Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້997
mod_vvisit_counterຜູ້ເຂົ້າຊົມ ມື້ວານ1435
mod_vvisit_counterຜູ້ເຂົ້າຊົມ ອາທິດນີ້3429
mod_vvisit_counterຜູ້ເຂົ້າຊົມ ອາທິດ ຜ່ານມາ6025
mod_vvisit_counterຜູ້ເຂົ້າຊົມ ເດືອນນີ້15972
mod_vvisit_counterຜູ້ເຂົ້າຊົມ ເດືອນຜ່ານມາ19872
mod_vvisit_counterລວມທັງຫມົດ35844

Online (20 minutes ago): 28
Your IP: 54.81.79.128
,
Today: ຕ. ລ. 18, 2017
ຜົນກອງປະຊຸມລັດຖະບານສະໄໝສາມັນ ປະຈຳເດືອນ ພຶດສະພາ 2016 PDF ພິມ ອີເມລ
ຂຽນໂດຍ ສົມອຸລາ ຍະພິຈິດ   
ວັນພະຫັດທີ່ 02 ມິຖຸນາ 2016 ເວລາ 11: 46

alt

(ຫນັງສືພິມປະຊາຊົນ) ກອງປະຊຸມ ລັດຖະບານ ສະໄໝສາມັນ ປະຈຳເດືອນ ພຶດສະພາ 2016 ໄດ້ດຳເນີນມາເປັນເວລາ 2 ວັນເຕັມຄື ໃນວັນທີ 24 - 25 ພາຍໃຕ້ການເປັນປະທານ ຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາ ທ່ານຮອງນາຍົກລັດຖະມົນຕີ, ສະມາຊິກລັດຖະບານ, ແຂກຖືກເຊີນເຂົ້າຮ່ວມຢ່າງຄົບຖ້ວນ, ມາ ໃນຕອນແລງ, ວັນທີ 25 ພຶດສະພາ 2016 ນີ້ ທ່ານ ຈະເລີນ ເຢຍປາວເຮີ, ລັດຖະມົນຕີປະຈຳສຳນັກງານນາຍົກ, ໂຄສົກລັດຖະບານ ໄດ້ຖະແຫຼງວ່າ: ກອງປະຊຸມຄັ້ງນີ້ສຸດທີ່ມີຄວາມສຳຄັນ, ເພາະ ລັດຖະບານໄດ້ນຳເອົາບັນຫາ ສຳຄັນຕ່າງໆ 3 ກຸ່ມບັນຫາ ໃຫຍ່ມາພິຈາລະນາ ແລະ ຕົກ ລົງຮັບຮອງຄື: ບັນຫາຈັດເກັບ ລາຍຮັບງົບປະມານ ແລະ ສ້າງ ສະຖຽນລະພາບໝັ້ນທ່ຽງໃຫ້ ແກ່ເສດຖະກິດການເງິນ; ບັນຫາການຜະລິດກະສິກຳ - ປົກປັກຮັກສາປ່າໄມ້ແບບຍືນຍົງ ແລະ ບັນຫາແກ້ໄຂວຽກງານ ບາງກະຊວງທີ່ມີການຊ້ຳຊ້ອນ ກັນ ຊຶ່ງມີເນື້ອໃນລະອຽດດັ່ງນີ້:


alt

alt

1. ກອງປະຊຸມໄດ້ພິຈາ ລະນາ ແລະ ຮັບຮອງເອົາບົດ ລາຍງານສະພາບການຈັດຕັ້ງ ປະຕິບັດແຜນລາຍຮັບງົບປະ ມານ ແລະ ມາດຕະການຕ່າງໆ ໃນການຈັດເກັບລາຍຮັບຂອງ ເດືອນ 6,7,8 ແລະ 9 ແລະ 3 ເດືອນຂ້າມຜ່ານ (10,11 ແລະ 12) ປີ 2016; ບົດລາຍງານ ກ່ຽວກັບການແກ້ໄຂສະພາບ ຄ່ອງຂອງເສດຖະກິດມະຫາ ພາກແຕ່ນີ້ຮອດທ້າຍປີ 2016 ແລະ ແຜນການປັບປຸງເສດຖະ ກິດໄລຍະສັ້ນ ແລະ ປັບປຸງ ໂຄງສ້າງເສດຖະກິດໄລຍະ ກາງ. ຕໍ່ບັນຫາດັ່ງກ່າວ, ກອງ ປະຊຸມໄດ້ມີທິດຊີ້ນຳໃຫ້ພາກ ສ່ວນທີ່ກ່ຽວຂ້ອງນຳໄປປັບປຸງ ຕາມການປະກອບຄຳເຫັນ ຂອງສະມາຊິກລັດຖະບານ ເປັນຕົ້ນໃຫ້ເອົາໃຈໃສ່ໃນການ ຈັດເກັບລາຍຮັບ ເພື່ອຮັບປະ ກັນໃຫ້ສາມາດປະຕິບັດຕາມ ແຜນການທີ່ສະພາແຫ່ງຊາດ ໄດ້ຮັບຮອງ; ສືບຕໍ່ຄົ້ນຄວ້າບັນ ດາມາດຕະການຄຸ້ມຄອງການ ເບີກຈ່າຍ - ການໃຊ້ຈ່າຍກອງ ທຶນທາງໃຫ້ມີຄວາມເຂັ້ມງວດ ແລະ ຮັດກຸມຫຼາຍກວ່າເກົ່າ; ຄົ້ນຄວ້າ ແລະ ປັບປຸງບັນດາ ມາດຕະການກ່ຽວກັບການຍົກ ເວັ້ນພາສີ - ອາກອນ ໃນການ ນຳເຂົ້ານ້ຳມັນເຊື້ອໄຟຄືນໃໝ່. ພ້ອມດຽວກັນນັ້ນ, ກໍໃຫ້ເຂັ້ມ ງວດໃນການຄຸ້ມຄອງ, ການ ເກັບພາສີ - ອາກອນ ໃນການ ນຳເຂົ້າລົດປະເພດຕ່າງໆລວມ ທັງການແກ້ໄຂບັນຫາລົດຄ້າງ ສາງ ຊຶ່ງເຫັນວ່າຄວນມີມາດ ຕະການ ແລະ ວິທີການຢ່າງ ຈະແຈ້ງ ແລະ ເຂັ້ມງວດຕື່ມ. ບັນຫາສຳຄັນ ແລະ ຮີບດ່ວນທີ່ ສຸດແມ່ນໃຫ້ຂະແໜງການກ່ຽວ ຂ້ອງຄົ້ນຄວ້າ ແລະ ນຳໃຊ້ ເຄື່ອງມືທີ່ທັນສະໄໝ ເຂົ້າໃນ ລະບົບຈັດເກັບລາຍຮັບ ເພື່ອ ຮັບປະກັນຄວາມຮັດກຸມ ແລະ ໂປ່ງໃສ. ພ້ອມກັນນີ້ກໍໃຫ້ເອົາ ໃຈໃສ່ສຶກສາອົບຮົມພະນັກ ງານ, ເຈົ້າໜ້າທີ່ພາສີ​ - ອາ ກອນ ໃຫ້ຕັ້ງໜ້າປະຕິບັດສິດ ແລະ ໜ້າທີ່ຂອງຕົນດ້ວຍຄວາມຮັບ ຜິດຊອບສູງ, ບໍລິສຸດໂປ່ງໃສ, ເດັດດ່ຽວແກ້ໄຂປະກົດການ ຫຍໍ້ທໍ້ທີ່ບໍ່ໂປ່ງໃສໃນການຈັດ ເກັບລາຍຮັບງົບປະມານ. ລັດ ຖະບານຊົມເຊີຍນັກທຸລະກິດ ແລະ ຜູ້ປະກອບການທັງພາກ ລັດ ແລະ ເອກະຊົນ, ນັກລົງ ທຶນຕ່າງປະເທດທີ່ໄດ້ປະຕິບັດ ພັນທະເສຍພາສີ - ອາກອນ ຖືກຕ້ອງຕາມເວລາ. ຮຽກຮ້ອງ ໃຫ້ຜູ້ປະກອບການ, ນັກທຸລະ ກິດຈົ່ງຍົກສູງນ້ຳໃຈຮັກຊາດ, ຕັ້ງໜ້າປະຕິບັດສິດພັນທະ ເສຍພາສີ - ອາກອນຕາມລັດ ຖະທຳມະນູນ ແລະ ລະບຽບ ກົດໝາຍ.

