Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້997
mod_vvisit_counterຜູ້ເຂົ້າຊົມ ມື້ວານ1435
mod_vvisit_counterຜູ້ເຂົ້າຊົມ ອາທິດນີ້3429
mod_vvisit_counterຜູ້ເຂົ້າຊົມ ອາທິດ ຜ່ານມາ6025
mod_vvisit_counterຜູ້ເຂົ້າຊົມ ເດືອນນີ້15972
mod_vvisit_counterຜູ້ເຂົ້າຊົມ ເດືອນຜ່ານມາ19872
mod_vvisit_counterລວມທັງຫມົດ35844

Online (20 minutes ago): 27
Your IP: 54.81.79.128
,
Today: ຕ. ລ. 18, 2017
ທົ່ວສັງຄົມຮ່ວມກັນພັດທະນາຕາມທິດສີຂຽວ ແລະ ຍືນຍົງ PDF ພິມ ອີເມລ
ຂຽນໂດຍ ສົມອຸລາ ຍະພິຈິດ   
ວັນຈັນທີ່ 06 ມິຖຸນາ 2016 ເວລາ 15: 41

alt

(ໜັງສືພິມ ວຽງຈັນໃໝ່) ເພື່ອ​ເປັນ​ການ​ສະເຫຼີມ​ສະຫຼອງ​ວັນ​ຊີວະ​ນາໆພັນ​ໂລກ ວັນ​ທີ 22 ພຶດສະພາ ວັນ​ປູກ​ຕົ້ນໄມ້ແຫ່ງ​ຊາດ ວັນ​ທີ 1 ມິຖຸນາ ວັນ​ສິ່ງແວດ​ລ້ອມ ວັນ​ທີ 5 ມິຖຸນາ ແລະ ວັນ​ຕ້ານ​ການ​ກາຍເປັນ​ທະເລຊາຍ ວັນ​ທີ 17 ມິຖຸນາ ໃນ​ວັນ​ທີ 5 ມິຖຸນາ 2016 ກະຊວງ​ຊັບ​ພະຍາ​ກອນ​ທຳ​ມະ​ຊາດ ແລະ ສິ່ງແວດ​ລ້ອມ (​ກຊສ) ໄດ້​ຈັດ​ຕັ້ງ​ພິທີສະຫຼອງ​ວັນ​ດັ່ງກ່າວ​ຂຶ້ນ​ທີ່​ກະຊວງຂອງ​ຕົນ ໂດຍ​ໃຫ້​ກຽດ​ເຂົ້າ​ຮ່ວມຂອງ​ທ່ານ ພົນ​ໂທ ຈັນ​ສະໝອນ ຈັນ​ຍາ​ລາດ ລັດຖະມົນຕີກະຊວງ​ປ້ອງ​ກັນ​ປະເທດ ທ່ານ ສົມມາດ ພົນ​ເສນາ ລັດຖະມົນຕີກະຊວງ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ມີ​ບັນດາ​ລັດຖະ​ມົນຕີ ຮອງ​ລັດຖະມົນຕີ ການນຳ​ນະຄອນຫຼວງ​ວຽງ​ຈັນ ຜູ້​ຕາງໜ້າ​ຈາກ​ອົງການ​ສາກົນ ແລະ ພະນັກງານ ທະຫານ ຕຳຫຼວດ ນັກຮຽນ ນັກ​ສຶກ​ສາ ຕະຫຼອດຮອດ​ພໍ່​ແມ່​ປະຊາຊົນ​ບ້ານ​ອ້ອມຂ້າງ​ເຂົ້າ​ຮ່ວມ.

