Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້76
mod_vvisit_counterຜູ້ເຂົ້າຊົມ ມື້ວານ683
mod_vvisit_counterຜູ້ເຂົ້າຊົມ ອາທິດນີ້759
mod_vvisit_counterຜູ້ເຂົ້າຊົມ ອາທິດ ຜ່ານມາ6934
mod_vvisit_counterຜູ້ເຂົ້າຊົມ ເດືອນນີ້16921
mod_vvisit_counterຜູ້ເຂົ້າຊົມ ເດືອນຜ່ານມາ30724
mod_vvisit_counterລວມທັງຫມົດ67517

Online (20 minutes ago): 10
Your IP: 54.80.146.251
,
Today: ພ. ຈ. 19, 2017
ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ສຳເລັດລົງຢ່າງຈົບງາມ PDF ພິມ ອີເມລ
ຂຽນໂດຍ ສົມອຸລາ ຍະພິຈິດ   
ວັນຈັນທີ່ 25 ມັງກອນ 2016 ເວລາ 09: 52


ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງ ພັກປະຊາຊົນປະຕິວັດລາວ ໄດ້ສຳເລັດລົງ ຢ່າງຈົບງາມ ໃນວັນທີ 22 ມັງກອນນີ້, ພາຍຫຼັງດຳເນີນມາ ເປັນເວລາ 5 ວັນ ພາຍໃຕ້ຄຳຂວັນ “ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີ ທົ່ວປວງຊົນທັງຊາດ, ຢຶດໝັ້ນແນວທາງ ການປ່ຽນແປງໃໝ່ ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຍືນຍົງ ສູ່ຈຸດໝາຍສັງຄົມນິຍົມ ຢ່າງໜັກແໜ້ນ” ຊຶ່ງມີຜູ້ແທນສົມບູນ 685 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກທັງໝົດທົ່ວປະເທດ 252.879 ສະຫາຍ ແລະ ແຂກຖືກເຊີນເຂົ້າຮ່ວມລວມ 1 ພັນກວ່າຄົນ.

alt

ກອງປະຊຸມໃຫຍ່ ໄດ້ເລືອກຕັ້ງຄະນະບໍລິຫານງານສູນກາງພັັກ ສະໄໝທີ X ຊຶ່ງປະກອບດ້ວຍກຳມະການສົມບູນ 69 ສະຫາຍ ແລະ ກຳມະການສຳຮອງ 8 ສະຫາຍ ເພື່ອເປັນແກ່ນສານນຳພາ ທົ່ວພັກ, ທົ່ວລັດ, ທົ່ວກຳລັງປະກອບອາ ວຸດ ແລະ ທົ່ວປວງຊົນ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ໃຫ້ມີຜົນສຳເລັດໃໝ່, ສ້າງບາດກ້າວບຸກທະລຸໃນການພັດທະນາໃຫ້ເປັນຈິງ ແລະ ນຳພາປະເທດຊາດກ້າວຂຶ້ນຢ່າງໜັກແໜ້ນຕໍ່ໄປ. ກອງປະຊຸມຄັ້ງປະ ຖົມມະລືກ ຂອງຄະນະບໍລິຫານງານສູນກາງພັກ ສະໄໝທີ X ໄດ້ເປັນເອກະພາບເລືອກຕັ້ງກຳມະການກົມການເມືອງ ສູນກາງພັກ ຊຶ່ງປະກອບມີ 11 ສະຫາຍຄື: 1. ສະຫາຍ ບຸນຍັງ ວໍລະຈິດ; 2. ສະຫາຍ ດຣ. ທອງລຸນ ສີສຸລິດ; 3. ສະຫາຍ ນາງ ປານີ ຢາທໍ່ຕູ້; 4. ສະຫາຍ ດຣ. ບຸນທອງ ຈິດມະນີ; 5. ສະຫາຍ ດຣ. ພັນຄຳ ວິພາວັນ; 6. ສະຫາຍ ຈັນສີ ໂພສີຄຳ; 7. ສະຫາຍ ດຣ. ໄຊສົມພອນ ພົມວິຫານ; 8. ສະຫາຍ ພົນໂທ ຈັນສະໝອນ ຈັນຍາລາດ; 9. ສະຫາຍ ດຣ. ຄຳພັນ ພົມມະທັດ; 10. ສະຫາຍ ດຣ. ສິນລະວົງ ຄຸດໄພທູນ ແລະ 11. ສະຫາຍ ດຣ. ສອນໄຊ ສີພັນດອນ.