2. ກອງປະຊຸມໄດ້ພິຈາ ລະນາ ແລະ ຮັບຮອງເອົາບົດ ລາຍງານກ່ຽວກັບແຜນການ ຈັດຕັ້ງປະຕິບັດການຜະລິດລະ ດູແລ້ງ ແລະ ແຜນການຜະລິດ ລະດູຝົນປະຈຳສົກປີ 2015 - 2016 ແລະ ບົດລາຍງານນະ ໂຍບາຍ ແລະ ມາດຕະການ ກ່ຽວກັບການຄຸ້ມຄອງປ່າໄມ້ ແບບຍືນຍົງ.
ບົດລາຍງານການຈັດຕັ້ງ ປະຕິບັດການຜະລິດລະດູແລ້ງ ແລະ ແຜນການຜະລິດລະດູ ຝົນສົກປີ 2015 - 2016 ແມ່ນ ໄດ້ສຸມໃສ່ການຈັດຕັ້ງປະຕິບັດ ແຜນງານຄ້ຳປະກັນສະບຽງອາ ຫານ ເປັນຕົ້ນສູ້ຊົນຜະລິດເຂົ້າ ນາແຊງ, ການປູກພືດເປັນສະ ບຽງອາຫານ, ເປັນສິນຄ້າ, ການລ້ຽງສັດ ແລະ ການປະມົງ ໃຫ້ໄດ້ຕາມຄາດໝາຍ ແລະ ແຜນງານທີ່ໄດ້ກຳນົດໄວ້; ພ້ອມກັນນັ້ນກໍໄດ້ວາງວຽກ ງານຈຸດສຸມ ແລະ ປິ່ນອ້ອມ ການຊຸກຍູ້ການຜະລິດເຊັ່ນ: ວຽກງານຄຸ້ມຄອງ ແລະ ພັດ ທະນາທີ່ດິນກະສິກຳ; ວຽກ ງານຊົນລະປະທານ; ວຽກແນວ ພັນ; ການສົ່ງເສີມການຜະລິດ ແລະ ປັບປຸງສູນບໍລິຫານເຕັກ ນິກກະສິກຳ; ວຽກສຸຂະນາໄມ ພືດ - ສັດ ແລະ ການເຝົ້າລະ ວັງພະຍາດລະບາດຂອງພືດ ແລະ ສັດ ເປັນຕົ້ນການແຜ່ລະ ບາດຂອງຕັກກະແຕນຢູ່ພາກ ເໜືອ ແລະ ພະຍາດປາກເປື່ອຍ ລົງເລັບ ຢູ່ພາກກາງ ແລະ ພາກໃຕ້; ໃຫ້ເອົາໃຈໃສ່ຄຸ້ມ ຄອງ ແລະ ປົກປ້ອງລາຄາສິນ ຄ້າສົ່ງອອກ, ຄຸ້ມຄອງລາຄາ ສິນຄ້າຕາມທ້ອງຕະຫຼາດ, ສົ່ງເສີມອຸດສາຫະກຳປຸງແຕ່ງ ໂດຍນຳໃຊ້ຜົນຜະລິດກະສິ ກຳ, ປູກພືດປອດສານພິດ.

