Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້158
mod_vvisit_counterຜູ້ເຂົ້າຊົມ ມື້ວານ603
mod_vvisit_counterຜູ້ເຂົ້າຊົມ ອາທິດນີ້4596
mod_vvisit_counterຜູ້ເຂົ້າຊົມ ອາທິດ ຜ່ານມາ5226
mod_vvisit_counterຜູ້ເຂົ້າຊົມ ເດືອນນີ້16034
mod_vvisit_counterຜູ້ເຂົ້າຊົມ ເດືອນຜ່ານມາ9298
mod_vvisit_counterລວມທັງຫມົດ680570

Online (20 minutes ago): 0
Your IP: 54.167.126.106
,
Today: ມ.ກ. 20, 2018
ກອງປະຊຸມວຽກງານທີ່ດິນທົ່ວປະເທດປະຈຳປີ 2017 PDF ພິມ ອີເມລ
ຂຽນໂດຍ ພະແນກ ຂ່າວສານ ແລະ ອິນເຕີເນັດ   
ວັນພະຫັດທີ່ 11 ມັງກອນ 2018 ເວລາ 16: 56

alt

ກອງປະຊຸມວຽກງານ​ ທີ່ດິນທົ່ວປະເທດໄດ້ຈັດຂື້ນໃນຕອນເຊົ້າຂອງວັນທີ 20 ຫາ 22 ທັນວາ 2017 ທີ່ຫ້ອງປະຊຸມ ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ໂດຍການເປັນປະທານຂອງ ທ່ານ ສົມມາດ ພົລເສນາ ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ໃນກອງປະຊຸມຄັ້ງນີ້ ມີບັນດາທ່ານ ລັດຖະມົນຕີ, ຮອງລັດຖະມົນຕີ, ຮອງເຈົ້າແຂວງ, ຫົວໜ້າກົມ, ຮອງກົມ, ບັນດາຫົວໜ້າພະແນກ, ຮອງພະແນກຈາກ 18 ແຂວງ ແລະ ນະຄອນຫຼວງ ພ້ອມດ້ວຍພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ທ່ານ ສົມມາດ ພົລເສນາ ລັດຖະມົນຕີ ກຊສ ໄດ້ຂຶ້ນກ່າວໄຂກອງປະຊຸມຢ່າງເປັນທາງການ, ຊຶ່ງທ່ານໄດ້ກ່າວວ່າ: ຈຸດປະສົງຂອງກອງປະຊຸມຄັ້ງນີ້ແມ່ນເພື່ອສະຫຼູບ ຖອດຖອນບົດຮຽນ ແລະ ວາງທິດທາງແຜນການຂອງວຽກງານທີ່ດິນທົ່ວປະເທດ ໂດຍອີງໃສ່ສະພາບການຄຸ້ມຄອງ - ບໍລິຫານທີ່ດິນຕົວຈິງທີ່ເປັນທ່າແຮງໃຫ້ແກ່ ການປະຕິບັດທິດທາງນະໂຍບາຍການພັດທະນາເສດຖະກິດ - ສັງຄົມ ຂອງຊາດ ເພື່ອແນໃສ່ລືບລ້າງຄວາມທຸກຍາກຂອງປະຊາຊົນ ແລະ ໃຫ້ສາມາດຫລຸດພົ້ນ ອອກຈາກການເປັນປະເທດດ້ອຍພັດທະນາ ໃນປີ 2020, ໂດຍສະເພາະແມ່ນສ້າງທ່າແຮງຫັນປະເທດໃຫ້ກາຍເປັນປະເທດອຸດສາຫະກຳ ແລະ ທັນສະໄໝ ທາງດ້ານ ໄຟຟ້ານໍ້າຕົກ ຜະລິດສະບຽງອາຫານ, ການທ່ອງທ່ຽວທຳມະຊາດ ແລະ ອື່ນໆ, ຍ້ອນວ່າວຽກງານທີ່ດິນ ມີການພົວພັນກັບການດຳລົງຊີວິດຂອງທຸກຊັ້ນຄົນ ແລະ ທັງພົວພັນກັບລະບົບນິເວດ ແລະ ຊີວະນາໆພັນຢ່າງສະໜິດແໜ້ນ. ຍ້ອນວ່າການຄຸ້ມຄອງ - ບໍລິຫານທີ່ດິນຍັງບໍ່ທັນໄດ້ໄປຕາມທິດທັນສະໄໝ ແລະ ຍັງບໍ່ລວມສູນ ມີລັກສະນະຟຸມເຟືອຍ, ມີການຈັບຈອງທີ່ດິນ - ປ່າສາທາລະນະຢ່າງຊະຊາຍ ການຕົກລົງແບ່ງປັນທີ່ດິນຂອງລັດໃຫ້ບຸກຄົນ ມີກຳມະສິດ ໃນທີ່ດິນບໍ່ຖືກຕ້ອງ ຕາມກົດໝາຍ ເກີດຂື້ນຢ່າງແຜ່ຫລາຍ, ລາຄາທີ່ດິນນັບມື້ນັບສູງຂື້ນ ໂດຍສະເພາະທີ່ດິນໃນເຂດຕົວເມືອງ, ຊານເມືອງ ແລະ ທີ່ດິນຢູ່ໃນຂອບເຂດ ມີການພັດທະນາ ພື້ນຖານໂຄງລ່າງໃໝ່, ການຕົກລົງແບ່ງປັນທີ່ດິນຂອງລັດໃຫ້ບຸກຄົນ ມີກຳມະສິດໃນທີ່ດິນບໍ່ຖືກຕ້ອງຕາມກົດໝາຍ ເກີດຂື້ນຢ່າງແຜ່ຫລາຍ, ໃນຂະນະດຽວກັນ ຍ້ອນຂາດການຄຸ້ມຄອງ - ບໍລິຫານທີ່ດີ ຈື່ງເຮັດໃຫ້ການເກັບລາຍຮັບຈາກທີ່ດິນຖືກຮົ່ວໄຫລຢ່າງໜັກໜ່ວງ, ທ່າແຮງບົ່ມຊ້ອນຂອງທີ່ດິນບໍ່ໄດ້ຮັບ ການເສີມຂະຫຍາຍ ເທົ່າທີ່ຄວນ, ການຮ້ອງຟ້ອງ ແລະ ການເກີດຄະດີຄວາມກ່ຽວກັບທີ່ດິນນັບມື້ຫລາຍຂື້ນ, ການຫັນທີ່ດິນເປັນທືນຍັງບໍ່ທັນມີນິຕິກຳລະອຽດ ເຮັດໃຫ້ລັັດ ແລະ ປະຊາຊົນບໍ່ໄດ້ຮັບຜົນປະໂຫຍດເທົ່າທີ່ຄວນ, ການເວນຄືນທີ່ດິນເພື່ອຮັບໃຊ້ໂຄງການພັດທະນາຕ່າງໆ ເປັນພາລະອັນໜັກໜ່ວງ, ທັງເປັນບັນຫາ ອັນຫລໍ່ແຫລມ ທີ່ສ້າງຜົນກະທົບຕໍ່ຄວາມເປັນລະບຽບຮຽບຮ້ອຍຂອງສັງຄົມ, ດັ່ງນັ້ນ, ຄະນະບໍລິຫານງານສູນກາງພັກ ຈື່ງໄດ້ອອກມະຕິວ່າດ້ວຍການເພີ່ມທະວີ ວຽກງານຄຸ້ມຄອງ ແລະ ພັດທະນາທີ່ດິນໃນໄລຍະໃໝ່ ສະບັບເລກທີ 026/ຄບສພ, ລົງວັນທີ 03 ສິງຫາ 2017, ເນື້ອໃນສຳຄັນຂອງມະຕິດັ່ງກ່າວ ໄດ້ກຳນົດການສ້າງແຜນແມ່ບົດ ຈັດສັນທີ່ດິນແຫ່ງຊາດ ໃຫ້ສຳເລັດໂດຍໄວ ກຳນົດແຜນຍຸດທະສາດ ແລະ ແຜນການນຳໃຊ້ທີ່ດິນແຕ່ລະປະເພດໃຫ້ສົມເຫດສົມຜົນ, ໂດຍຮັກສາເນື້ອທີ່ປ່າກວດ 70% ຮັບປະກັນ ແລະ ປົກປັກຮັກສາເນື້ອທີ່ດິນກະສິກຳ ໂດຍສະເພາະເນື້ອທີ່ດິນປູກເຂົ້າພຽງພໍ ເພື່ອຄໍ້າປະກັນຄວາມໝັ້ນຄົງທາງດ້ານ ສະບຽງອາຫານ ແລະ ການຜະລິດສິນຄ້າ.