ກອງປະຊຸມຄັ້ງປະຖົມມະລືກ ໄດ້ເລືອກເອົາກຳມະການ ໃນຄະນະເລຂາທິການສູນກາງພັກ 9 ສະຫາຍຄື: 1. ສະຫາຍ ບຸນຍັງ ວໍລະຈິດ;2. ສະຫາຍ ດຣ. ບຸນທອງ ຈິດມະນີ; 3. ສະຫາຍ ດຣ. ພັນຄຳ ວິພາວັນ; 4. ສະຫາຍ ຈັນສີ ໂພສີຄຳ; 5. ສະຫາຍ ດຣ. ຄຳພັນ ພົມມະທັດ; 6. ສະຫາຍ ພົນໂທ ແສງນວນ ໄຊຍະລາດ;7. ສະຫາຍ ສຈ.ດຣ. ກິແກ້ວ ໄຂຄຳພິທູນ; 8. ສະຫາຍ ພົນຕີ ສົມແກ້ວ ສີລາວົງ ແລະ 9. ສະຫາຍ ພົນຕີ ວິໄລ ຫຼ້າຄຳຟອງ ໂດຍໄດ້ເລືອກເອົາ ສະຫາຍ ດຣ. ພັນຄຳ ວິພາວັນ ເປັນຜູ້ປະຈຳການຄະນະເລຂາທິການສູນກາງພັກ.

ກອງປະຊຸມຄັ້ງປະຖົມມະລືກຂອງຄະນະບໍລິຫານງານສູນກາງພັກ ສະໄໝທີ X ໄດ້ ເປັນເອກະສັນກັນຢ່າງສົມບູນ ເລືອກ ສະຫາຍ ບຸນຍັງ ວໍລະຈິດ ເປັນເລຂາທິການໃຫຍ່ຄະນະບໍລິຫານງານສູນກາງພັກ.

ກອງປະຊຸມຍັງເລືອກ ເອົາປະທານ, ບັນດາຮອງປະ ທານ ຄະນະກວດກາສູນກາງ ພັກ, ໃນນັ້ນ ເຫັນດີເອກະພາບ ເລືອກ ສະຫາຍ ດຣ. ບຸນທອງ ຈິດມະນີ ເປັນປະທານຄະນະ ກວດກາສູນກາງພັກ ແລະ ເລືອກຮອງປະທານຄະນະ ກວດກາສູນກາງພັກ 8 ສະ ຫາຍ. ສຳລັບການແຕ່ງຕັ້ງທີ່ ປຶກສາຂອງຄະນະບໍລິຫານ ງານສູນກາງພັກ ຄັ້ງທີ X ກອງ ປະຊຸມໄດ້ມອບໝາຍໃຫ້ກົມ ການເມືອງສູນກາງພັກ ເປັນຜູ້ ຕົກລົງແຕ່ງຕັ້ງ ພ້ອມທັງກຳນົດ ພາລະບົດບາດ ແລະ ໜ້າທີ່ ອັນລະອຽດຕາມທີຫຼັງ.

