Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້1060
mod_vvisit_counterຜູ້ເຂົ້າຊົມ ມື້ວານ1019
mod_vvisit_counterຜູ້ເຂົ້າຊົມ ອາທິດນີ້2079
mod_vvisit_counterຜູ້ເຂົ້າຊົມ ອາທິດ ຜ່ານມາ6618
mod_vvisit_counterຜູ້ເຂົ້າຊົມ ເດືອນນີ້18924
mod_vvisit_counterຜູ້ເຂົ້າຊົມ ເດືອນຜ່ານມາ30724
mod_vvisit_counterລວມທັງຫມົດ69520

Online (20 minutes ago): 13
Your IP: 54.158.214.111
,
Today: ພ. ຈ. 20, 2017
ຮ່ວມກັນຄຸ້ມຄອງທີ່ດິນ ແລະ ປ່າໄມ້ທີ່ດີ PDF ພິມ ອີເມລ
ຂຽນໂດຍ ສົມອຸລາ ຍະພິຈິດ   
ວັນສຸກທີ່ 25 ທັນວາ 2015 ເວລາ 11: 20

alt

(ວຽງຈັນໃຫມ່) ໃນ​ທ້າຍ​ອາທິດ​ທີ່​ຜ່ານ​ມາ ທີ່ກົມ​ຄຸ້ມ​ຄອງ​ທີ່​ດິນ ໄດ້​ຈັດ​ພິທີ​ເຊັນບົດ​ບັນທຶກ​ຄວາມ​ເຂົ້າໃຈ ລະຫວ່າງກະຊວງ​ຊັບພະຍາກອນທຳ​ມະ​ຊາດ ແລະ ສິ່ງແວດລ້ອມ ແລະ ອົງການ​ແຄຣ໌ນາໆ​ຊາດ ປະຈຳ​ລາວ ເພື່ອ​ຈັດ​ຕັ້ງ​ປະຕິບັດ​ໂຄງການ​ຄຸ້ມ​ຄອງ​ທີ່​ດິນ ແລະ ປ່າໄມ້ທີ່​ດີ ໃຫ້​ທຶນ​ສະໜັບສະໜູນ​ໂດຍສະຫະພາບ​ເອີ​ຣົບ ຕາງໜ້າ​ເຊັນບົດ​ບັນທຶກ​ໂດຍທ່ານ ຕຸ້ຍ ທຳ​ມະວົງສາ ຮັກສາ​ການ​ຫົວໜ້າ​ກົມຈັດ​ສັນ ແລະ ພັດທະນາ​ທີ່​ດິນ ກະຊວງ​ຊັບພະຍາກອນ​ທຳ​ມະຊາດ ແລະ ສິ່ງແວດລ້ອມ ແລະ ທ່ານ ເກຣັນ ບອນດ໌ ຜູ້​ອຳນວຍການ ອົງການ​ແຄຣ໌ນາໆ​ຊາດ ປະຈຳ​ລາວ ໂດຍ​ເປັນ​ກຽດ​ເຂົ້າຮ່ວມ​ຂອງ​ທ່ານ ບຸນ​ມີ ພຸດ​ທະ​ວົງ ລັດຖະມົນຕີ​ຊ່ວຍ​ວ່າການ​ກະຊວງ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ພ້ອມ​ດ້ວຍ​ພະນັກງານ​ທັງ​ສອງ​ຝ່າຍ.