ໃນຊຸມປີຜ່ານມາ ກົງຈັກການຈັດຕັ້ງ ເພື່ອຄຸ້ມຄອງ - ບໍລິຫານທີ່ດິນນັບແຕ່ສູນກາງ ຈົນຮອດທ້ອງຖີ່ນ​ໄດ້ມີການປັບປຸງເປັນແຕ່ລະໄລຍະໂດຍໄດ້ມີການກຳນົດຄື: ແຜນແມ່ບົດຈັດສັນທີ່ດິນແຫ່ງຊາດ, ແຜນຈັດສັນທີ່ດິນຂັ້ນແຂວງ/ນະຄອນ, ແຜນຈັດສັນທີ່ດິນຂັ້ນເມືອງ/ເທດສະບານ ແລະ ແຜນຈັດສັນທີ່ດິນຂັ້ນບ້ານ ເພື່ອສ້າງລະບົບການຈັດສັນທີ່ດີິນໃຫ້ປະກົດຜົນເປັນຈິງ

ການສ້າງແຜນຈັດສັນທີ່ດິນແຫ່ງຊາດ ສປປ ລາວ ແມ່ນໄດ້ດຳເນີນດ້ວຍຫລັກການແບບມີສ່ວນຮ່ວມ ແລະ ແບບປະສົມປະສານ ໂດຍໄດ້ປະສານສົມທົບ ເກັບກຳຂໍ້ມູນຈາກບັນດາຂະແໜງການຕ່າງໆທີ່ກ່ຽວຂ້ອງ ແລະ ອົງການປົກຄອງທ້ອງຖີ່ນ ນອກຈາກນີ້ຍັງໄດ້ປະສານສົມທົບ ແລະ ຖອດຖອນບົດຮຽນ ຈາກຕ່າງປະເທດ ເພື່ອກຳນົດເຂດ ແລະ ປະເພດທີ່ດິນຢ່າງເປັນລະບົບ ແນໃສ່ວາງແຜນຄຸ້ມຄອງ,ປົກປັກຮັກສາ, ພັດທະນາ ແລະ ນຳໃຊ້ທີ່ດິນຕາມຫລັກວິຊາການ ແລະ ລະບຽບກົດໝາຍ ເຮັດໃຫ້ທີ່ດິີນ ກໍ່ຄືຊັບພະຍາກອນທຳມະຊາດ ແລະ ສີ່ງແວດລ້ອມຕ່າງໆ ມີຄວາມຍືນຍົງ ພ້ອມກັນນັ້ນກໍໄດ້ກຳນົດໄປຕາມທິດທາງ ນະໂຍບາຍຂອງພັກ - ລັດ ໃນແຕ່ລະໄລຍະໂດຍໄດ້ອີງໃສ່ສະພາບພູມີປະເທດເປັນຕົ້ນຕໍ ທັງນີ້ກໍ່ເພື່ອສ້າງຄວາມດຸ່ນດ່ຽງທາງດ້ານທຳມະຊາດ, ປ້ອງກັນອຸທົກກະໄພ ຫລື ໄພພິບັດທາງທຳມະຊາດ, ຮັກສາຄວາມອຸດົມສົມບູນທາງດ້ານຊີວະນາໆພັນ, ລະບົບນິເວດ ແລະ ຮັກສາແຫລ່ງນໍ້າ ໃນຂອບເຂດທົ່ວປະເທດ, ດ້ານໜື່ງ ກໍ່ເພື່ອເປັນການຕອບສະໜອງນໍ້າ ໃຫ້ແກ່ການຜະລິດພະລັງງານໄຟຟ້າ, ສົ່ງເສີມການທ່ອງທ່ຽວທຳມະຊາດ, ການຜະລິດສະບຽງອາຫານ, ທັງເປັນການ ຫລຸດຜ່ອນການອາຍພິດເຮືອນແກ້ວ ແລະ ດູດຊັບທາດກາກບອນອີກດ້ວຍ.