alt

ໃນ​ພິທີທ່ານ​ນາງ ບຸນ​ຄຳ ວໍລະ​ຈິດ ຮອງ​ລັດຖະມົນຕີ​ກະຊວງ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ກ່າວ​ວ່າ: ເພື່ອ​ປຸກລະດົມ​ທົ່ວ​ສັງຄົມໃນ​ທົ່ວປະເທດ​ ເປັນ​ເຈົ້າ​ການ​ຮ່ວມ​ກັນໃນ​ການ​ສະເຫຼີມສະຫຼອງ​ວັນ​ດັ່ງກ່າວ ຂະ​ບວນ​ການ​ສ້າງ​ຈິດ​ສຳນຶກໃນ 33 ໂຮງຮຽນ​ຈຸດ​ສຸມ ໃນທົ່ວ​ນະຄອນຫຼວງ ແລະ ມະຫາວິທະຍາໄລ​ແຫ່ງ​ຊາດ ໃນ​ລະຫວ່າງ​ວັນ​ທີ 20 ພຶດສະພາ ຫາວັນ​ທີ 7 ມິຖຸນາ 2016 ການ​ລົງຊຸກຍູ້​ຂະ​ບວນ​ການ​ປູກ​ຕົ້ນໄມ້​ໃຫ້ເປັນ​ປ່າ ​ເພື່ອ​ອະນາຄົດ​ທີ່​ສົດໃສຢູ່​ບັນດາ​ແຂວງ​ພາກ​ໃຕ້ ແລະ ບັນດາ​ແຂວງ​ພາກ​ເໜືອຂອງ​ຄະນະ​ນຳ ​ກຊສ ແລະ ທີມ​ງານ​ວິຊາການ​ຈຳນວນ​ໜຶ່ງ​ບັນດາ​ພະ​ແນກຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ​ແຂວງ ລວມ​ທັງຫ້ອງການ​ຊັບພະຍາກອນ​ທຳ​ມະຊາດ ແລະ ສິ່ງແວດລ້ອມ​ເມືອງໃນ​ທົ່ວ​ປະເທດ ໂດຍ​ປະສານ​ສົມທົບ​ກັບ​ທຸກ​ພາກສ່ວນ​ທີ່​ກ່ຽວຂ້ອງ ໄດ້​ເປັນ​ເຈົ້າ​ການຈັດຕັ້ງ​ເຜີຍແຜ່ໂຄສະນາ ແລະ ສ້າງ​ຂະ​ບວນການ ເພື່ອ​ປຸກລະດົມ​ຂະ​ບວນການ​ໃຫ້​ຟົດຟື້ນ ທັງ​ຈັດ​ພິທີ​ປູກຕົ້ນໄມ້​ເພື່ອ​ຄຳນັບ​ຮັບ​ຕ້ອນ 4 ວັນດັ່ງກ່າວ ແລະ ສືບຕໍ່​ປຸກລະດົມຂະ​ບວນ​ການຈັດຕັ້ງ​ປະຕິບັດແຈ້ງ​ການ ເພື່ອ​ຈັດ​ຕັ້ງ​ຜັນ​ຂະຫຍາຍ​ຍຸດ​ທະ​ສາດ​ປ່າໄມ້ ຮອດ​ປີ 2020 ແລະ ແຜນການ 5 ປີຂອງ​ຂະແໜງ​ຊັບພະຍາກອນ​ທຳມະ​ຊາດ ແລະ ສິ່ງແວດລ້ອມ ປີ 2016-2020 ກ່ຽວ​ກັບ​ການ​ຟື້ນຟູ​ປ່າໄມ້​ດ້ວຍ​ທຳ​ມະ​ຊາດ​ໃຫ້​ໄດ້ 1,5 ລ້ານ​ເຮັກຕາ ແລະ ປູກ​ຕົ້ນໄມ້​ເສີມ​ໃນ​ກ້ອງ​ປ່າ ໃຫ້​ໄດ້ 35.000 ເຮັກຕາ ໃຫ້​ປາກົດ​ຜົນເປັນ​ຈິງ ສະເພາະ​ປີ 2016 ໄດ້ວາງ​ຄາດໝາຍ​ໃຫ້​ປູກ​ຕົ້ນໄມ້ຢູ່ໃນ 17 ແຂວງ ແລະ ນະຄອນຫຼວງ​ວຽງ​ຈັນ ໃຫ້​ໄດ້​ຈຳນວນ​ທັງໝົດ 6.335 ເຮັກຕາ ເຊິ່ງ​ກຳນົດໃຫ້​ນະຄອນຫຼວງປູກ​ໃຫ້​ໄດ້​ໃນເນື້ອ​ໃນ​ທີ່ 150 ເຮັກຕາ ແຂວງຜົ້ງ​ສາລີ 12 ເຮັກຕາ ຫຼວງ​ນ້ຳ​ທາ 50 ເຮັກຕາ ບໍ່​ແກ້ວ 132 ເຮັກຕາ ອຸດົມ​ໄຊ 84 ເຮັກຕາ ຫຼວງ​ພະບາງ 153 ເຮັກຕາ ຊຽງ​ຂວາງ 450 ເຮັກຕາ ໄຊ​ຍະ​ບູ​ລີ 529 ເຮັກຕາ ຫົວພັນ 10 ເຮັກຕາ ແຂວງ​ວຽງ​ຈັນ 3.951 ເຮັກຕາ ບໍ​ລິ​ຄຳ​ໄຊ 320 ເຮັກຕາ ຄຳ​ມ່ວນ 15 ເຮັກຕາ ສະຫວັນ​ນະ​ເຂດ 14 ເຮັກຕາ ຈຳປາ​ສັກ 480 ເຮັກຕາ ສາລະ​ວັນ 98 ເຮັກຕາ ເຊ​ກອງ 877 ເຮັກຕາ ອັດ​ຕະ​ປື 456 ເຮັກຕາ ແລະ ແຂວງ​ໄຊ​ສົມບູນ 3 ເຮັກຕາ.