ກະຊວງ​ຊັບພະຍາກອນ​ທຳມະ​ຊາດ ແລະ ສິ່ງແວດລ້ອມ ແລະ ອົງການ​ແຄຣ໌ນາໆ​ຊາດ ໄດ້​ຮ່ວມ​ມື​ກັນ​ຈັດ​ຕັ້ງ​ປະຕິບັດ​ໂຄງການ​ນີ້ ​ເປັນ​ໂຄງການ​ທີ​ສອງ ເຊິ່ງໂຄງການ​ຄຸ້ມ​ຄອງ​ທີ່​ດິນ ແລະ ປ່າໄມ້​ທີ່​ດີ ມີ​ຈຸດປະສົງ​ເພື່ອ​ສະໜັບສະ​ໜູນ​ຈັດ​ສັນ ແລະ ພັດທະນາ​ທີ່ດິນ​ ໃຫ້​ມີ​ການ​ສ້າງ​ກົນ​ໄກ​ໃນ​ການຄຸ້ມ​ຄອງ​ທີ່​ດິນ ແລະ ປ່າໄມ້​ທີ່​ດີໃນ ​ສປປ ລາວ ໂດຍ​ອີງໃສ່​ວິທີການຈັດຕັ້ງ​ປະຕິບັດ​ຜ່ານ​ການມີ​ສ່ວນ​ຮ່ວມ​ຈາກ​ຊາວບ້ານ​ ເປັນຫຼັກ ເວົ້າ​ລວມແມ່ນ​ໃຫ້​ບັນດາຜູ້​ທີ່​ໄດ້​ຮັບ​ຜົນ​ປະໂຫຍດ​ຈາກ​ໂຄງການ ​ຈະ​ມີ​ສ່ວນ​ຮ່ວມ​ເຂົ້າ​ໃນ​ກິດຈະ​ກຳ​ຂອງ​ໂຄງການ​ທີ່​ກົມ​ຈັດສັນ ແລະ ພັດທະນາ​ທີ່​ດິນ​ໄດ້ຈັດ​ຂຶ້ນ​ໃນ​ຂັ້ນ​ສູນ​ກາງ ໂດຍ​ສະເພາະ ເຂົ້າ​ຮ່ວມ​ຂະ​ບວນ​ການ​ຕັດສິນ​ໃຈ ແລະ ປຶກສາ​ຫາລື​ໃນການຈັດຕັ້ງ​ປະຕິບັດ​ກິດຈະກຳຂອງ​ໂຄງການ ສຳລັບ​ກິດຈະກຳຂອງ​ໂຄງການ​ ປະກອບ​ມີ​ການ​ປັບປຸງ​ຄວາມ​ສາມາດ​ຂອງ​ກົມ​ຈັດສັນ ແລະ ພັດທະນາ​ທີ່​ດິນ​ ໃນການຈັດຕັ້ງ​ປະຕິບັດ​ກິດຈະກຳ ໂຄງການ​ຮັບປະກັນ​ໃຫ້​ມີ​ສ່ວນຮ່ວມ​ຈາກ​ທຸກ​ພາກສ່ວນ​ທີ່​ກ່ຽວຂ້ອງ ສ້າງ​ປື້ມ​ຄູ່​ມື​ເຝິກອົບຮົມໃຫ້​ແກ່​ຊຸມ​ຊົນ​ກ່ຽວ​ກັບ​ການ​ຄຸ້ມຄອງ​ທີ່​ດິນ ແລະ ປ່າໄມ້ ສະໜັບສະ​ໜູນ​ວຽກ​ງານ​ຂະແໜງການຍ່ອຍ​ດ້ານ​ທີ່​ດິນ ​ເພື່ອ​ປຶກສາ​ຫາລືກັບ​ອົງ​ການຈັດຕັ້ງ​ອື່ນໆ​ ທີ່​ເຮັດວຽກ​ດ້ານ​ການ​ພັດທະນາ​ທີ່​ດິນ ​ໄດ້ມີ​ການ​ແລກປ່ຽນ​ບົດຮຽນ ຂໍ້​ຄົງຄ້າງ ແລະ ແກ້​ໄຂ​ບັນຫາ​ຮ່ວມກັນ ໃນ​ການຈັດຕັ້ງ​ປະຕິບັດ​ໂຄງການ​ດັ່ງກ່າວ​ມີ​ໄລຍະ​ເວລາ 15 ເດືອນ ນຳ​ໃຊ້​ງົບປະມານ​ທັງ​ໝົດ 94.444 ເອີ​ໂຣ.

ກົມ​ຈັດ​ສັນ ແລະ ພັດ​ທະນາ​ທີ່​ດິນ​ໄດ້​ດຳເນີນ​ການ​ຈັດ​ສັນ​ທີ່ດິນ​ຂັ້ນ​ບ້ານ ກຸ່ມ​ບ້ານ ສຳເລັດໂດຍ​ພື້ນຖານ ປະມານ 4.600 ບ້ານ ຫຼື ເທົ່າ​ກັບ 54% ຂອງຈຳນວນ​ບ້ານ​ທັງ​ໝົດ ແລະ ໄດ້ຈັດ​ສັນ​ທີ່​ດິນ​ຂັ້ນ​ເມືອງ​ສຳເລັດແລ້ວ 55 ເມືອງ ຫຼື ເທົ່າ​ກັບ 37% ຂອງ​ຈຳນວນ​ເມືອງ​ໃນຂອບ​ເຂດ​ທົ່ວ​ປະເທດ ແລະ ຍັງຈະ​ສືບຕໍ່​ຈັດ​ຕັ້ງ​ປະຕິບັດ​ໃຫ້​ສຳເລັດ​ໃນຕໍ່ໜ້າ.