ໃນວາລະກອງປະຊຸມ ທ່ານ ບຸນມີ ພຸດທະວົງ ຮອງລັດຖະມົນຕີ ກຊສ ກໍໄດ້ຂຶ້ນລາຍງານການຈັດຕັ້ງປະຕິບັດວຽກງານທີ່ດິນ ແລະ ທິດທາງແຜນການປີ 2018, ຊຶ່ງໃນນັ້ນທ່ານ ໄດ້ຍົກໃຫ້ເຫັນຄວາມສຳຄັັນຂອງວຽກງານການຄຸ້ມຄອງ ແລະ ພັດທະນາທີ່ດິນໃນໄລຍະໃໝ່ ຕ້ອງເລີ່ມຈາກການຈັດສັນທີ່ດິນເປັນແຕ່ລະປະເພດ ເພື່ອຄຸ້ມຄອງເຮັດໃຫ້ທີ່ດິນມີຄຸນນະພາບດີ, ບໍ່ໃຫ້ດິນເຊື່ອມໂຊມ ແລະ ຂາດນໍ້າ, ສ່ວນການນໍາໃຊ້ທີ່ດິນແຕ່ລະປະເພດນັ້ນແມ່ນຂະແໜງການທີ່ກ່ຽວຂ້ອງ ເປັນຜູ້ຈັດຕັ້ງປະຕິບັດການນໍາໃຊ້ທີ່ດິນຕ້ອງໃຫ້ຖືກກັບເປົ້າໝາຍທີ່ໄດ້ກຳນົດໄວ້ໃນແຕ່ລະປະເພດທີ່ດິນ ເພື່ອເຮັດໃຫ້ທີ່ດິນມີມູນຄ່າເພີ່ມຂື້ນ ແລະ ບໍ່ໃຫ້ມີຜົນ ສະທ້ອນທາງລົບຕໍ່ສີ່ງແວດລ້ອມ ແລະ ສັງຄົມ.



ຈາກນັ້ນ ທ່ານ ນາງ ບຸນຄຳ ວໍລະຈິດ ຮອງລັດຖະມົນຕີ ກຊສ , ຫົວໜ້າກອງເລຂາຄະນະສະເພາະກິດ ໄດ້ຂຶ້ນລາຍງານຜົນ ຂອງການດຳເນີນການກວດກາ, ສຶກສາ ແລະ ຄົ້ນຄ້ວາວິໄຈບັນຫາທີ່ດິນ ທີ່ຄະນະສະເພາະກິດໄດ້ຈັດຕັ້ງປະຕິບັດ ໃນໄລຍະຜ່ານມາ, ພ້ອມກັນນັ້ນ ກອງປະຊຸມຍັງໄດ້ຮັບຟັງການລາຍງານຜົນຂອງກອງປະຊຸມ ວຽກງານແກ້ໄຂ ຂໍ້ຂັດແຍ່ງກ່ຽວກັບ ທີ່ດິນ, ຮັບຟັງລາຍງານຄວາມຄືບໜ້າການປັບປຸງກົດໝາຍວ່າດ້ວຍທີ່ດິນ ແລະ ລາຍງານຄວາມຄືບໜ້າ ການປັບປຸງແແມ່ບົດ ຈັດສັນທີ່ດິນແຫ່ງຊາດຕາມລຳດັບຈາກແຕ່ລະກົມ, ກອງປະຊຸມວຽກງານທີ່ດິນທົ່ວປະເທດຄັ້ງນີ້ ໄດ້ດຳເນີນໄປເປັນເວລາ 3 ວັນ./.



alt

alt

alt

alt

alt

alt

alt

LAST_UPDATED2