ສຳລັບ​ການ​ປູກ​ຕົ້ນໄມ້​ຄັ້ງ​ນີ້ ມີ​ຕົ້ນໄມ້​ທັງ​ໝົດ 379 ຕົ້ນ ໃນ​ນັ້ນ ມີ​ໄມ້ແຄນ​ເຮືອ 5 ຕົ້ນ ໄມ້​ດູ່​ລາຍ 30 ຕົ້ນ ແລະ ຕົ້ນໄມ້​ປະດັບ (ດອກ​ຄູນ​ມາ​ເລ​ເຊຍ) 344 ຕົ້ນ ເຊິ່ງ​ໄດ້​ປູກ​ຕາມ​ເສັ້ນທາງ​ຕັດ​ໃໝ່ ແຕ່​ສາມ​ແຍກ​ໄຟ​ແດງ​ດົງ​ນາໂຊກ ຫາສາມ​ແຍກ​ໄຟ​ແດງໜອງ​ບຶກ ໃນ​ໄລຍະ 5,22 ແມັດ ທັງ​ນີ້ ເພື່ອ​ສ້າງ​ເປັນ​ຖະໜົນ​ສິ່ງແວດ​ລ້ອມ ແລະ ເພື່ອ​ເປັນ​ການສົ່ງເສີມ​ຄຸນະພາບ​ສິ່ງແວດລ້ອມຕົວ​ເມືອງ ຕາມ​ຄຳ​ຂວັນ ສີຂຽວ ສະອາດ ແລະ ງາມ​ຕາ ກໍ່​ຄືເປົ້າໝາຍ​ການ​ພັດທະນາ​ໄປ​ຕາມ​ທິດສີຂຽວ ແລະ ຍືນ​ຍົງ ທີ່​ກຳນົດ​ວິໄສ​ທັດ ຮອດ​ປີ 2030 ແລະ ຍຸດທະ​ສາດ ແລະ ຍຸດ​ທະ​ສາດ 10 ປີ (2015-2025) ແຜນ​ພັດທະນາເສດຖະກິດ-ສັງຄົມ 5 ປີ ຄັ້ງ​ທີ VIII ແລະ ເປົ້າ​ໝາຍ​ການ​ພັດ​ທະນາ​ທີ່​ຍືນ​ຍົງ ທັງ​ເປັນ​ການ​ລິ​ເລີ່ມໃນ​ການ​ເປີດ​ຂະ​ບວນ​ການ​ແຂ່ງຂັນ​ໃນ​ທົ່ວ​ປະເທດ ໃນ​ການ​ສ້າງຕົວ​ເມືອງຂຽວ​ສະອາດ ແລະ ງາມ​ຕາ.

LAST_UPDATED2