ບົດລາຍງານກ່ຽວກັບນະ ໂຍບາຍ ແລະ ມາດຕະການ ຄຸ້ມຄອງປ່າໄມ້ແບບຍືນຍົງ ເພື່ອກຳນົດຂອບເຂດ ແລະ ປັກຫຼັກໝາຍ 3 ປະເພດປ່າໃຫ້ ຈະແຈ້ງ, ພ້ອມທັງວາງແຜນ ຈັດສັນ ແລະ ຄຸ້ມຄອງໄປຕາມ ຈຸດປະສົງ ແລະ ເປົ້າໝາຍຂອງ ແຕ່ລະປະເພດປ່າ; ສົ່ງເສີມ ການມີສ່ວນຮ່ວມຂອງປະຊາ ຊົນເຂົ້າໃນການຄຸ້ມຄອງທຸກ ປະເພດປ່າ ໂດຍມີການກຳນົດ ນະໂຍບາຍສະເພາະເພື່ອໃຫ້ ປະຊາຊົນໄດ້ຮັບຜົນປະໂຫຍດ ຈາກປ່າຢ່າງສົມເຫດສົມຜົນ, ສືບຕໍ່ປະ ຕິບັດນະໂຍບາຍຂອງ ລັດຖະບານ ກ່ຽວກັບການວາງ ແຜນການນຳໃຊ້ທີ່ດິນ ແລະ ມອບດິນ-ມອບປ່າ ໃຫ້ປະຊາຊົນ ຄຸ້ມຄອງ ແລະ ນຳໃຊ້ຫຼຸຸດຜ່ອນ ການນຳໃຊ້ໄມ້ທຳມະຊາດໂດຍ ຫັນໄປໃຊ້ໄມ້ປູກເທື່ອລະກ້າວໄປ  ຄຽງຄູ່ກັບການສົ່ງເສີມການປູກ  ໄມ້ເປັນສິນຄ້າ, ສົ່ງເສີມອຸດສາ  ຫະກຳປຸງແຕ່ງພາຍໃນ ເພື່ອ  ສ້າງມູນຄ່າເພີ່ມ, ສຳຄັນແມ່ນ  ສືບຕໍ່ຈັດຕັ້ງປະຕິບັດຍຸດທະ  ສາດປ່າໄມ້ ຮອດປີ 2020, ກົດໝາຍວ່າດ້ວຍປ່າໄມ້ ແລະ ບັນດານິຕິກຳລຸ່ມກົດໝາຍທີ່ ກ່ຽວຂ້ອງຢ່າງເຂັ້ມງວດ ພ້ອມ ດ່ຽວກັນນັ້ນ, ໃຫ້ກວດກາຄືນຈຳ ນວນໄມ້ທີ່ຍັງຕົກຄ້າງຢູ່ສະ ໜາມ 2 ວ່າເປັນ ໄມ້ທີ່ມີເຈົ້າ ຂອງ ຫຼື ບໍ່ມີເຈົ້າຂອງແລ້ວລາຍ ງານໃຫ້ລັດຖະບານຊາບ, ເດັດ ຂາດບໍ່ໃຫ້ມີການເຄື່ອນຍ້າຍ ແລະ ເກັບກູ້ໄມ້ຢູ່ສະໜາມ 1 ແລະ ກວດກາຄືນໂກຕ້າໄມ້ທີ່ ໄດ້ອະນຸມັດໄປແລ້ວ ແຕ່ຍັງບໍ່ ທັນໄດ້ຈັດຕັ້ງປະຕິບັດ, ໃຫ້ຂະ ແໜງການທີ່ກ່ຽວ ຂ້ອງ ຄົ້ນຄ້ວາ ແລະ ຄິດໄລ່ຢ່າງລະອຽດ, ຈະ ແຈ້ງຈຳນວນໄມ້ທີ່ຈະຕ້ອງໄດ້ ຕັດທີ່ຢູ່ໃນແຜນໂຄງການພັດ ທະນາຕ່າງໆຂອງຕົນ.

ກ່ຽວກັບການຄຸ້ມຄອງປ່າ  ໄມ້ກອງປະຊຸມໄດ້ຊີ້ນຳໃຫ້ເອົາ  ໃຈໃສ່ຈັດຕັ້ງປະຕິບັດຢ່າງເຂັ້ມ  ງວດ ຄຳສັ່ງ ສະບັບເລກທີ 15/ນຍ, ລົງວັນທີ 13/5/2016 ວ່າ  ດ້ວຍການເພີ່ມທະວີຄວາມ ເຂັ້ມງວດໃນການຄຸ້ມຄອງ ແລະ ກວດກາ ການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດ  ໄມ້ ໃນນັ້ນ ແມ່ນໃຫ້ກວດກາ  ຄືນບັນດາໂກ້ຕ້າໄມ້ທີ່ໄດ້ອະນຸ  ມັດ ໃນສົກປີ 2015-2016 ພ້ອມດຽວກັນນັ້ນ, ໃຫ້ແຕ່ງຕັ້ງ ຄະນະສະເພາະກິດ ເພື່ອຈັດຕັ້ງ  ປະຕິບັດຄຳສັ່ງດັ່ງກ່າວ ໂດຍ  ມອບໃຫ້ອົງການກວດກາລັດ  ຖະບານ ສົມທົບ ກັບກະຊວງ ປກສ, ກະຊວງ  ປກຊ, ກະຊວງ ແຜນການ ແລະ ການລົງທຶນ, ກະຊວງການເງິນ, ກະຊວງ ກະສິກຳ ແລະ ປ່າໄມ້ ກະຊວງ ອຸດສາຫະກຳ ແລະ ການຄ້າ ແລະ ກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ ເພື່ອລົງສົມທົບກັບບັນດາເຈົ້າ ແຂວງ ເພື່ອກວດກາຈັດຕັ້ງ ປະຕິບັດຕົວຈິງເພື່ອແກ້ໄຂ ບັນຫາຕ່າງໆໃຫ້ຂາດຕົວ.

