Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້427
mod_vvisit_counterຜູ້ເຂົ້າຊົມ ມື້ວານ609
mod_vvisit_counterຜູ້ເຂົ້າຊົມ ອາທິດນີ້2886
mod_vvisit_counterຜູ້ເຂົ້າຊົມ ອາທິດ ຜ່ານມາ4553
mod_vvisit_counterຜູ້ເຂົ້າຊົມ ເດືອນນີ້15834
mod_vvisit_counterຜູ້ເຂົ້າຊົມ ເດືອນຜ່ານມາ8383
mod_vvisit_counterລວມທັງຫມົດ595492

Online (20 minutes ago): 9
Your IP: 54.198.118.102
,
Today: ພ. ພ. 25, 2017
ຄະນະປ້ອງກັນ ແລະຄວບຄຸມໄພພິບັດແຫ່ງຊາດ ມອບເຄື່ອງບັນເທົາທຸກນ້ຳຖ້ວມ 2 ຮ້ອຍລ້ານກີບ ໃຫ້ແຂວງຫຼວງພະບາງ PDF ພິມ ອີເມລ
ຂຽນໂດຍ ສົມອຸລາ ຍະພິຈິດ   
ວັນພຸດທີ່ 24 ສິງຫາ 2016 ເວລາ 10: 41

alt

ໃນຕອນເຊົ້າ ຂອງວັນທີ 22 ສິງຫາ 2016 ຜ່ານມາ, ຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ນຳໂດຍ ທ່ານ ຄຳແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ (ຮສສ), ທ່ານ ບຸນມີ ພຸດທະວົງ ຮອງລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ພ້ອມດ້ວຍຄະນະ ໄດ້ເດີນທາງໄປມອບເຄື່ອງຊ່ວຍເຫຼືອ ເພື່ອບັນເທົ່າທຸກໄພນ້ຳຖ້ວມໃຫ້ແຂວງຫຼວງພະບາງ ລວມມູນຄ່າ 200 ລ້ານກີບ.


ໂອກາດດຽວກັນນີ້ ທ່ານ ບົວຄົງ ນາມມະວົງ ຮອງເຈົ້າແຂວງໆຫຼວງພະບາງ ກໍໄດ້ລາຍງານໃຫ້ຮູ້ວ່າ: ໃນລະຫວ່າງ ວັນທີ 8-20 ສິງຫາ2016 ຜ່ານມານີ້, ໄດ້ມີຝົນຕົກໜັກຢູ່ທຸກເມືອງ ພາຍໃນແຂວງຫຼວງພະບາງ ແລະເກີດມີນ້ຳຖ້ວມຊຸຢ່າງກະທັນຫັນເຮັດໃຫ້ບັນດາ 100 ບ້ານ ຖືກນ້ຳຖ້ວມ, 3.159 ຄອບ ຄົວໄດ້ຮັບຜົນກະທົບ, ເຮືອນຖືກນ້ຳຖ້ວມ 257 ຫຼັງຄາ, ເປ່ເພ 60 ກວ່າຫຼັງ, ຖືກນໍ້າຊຸໄຫຼໄປ 22 ຫຼັງ ເສັ້ນທາງຫຼວງແຫ່ງຊາດເລກທີ 13 ເໜືອ ຖືກເປ່ເພ 11 ຈຸດ, ເສັ້ນທາງຫຼວງທ້ອງຖິ່ນ 57 ເສັ້ນຖືກຕັດ ຂາດຂົວ 16 ແຫ່ງ, ໃນນັ້ນ ຂົວເບຕົງ 5 ແຫ່ງ ແລະຂົວອູ່ 8 ແຫ່ງ ຖືກພັດໄຫຼໜີ, ສ່ວນໂຮງຮຽນ 4 ຫຼັງ ແລະສຸກສາລາ 2 ຫຼັງ, ຊົນລະປະທານ 27 ແຫ່ງ, ຄອງເໝືອງ 41 ຈຸດ ຍາວ 733 ແມັດ ຖືກທຳ ລາຍຍ້ອນກະແສນ້ຳ,
ນອກນັ້ນ ຍັງມີເນື້ອທີ່ການຜະລິດເສຍຫາຍຫຼາຍສົມຄວນ ໂດຍສະເພາະແມ່ນ ນາ 187,44 ເຮັກຕາ, ໄຮ່ 9 ເຮັກຕາ, ສວນໄມ້ໃຫ້ໝາກ 89 ເຮັກຕາ ແລະອື່ນໆ ສ່ວນຜົນເສຍຫາຍຍັງຕ້ອງໄດ້ປະເມີນຕື່ມອີກ ເພື່ອລາຍງານລັດຖະບານ. ພາຍຫຼັງ ຮັບຟັງການລາຍງານສະພາບການ ແລະ ຜົນເສຍຫາຍແລ້ວ ທ່ານ ຄຳແພງ ໄຊສົມແພງ ໄດ້ຕາງໜ້າຄະນະ ກໍໄດ້ກ່າວສະແດງຄວາມເຫັນໃຈ ຕໍ່ໄພພິບັດທີ່ເກີດຂື້ນຄັ້ງນີ້ ຊຶ່ງກໍໃຫ້ເກີດຜົນເສຍຫາຍຕໍ່ຊັບສິນຂອງລັດ ແລະບຸກຄົນເປັນຈຳນວນບໍ່ໜ້ອຍ ແຕ່ຍ້ອນຄະນະພັກ ຄະນະນຳແຂວງ ມີໄຫວພິບໃນການນຳພາຮັບມືກັບໄພພິບັດດັ່ງກ່າວ ຈຶ່ງເຮັດໃຫ້ທຸກພາກສ່ວນໄດ້ຮ່ວມແຮງຮ່ວມໃຈກັນເປັນເຈົ້າ ແກ້ໄຂສະພາບການຢ່າງມີປະສິດທິຜົນ ແລະຈະໄດ້ຮີບຮ້ອນປັບປຸງຊີວິດການເປັນຢູ່ຂອງປະຊາຊົນໃຫ້ຄືນສູ່ປົກ ກະຕິ, ພ້ອມນັ້ນ ທ່ານ ຄຳແພງ ໄຊສົມແພງ ຕາງໜ້າໃຫ້ຄະນະກຳມະ ການ ກໍໄດ້ມອບເງິນສົດຈຳນວນ 100 ລ້ານກີບ ເພື່ອຊື້ເຄື່ອງອຸປະໂພກບໍລິໂພກ ແລະ ອີກ 100 ລ້ານກີບ ເປັນເງີນຄ່ານໍ້າມັນສຳລັບຂົນສົ່ງ, ພ້ອມທັງ ໄດ້ປະສານເອົາລົດບັນທຸກນ້ຳ, ລົດກອງນໍ້າສະອາດ ແລະ ຕຸກນ້ຳດື່ມຈຳນວນ 800 ຕຸກ ລວມທັງ ເຄື່ອງຄົວກິນ ແລະ ເຄື່ອງນຸ່ງຫົ່ມຈຳນວນໜຶ່ງ ມອບໃຫ້ແຂວງ ເພື່ອສືບຕໍ່ມອບໃຫ້ກັບຜູ້ທີ່ຖືກໄພພິບັດນີ້ອີກດ້ວຍ ແລະ ນອກຈາກນີ້ ທາງຄະນະຍັງໄດ້ລົງຕິດຕາມ ບັນດາແຂວງທີຖືກຜົນກະທົບຈາກໄພພິບັດເພື່ອໃຫ້ການຊ່ວຍຕືມອີກ.

LAST_UPDATED2