະທົບ ​ເປັນ​ຄັນ​ທຸງ​ນຳໜ້າ ສົມ​ທົບກັບ ​ການ​ເພີ່ມ​ທະວີ ສ້າງ​ຄວາມ​ເຂັ້ມ​ແຂງ ​ໃນ​ການ ກຽມພ້ອມ​ຮັບ​ມື​ໃຫ້ດີ​ກ່ວາ​ເກົ່າ, ໂດຍ​ຈະ​ເລັ່ງ​ໃສ່ ການວາງ​ແຜນນຳ​ໃຊ້​ທີ​ດີ​ນ, ການຈັດ​ສັນ​ພູມລຳ​ເນົາ​ໃຫ້​ມີ​ຄວາມ​ປອດ​ໄພ​ກ່ວາ​ເກົ່າ, ການ​ປົກ​ປັກ​ຮັກສາ ​ແລະ ຟື້ນ​ຟູ ສິ່ງ​ແວດ​ລ້ອມ-ລະ​ບົບນິ​ເວດ​ທຳ​ມະ​ຊາດ ​ເພື່ອ​ເປັນ​ກຳ​ແພງ​ປ້ອງ​ກັນ ​ໄພ​ພິບັດ​ທຳ​ມະ​ຊາດ ນອກຈາກ​ນີ້ ຍັງ​ຈະ​ໄດ້​ສຸມ​ໃສ່ ການ​ປັບປຸງ​ກົງຈັກ​ການຈັດຕັ້ງ, ສ້າງ​ກົດໝາຍ ​ແລະ ນິຕິ​ກຳ​ປິ່ນ​ອ້ອມ​ທີ່​ຈຳ​ເປັນ, ປັບ​ປຸງ​ລະບົບ​ຂໍ້​ມູນ​ສະຖິຕິ, ຫຼັກສູດການສຶກສາ, ປັບປຸງລະບົບ ການແຈ້ງ ເຕືອນ ໄພລ່ວງໜ້າ ແລະ ມີແຜນກຽມພ້ອມຕອບໂຕ້ ເພື່ອ​ຮັບປະກັນໃຫ້ແກ່ການ​ພັດທະ​ນາ​ເສດຖະກິດ-​ສັງຄົມ ​ໃນ​ແຕ່ລະ​ຂັ້ນ ມີ​ຄວາມຢືນ​ຍົງ, ມີ​ຄວາມ​ທົນ​ທານຕໍ່​ໄພພິ​ບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ.

     ໃນ​ກາລະໂອກາດ ທີ່ສຳຄັນ ​ດັ່ງກ່າວ​ນີ້, ຄະນະ​ກຳມະການ​ປ້ອງ​ກັນ​ ແລະ ຄວບ​ຄຸມ​ໄພພິບັດ​ແຫ່ງ​ຊາດ ຈຶ່ງ​ໄດ້​ຈັດ​ພິທີ ລຳ​ລຶກ​ເຖິງ​ວັນ​ດັ່ງກ່າວ​ຂຶ້ນ ​ໂດຍ​ມີ​ການ​​ໂຮມ​ຊຸມນຸມ​ຍ່າງ​ເພື່ອ​ສຸຂະພາບ, ມີ​ການວາງສະ​ແດງ​ຜົນງານ, ມີ​ການ​ສາທິດ​ກ່ຽວກັບ​ການ​ຊ່ວຍ​ເຫຼືອ​ຜູ້​ປະສົບ​ໄພ ຂຶ້ນ​ທີ່​ໂຮງຮຽນ ມສ ວຽງຈັນ ​ໂດຍ​ມີ​ຜູ້​ເຂົ້າ​ຮ່ວມ​ທັງ​ໝົດ​ປະມານ 400 ຄົນ.


ຂຽນ​ໂດຍ: ກົມ ຄຸ້ມ​ຄອງ​ໄພ​ພິ​ບັດ ແລະ ການ​ປ່ຽນ​ແປງ​ດິນ​ຟ້າ​ອາ​ກາດ

LAST_UPDATED2