3. ກອງປະຊຸມໄດ້ພິຈາ ລະນາ ແລະ ຮັບຮອງເອົາບົດ  ລາຍງານກ່ຽວກັບການປັບປຸງ  ສັບຊ້ອນບາງວຽກງານຂອງລັດ  ຖະບານ ທີ່ມີການຊ້ຳຊ້ອນກັນ ເປັນຕົ້ນວຽກງານການຄຸ້ມຄອງ ປ່າໄມ້; ວຽກງານການຄຸ້ມຄອງ ແຮ່ທາດ; ການຄຸ້ມຄອງທີ່ດິນ; ວຽກງານຄະນະກຳມະການ ຄຸ້ມຄອງແຫ່ງຊາດເພື່ອແກ້ໄຂ ບັນຫາລະເບີດບໍ່ທັນແຕກທີ່ ຕົກຄ້າງຢູ່ ສປປ ລາວ. ຕໍ່ບັນ ຫາດັ່ງກ່າວ, ກອງປະຊຸມໄດ້ມີ ທິດຊີ້ນຳວຽກງານການຄຸ້ມ ຄອງປ່າໄມ້ ໂອນທັງໝົດກ່ຽວ ກັບການຄຸ້ມຄອງທຸກປະເພດ ປ່າໄມ້ໃຫ້ກະຊວງກະສິກຳ ແລະ ປ່າໄມ້; ວຽກງານການ ຄຸ້ມຄອງແຮ່ທາດ ແມ່ນໂອນ ທັງໝົດວຽກງານຄຸ້ມຄອງຊັບ ພະຍາກອນແຮ່ທາດໃຫ້ກະ ຊວງພະລັງງານ ແລະ ບໍ່ແຮ່ ຮັບຜິດຊອບຄຸ້ມຄອງ; ການ ຄຸ້ມຄອງທີ່ດິນແມ່ນຮັກສາວຽກ ງານຄຸ້ມຄອງຊັບພະຍາກອນທີ່ ດິນ ລວມທັງວຽກອອກໃບຕາ ດິນໃນຂອບເຂດທົ່ວປະເທດ ແມ່ນຍັງຮັກສາໄວ້ນຳກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມຄືເກົ່າ; ສ່ວນການເກັບພາສີທີ່ດິນແມ່ນ ມອບໃຫ້ກະຊວງການເງິນເປັນ ຜູ້ຈັດຕັ້ງປະຕິບັດ; ສ່ວນວຽກ ງານຄະນະກຳມະການຄຸ້ມ ຄອງແຫ່ງຊາດ ເພື່ອແກ້ໄຂບັນ ຫາລະເບີດບໍ່ທັນແຕກທີ່ຕົກ ຄ້າງຢູ່ ສປປ ລາວ ແມ່ນໃຫ້ ໂອນໃຫ້ກະຊວງແຮງງານ ແລະ ສະຫວັດດີການສັງຄົມ. ສຳລັບວຽກງານ 3 ສ້າງແມ່ນ ມອບໃຫ້ກະຊວງພາຍໃນເປັນ ຜູ້ຮັບຜິດຊອບ.