ພາຍຫຼັງສະຫາຍ ດຣ. ບຸນທອງ ຈິດມະນີ ກ່າວລາຍ ງານຜົນການເລືອກຕັ້ງຄະນະ ບໍລິຫານງານສູນກາງພັກ ແລະ  ຜົນກອງປະຊຸມຄັ້ງປະຖົມມະ ລືກ ຂອງຄະນະບໍລິຫານງານ ສູນກາງພັກ ສະໄໝທີ X ແລ້ວ, ສະຫາຍ ສົມສະຫວາດ ເລັ່ງສະຫວັດ ໄດ້ຂຶ້ນຜ່ານມະຕິ ຂອງກອງປະຊຸມໃຫຍ່ຜູ້ແທນ ທົ່ວປະເທດ ຄັ້ງທີ X ຂອງພັກ ປະຊາຊົນ ປະຕິວັດລາວ ຊຶ່ງ ໃນກອງປະຊຸມໃຫຍ່ ບັນດາຜູ້ ແທນສົມບູນ ໄດ້ຄົ້ນຄວ້າຕົກ ລົງບັນຫາສຳຄັນຂອງພັກ ແລະ ຂອງຊາດ ພາຍໃຕ້ບັນຍາກາດ ອັນສ້າງສັນ, ມີຄວາມຮັບຜິດ ຊອບ, ທັງມີຄວາມສາມັກຄີ ເປັນເອກະພາບສູງ ເປັນຕົ້ນ ໄດ້ຮັບຮອງຢ່າງເປັນເອກະສັນ ບົດລາຍງານການເມືອງຂອງ ຄະນະບໍລິຫານງານສູນກາງ ພັກ ສະໄໝທີ IX; ປະກອບ ຄຳເຫັນຢ່າງກົງໄປກົງມາກ່ຽວ ກັບຂໍ້ຄົງຄ້າງໃນການຊີ້ນຳໆ ພາຂອງພັກ, ຮັບຮອງເອົາຂໍ້ ສະຫຼຸຸບ 7 ປະການ ຊຶ່ງເປັນບົດ ຮຽນອັນປະເສີດທີ່ເປັນບົດ ຮຽນທີ່ຖອດຖອນໄດ້ຈາກພຶດ ຕິກຳແຫ່ງການຈັດຕັ້ງນຳພາ ປະຕິບັດ ມະຕິກອງປະຊຸມ ໃຫຍ່ຄັ້ງທີ IX ຂອງພັກ ແລະ 30 ປີແຫ່ງການປ່ຽນແປງໃໝ່ ພ້ອມທັງກຳນົດ 7 ທິດທາງ ໜ້າທີ່ໃຫຍ່ໃນຕໍ່ໜ້າ. ກອງປະ ຊຸມໄດ້ຮັບຟັງການລາຍງານ ກ່ຽວກັບວິໄສທັດຮອດປີ 2030, ຍຸດທະສາດການພັດ ທະນາເສດຖະກິດ-ສັງຄົມ ໃນໄລຍະ 10 ປີ 2016-2025 ແລະ ແຜນພັດທະນາເສດຖະ ກິດ-ສັງຄົມ 5 ປີຄັ້ງທີ VIII; ຮັບຮອງເອົາບົດສຳຫຼວດການ ນຳພາລວມຂອງຄະນະບໍລິ ຫານງານສູນກາງພັກ ສະໄໝ ທີ IX ໂດຍຕີລາຄາສູງຕໍ່ຄວາມ ພະຍາຍາມຢ່າງຕັ້ງໜ້າ ແລະ ຄວາມເປັນເຈົ້າການປະດິດ ສ້າງ ໃນການເສີມຂະຫຍາຍ ມູນເຊື້ອ ແລະ ບົດຮຽນຂອງ ພັກ.

ກອງປະຊຸມໃຫຍ່ ໄດ້ເລັ່ງ ທວງໃຫ້ຄະນະບໍລິຫານງານ ສູນກາງພັກ ສະໄໝທີ X ອອກ ແຮງເສີມຂະຫຍາຍຈຸດດີໃນ ດ້ານຕ່າງໆຢ່າງແຂງແຮງ, ພ້ອມທັງວາງມາດຕະການຈັດ ຕັ້ງແກ້ໄຂຈຸດບົກຜ່ອງ ແລະ ຄົງຄ້າງທີ່ຜ່ານມາຢ່າງຈິງຈັງ, ຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳ ໜ້າຂອງຄະນະນຳຂອງພັກໃຫ້ ເດັ່ນຂຶ້ນຕື່ມ. ກອງປະຊຸມຍັງ ໄດ້ຮັບຟັງການລາຍງານກ່ຽວ ກັບການດັດແປງກົດລະບຽບ ຂອງພັກ ແລະ ໄດ້ຮັບຮອງ ເອົາກົດລະບຽບສະບັບປັບປຸງ ສະໄໝທີ X ເພື່ອເປັນແນວ ທາງການຈັດຕັ້ງປະຕິບັດແນວ ທາງການເມືອງໃຫ້ເປັນຈິງ, ພ້ອມທັງໄດ້ຮຽກຮ້ອງມາຍັງ ຄະນະພັກທຸກຂັ້ນ, ສະມາຊິກ ພັກທຸກສະຫາຍ ຈົ່ງເຊີດຊູ ຄວາມເປັນແບບຢ່າງນຳໜ້າ ໃນທຸກດ້ານ ນຳພາມະຫາຊົນ ປະຕິບັດມະຕິກອງປະຊຸມໃຫຍ່ ຄັ້ງນີ້ ໃຫ້ປະກົດຜົນເປັນຈິງ, ຮຽກຮ້ອງມາຍັງພະນັກງານນັກ ຮົບ, ປະຊາຊົນລາວບັນດາເຜົ່າ ບັນດາຊັ້ນຄົນ ແລະ ພີ່ນ້ອງ ເຊື້ອຊາດລາວຜູ້ຮັກຊາດ ທີ່ດຳ ລົງຊີວິດ ແລະ ທຳມາຫາກິນຢູ່ ຕ່າງປະເທດ ຈົ່ງເສີມຂະຫຍາຍ ມານະຈິດບາກບັ່ນ, ບຸກບືນ ເຂົ້າໃສ່ການປະຕິບັດໜ້າທີ່, ທຳມາຫາກິນ ແລະ ສ້າງສາ ພັດທະນາ ເພື່ອສ້າງປະເທດ ລາວໃຫ້ມັ່ງຄັ່ງເຂັ້ມແຂງ, ປະ ຊາຊົນຮັ່ງມີຜາສຸກ, ສັງຄົມມີ ຄວາມສາມັກຄີປອງດອງ ປະ ຊາທິປະໄຕ, ຍຸຕິທຳ ແລະ ສີວິໄລ.