- ໃນຕອນທ້າຍກອງປະຊຸມ, ທ່ານນາຍົກລັດຖະມົນຕີ ໄດ້ຊີ້ນຳໃຫ້ສະມາຊິກລັດຖະ ບານນຳເອົາເນື້ອໃນຈິດໃຈທີ່ ໄດ້ຕົກລົງເປັນເອກະພາບໃນ ກອງປະຊຸມຄັ້ງນີ້ ລວມທັງບັນ ດາວຽກງານທີ່ເປັນຈຸດສຸມ ໃນ ເດືອນມິຖຸນາ 2016 ໄປຈັດຕັ້ງ ຜັນຂະຫຍາຍ ແລະ ຈັດຕັ້ງປະ ຕິບັດດ້ວຍຄວາມຮັບຜິດຊອບ ສູງດັ່ງນີ້:

1. ໃຫ້ກະຊວງປ້ອງກັນ ປະເທດເອົາໃຈໃສ່ເພີ່ມທະວີ ວຽກງານປ້ອງກັນຊາດ ຮັບປະ ກັນສະຖຽນລະພາບທາງດ້ານ ການເມືອງໃຫ້ໜັກແໜ້ນ, ຮັບ ປະກັນຄວາມປອດໄພ ທົ່ວ ປວງຊົນ ແລະ ຮອບດ້ານ, ໃຫ້ ແກ່ການທ່ອງທ່ຽວ, ການທຳ ມາຫາກິນຂອງປະຊາຊົນບັນ ດາເຜົ່າກໍຄືກອງປະຊຸມສຸດ ຍອດອາຊຽນໃນປີ 2016.

2. ໃຫ້ກະຊວງປ້ອງກັນ ຄວາມສະຫງົບເພີ່ມທະວີ ຄວາມເອົາໃຈໃສ່ສົມທົບກັບ ທຸກພາກສ່ວນທີ່ກ່ຽວຂ້ອງ ແລະ ທ້ອງຖິ່ນຕ່າງໆແກ້ໄຂປະກົດ ການຫຍໍ້ທໍ້ຕ່າງໆໃນສັງຄົມ ໂດຍສະເພາະຢູ່ນະຄອນຫຼວງ ວຽງຈັນ ເປັນຕົ້ນບັນຫາຢາເສບ ຕິດ, ການປຸ້ນຈີ້ຊີງຊັບ, ການຂີ່ ລົດກໍ່ກວນເມືອງ, ອຸບັດເຫດ ທີ່ເກີດຂຶ້ນຕາມທ້ອງຖະໜົນ ແລະ ບັນຫາອື່ນໆ ແລ້ວລາຍ ງານໃຫ້ລັດຖະບານຮັບຊາບ ຢ່າງເປັນປະຈຳ;

3. ໃຫ້ກະຊວງໂຍທາທິ ການ ແລະ ຂົນສົ່ງສົມທົບກັບ ພາກສ່ວນກ່ຽວຂ້ອງເອົາໃຈໃສ່ ແກ້ໄຂບັນຫາຈະລາຈອນແອ ອັດໃນຕົວເມືອງ, ການຈອດ ລົດຊະຊາຍ ເພື່ອຮັບປະກັນໃຫ້ ແກ່ຜູ້ໃຊ້ລົດໃຊ້ຖະໜົນມີ ຄວາມປອດໄພ, ຫຼຸຸດຜ່ອນການ ເກີດອຸບັດເຫດ ແລະ ຫຼຸຸດ ຜ່ອນ ມົນລະພິດຂອງຕົວເມືອງ.

4. ໃຫ້ກະຊວງກະສິກຳ ແລະ ປ່າໄມ້ ສົມທົບກັບພາກ ສ່ວນກ່ຽວຂ້ອງກະກຽມຄວາມ ພ້ອມໃນການກ້າວເຂົ້າສູ່ການ ຜະລິດລະດູຝົນ, ລວມທັງການ ຕ້ານແລ້ງ - ຕ້ານຖ້ວມ, ການ ຕ້ານ ແລະ ກຳຈັດສັດຕູພືດ ແລະ ບັນຫາອື່ນໆໄວ້ແຕ່ຫົວທີ ແລະ ໃນເດືອນ 6 ຈະມີວັນສຳ ຄັນຕ່າງໆເປັນຕົ້ນ: ແມ່ນວັນ ເດັກນ້ອຍສາກົນ, ວັນປູກຕົ້ນ ໄມ້ແຫ່ງຊາດ, ວັນສິ່ງແວດ ລ້ອມໂລກ ຈຶ່ງມອບໃຫ້ກະ ຊວງກະສິກຳສົມທົບກັບພາກ ສ່ວນກ່ຽວຂ້ອງເພື່ອກະກຽມ ໃຫ້ທຸກພາກສ່ວນຈັດຕັ້ງການ ປູກຕົ້ນໄມ້ຢ່າງເປັນຂະບວນ ແລະ ໃຫ້ມີບັນຍາກາດຟົດຟື້ນ ທົ່ວປວງຊົນ ໂດຍເນັ້ນໃສ່ປູກ ຈິດສຳນຶກໃຫ້ເດັກນ້ອຍຮູ້ຈັກ ອະນຸລັກ ຮັກສາປ່າໄມ້,ແຫຼ່ງນ້ຳ ແລະ ຊີວະນາໆພັນ ແລ້ວລາຍ ງານໃຫ້ລັດຖະບານຮັບຊາບ.