ຈາກນັ້ນ, ສະຫາຍເລຂາທິການໃຫຍ່ ບຸນຍັງ ວໍລະຈິດ ໄດ້ກ່າວຄຳສັນລະເສີນຜົນງານ ແລະ ຄຸນງາມຄວາມດີຂອງ ສະຫາຍ ຈູມມາລີ ໄຊຍະສອນ ເລຂາທິການໃຫຍ່ ຄະນະບໍລິ ຫານງານສູນກາງພັກ ສະໄໝ ທີ IX ທີ່ໄດ້ທຸ້ມເທ ອຸທິດເຫື່ອ ແຮງ ແລະ ສະຕິປັນຍາ ເຂົ້າ ໃນພາລະກິດແຫ່ງການຕໍ່ສູ້ປົດ ປ່ອຍປະເທດຊາດໃນເມື່ອ ກ່ອນ ແລະ ໄລຍະແຫ່ງການ ປົກປັກຮັກສາ ແລະ ສ້າງສາ ປະເທດຊາດ.

ໃນໂອກາດດຽວກັນນີ້, ສະຫາຍເລຂາທິການໃຫຍ່ ບຸນຍັງ ວໍລະຈິດ ຍັງໄດ້ກ່າວ ສັນລະເສີນຜົນງານ ແລະ ຄຸນງາມຄວາມດີ ຂອງບັນດາ ສະຫາຍ ກົມການເມືອງສູນກາງພັກ ສະໄໝທີ IX ຊຶ່ງປະກອບ ມີ ສະຫາຍ ທອງສິງ ທຳມະວົງ, ສະຫາຍ ອາຊາງ ລາວລີ ແລະ ສະຫາຍ ສົມສະຫວາດ ເລັ່ງ ສະຫວັດ ອີກດ້ວຍ.

ໃນວາລະສຸດທ້າຍຂອງ ກອງປະຊຸມ, ສະຫາຍເລຂາທິ ການໃຫຍ່ ບຸນຍັງ ວໍລະຈິດ ກ່າວສູນທອນພົດປິດກອງປະ ຊຸມຢ່າງເປັນທາງການ. ຕອນຄ່ຳ ຂອງວັນດຽວກັນ ຄະນະບໍລິ ຫານງານສູນກາງພັກ ໄດ້ຈັດ ງານລ້ຽງຊົມເຊີຍຜົນສຳເລັດ ຂອງກອງປະຊຸມໃຫຍ່ ຄັ້ງທີ X ທີ່ຫໍປະຊຸມແຫ່ງຊາດ ໂດຍ ການເຂົ້າຮ່ວມຂອງສະຫາຍເລ ຂາທິການໃຫຍ່ ບຸນຍັງ ວໍລະ ຈິດ ແລະ ບັນດາສະຫາຍການ ນຳອື່ນໆ.


LAST_UPDATED2