5. ໃຫ້ກະຊວງສຶກສາທິ ການ ແລະ ກິລາ ເອົາໃຈໃສ່ຕໍ່ ການສອບເສັງຈົບຊັ້ນຂັ້ນຕ່າງໆ ໃຫ້ໄດ້ດີ ແລະ ມີປະສິດທິຜົນ ແລະ ສ້າງກິດຈະກຳຕ່າງໆໃຫ້ ແກ່ນັກຮຽນ-ນັກສຶກສາ, ໃນ ຍາມພັກແລ້ງນີ້ໃຫ້ມີການເຄື່ອນ ໄຫວຢ່າງຕໍ່ເນື່ອງ ເພື່ອເຮັດໃຫ້ ພວກລູກຫຼານຂອງພວກເຮົາ ຫ່າງໄກຈາກສິ່ງເສບຕິດ   ແລະ ສິ່ງຫຍໍ້ທໍ້ຕ່າງໆ.

6. ໃຫ້ກະຊວງການຕ່າງ ປະເທດສ້າງແຜນການເຄື່ອນ ໄຫວໃຫ້ແກ່ຜູ້ນຳພັກ-ລັດ ໃນ ການເດີນທາງໄປເຄື່ອນໄຫວ ວຽກງານການຕ່າງປະເທດ, ການເຂົ້າຮ່ວມກອງປະຊຸມສາ ກົນຕ່າງໆ, ການກະກຽມໃຫ້ ທ່ານນາຍົກລັດຖະມົນຕີເດີນ ທາງໄປຢ້ຽມຢາມປະເທດ ກຳ ປູເຈຍ ຢ່າງເປັນທາງການໃຫ້ ທ້າຍເດືອນ 6/2016, ເອົາໃຈ ໃສ່ກະກຽມການເປັນປະທານ ກອງປະຊຸມອາຊຽນ ແລະ ການ ກະກຽມຕ້ອນຮັບບັນດາປະ ເທດປະມຸກລັດ, ຫົວໜ້າຄະ ນະຜູ້ແທນຂັ້ນສູງຂອງບັນດາ ປະເທດເພື່ອນມິດ ທີ່ຈະເດີນ ທາງມາຮ່ວມກອງປະຊຸມສຸດ ຍອດອາຊຽນ.

7. ໃຫ້ກະຊວງອຸດສາຫະ ກຳ-ການຄ້າ ເອົາໃຈໃສ່ຄວບ ຄຸມລາຄາສິນຄ້າຕາມທ້ອງຕະ ຫຼາດ ເພື່ອບໍ່ໃຫ້ມີການສວຍ ໂອກາດຂຶ້ນລາຄາສິນຄ້າອຸປະ ໂພກ-ບໍລິໂພກທີ່ນຳເຂົ້າຈາກ ຕ່າງປະເທດຄວນມີສະຕິກ ເກີເພື່ອຫັນເຂົ້າສູ່ລະບຽບເຮັດ ໃຫ້ສາມາດຄຸ້ມຄອງ ແລະ ສ້າງ ລາຍຮັບເພີ່ມ.

8. ໃຫ້ກະຊວງພະລັງງານ ແລະ ບໍ່ແຮ່, ກະຊວງແຜນການ ແລະ ກະຊວງຊັບພະຍາກອນ ທຳມະຊາດເອົາໃຈໃສ່ຕິດຕາມ ບັນດາໂຄງການກໍ່ສ້າງບັນດາ ເຂື່ອນໄຟຟ້າ ແລະ ໂຄງການ ຂຸດຄົ້ນບໍ່ແຮ່ ທີ່ໄດ້ຮັບການອະ ນຸມັດແລ້ວ ແລະ ໂຄງການທີ່ ສະເໜີໃໝ່ ວ່າມີຄວາມຄືບໜ້າ ແນວໃດ ແລະ ລັດຖະບານ ຈະມີຜົນໄດ້ຜົນເສຍແນວໃດຕໍ່ ໂຄງການ ການສະເໜີມາໃໝ່ ແລ້ວໃຫ້ລາຍງານຄວາມຄືບໜ້າ ຕໍ່ລັດຖະບານຢ່າງເປັນປະຈຳ.

9. ໃຫ້ກະຊວງສາທາລະ ນະສຸກ ເອົາໃຈໃສ່ເຝົ້າລະວັງ ແລະ ສະກັດກັ້ນໂລກລະບາດ ເປັນຕົ້ນພະຍາດຖອກທ້ອງ, ພະຍາດໄຂ້ເລືອດອອກ, ໄຂ້ທໍ ລະພິດ ແລະ ເອົາໃຈໃສ່ກວດ ກາສານປົນເປື້ອນໃນອາຫານ.

10. ໃຫ້ກະຊວງຍຸຕິທຳ ເອົາໃຈໃສ່ສົມທົບກະຊວງ ຕ່າງໆກະກຽມໃຫ້ດີການສ້າງ ແລະ ປັບປຸງຮ່າງກົດໝາຍຈຳ ນວນໜຶ່ງ ເພື່ອນຳສະເໜີຜ່ານ ລັດຖະບານ ໃນເດືອນກໍລະກົດ ເພື່ອຈະໄດ້ນຳສະເໜີຜ່ານກອງ ປະຊຸມສະໄໝສາມັນຂອງ ສະພາແຫ່ງຊາດໃນເດືອນຕຸ ລາ 2016.
ສິ່ງທີ່ກ່າວມາຂ້າງເທິງ ນັ້ນ, ແມ່ນວຽກງານສຳຄັນທີ່ ກອງປະຊຸມລັດຖະບານປະຈຳ ເດືອນພຶດສະພາ 2016. ໃນ ໂອກາດນີ້, ຂໍຮຽກຮ້ອງໃຫ້ພະ ນັກງານ, ທະຫານ, ຕຳຫຼວດ, ກຳມະກອນ, ນັກຮຽນຮູ້ປັນຍາ ຊົນ ແລະ ປະຊາຊົນບັນດາເຜົ່າ ຈົ່ງເພີ່ມທະວີຄວາມສາມັກຄີ ເປັນປຶກແຜ່ນຢູ່ອ້ອມຂ້າງລັດ ຖະບານ, ພ້ອມກັບລັດຖະບານ ສູ້ຊົນປະຕິບັດໜ້າທີ່ປົກປັກຮັກ ສາ ແລະ ພັດທະນາປະເທດ ຊາດເວົ້າລວມ, ເວົ້າສະເພາະ ແມ່ນຕັ້ງໜ້າເຂົ້າຮ່ວມປະຕິບັດ ມະຕິກອງປະຊຸມລັດຖະບານ ຄັ້ງນີ້ ໃຫ້ປະກົດຜົນເປັນຈິງ. ລັດຖະບານ ເວລາໃດກໍ່ຖືເອົາ ຜົນປະໂຫຍດຂອງປະຊາຊົນ ເປັນກົກ, ເປັນຈຸດໝາຍ ເພື່ອ ຮັບໃຊ້. ສະນັ້ນ, ຖ້າມີອັນໃດທີ່ ຍັງບໍ່ທັນເຂົ້າໃຈ ຫຼື ສົນໃຈກໍ່ໃຫ້ ຈິງໃຈຕໍ່ລັດຖະບານ ເພື່ອພິຈາ ລະນາຕາມແຕ່ລະກໍລະນີ ຂໍໃຫ້ ມີສະຕິລະວັງຕົວຕໍ່ກົນອຸບາຍ ແບ່ງແຍກຂອງພວກຄົນບໍ່ດີ.

LAST_UPDATED2