Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້973
mod_vvisit_counterຜູ້ເຂົ້າຊົມ ມື້ວານ1435
mod_vvisit_counterຜູ້ເຂົ້າຊົມ ອາທິດນີ້3405
mod_vvisit_counterຜູ້ເຂົ້າຊົມ ອາທິດ ຜ່ານມາ6025
mod_vvisit_counterຜູ້ເຂົ້າຊົມ ເດືອນນີ້15948
mod_vvisit_counterຜູ້ເຂົ້າຊົມ ເດືອນຜ່ານມາ19872
mod_vvisit_counterລວມທັງຫມົດ35820

Online (20 minutes ago): 29
Your IP: 54.81.79.128
,
Today: ຕ. ລ. 18, 2017
ກອງປະຊຸມລະດັບສູງສຸດ ລັດພາຄີ ຄັ້ງທີ 1 ຂອງສົນທິສັນຍາ ມິນາມາຕະ PDF ພິມ ອີເມລ
ຂຽນໂດຍ ພະແນກ ຂ່າວສານ ແລະ ອິນເຕີເນັດ   
ວັນຈັນທີ່ 09 ຕຸລາ 2017 ເວລາ 14: 17

alt

ທ່ານ ສົມມາດ ພົລເສນາ ລັດຖະມົນຕີ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ທ່ານ ຄໍາອິນ ຄິດຈະເດດ, ເອກອັກຄະລັດຖະທູດແຫ່ງສປປ ລາວ ປະຈໍາເຊີແນວ ປະເທດສະວິດເຊີແລນ ໄດ້ເຂົ້າຮ່ວມກອງປະຊຸມລະດັບສູງສຸດ ລັດພາຄີ ຄັ້ງທີ 1 ຂອງສົນທິສັນຍາ ມິນາມາຕະ ວ່າດ້ວຍ ສານບາຫຼອດ ໃນລະຫວ່າງວັນທີ 28 – 29 ກັນຍາ 2017 ທີ່ ເມືອງເຊີແນວ ປະເທດ ສະວິດ ເຊີແລນ ໂດຍການໃຫ້ກຽດເປັນປະທານ ເປີດກອງປະຊຸມ ໂດຍທ່ານ ນາງ Doris Leuthard ປະທານາທິບໍດີ ຂອງປະເທດສະວິດເຊີແລນ ແລະ ການເຂົ້າຮ່ວມ ຂອງບັນດາຜູ້ຕາງໜ້າ ບັນດາປະເທດຕ່າງໆ (ຂັ້ນລັດຖະມົນຕີ) ທີ່ເຂົ້າເປັນພາຄີ ຈໍານວນ 83 ປະເທດ ແລະ ປະເທດເຂົ້າຮ່ວມສັງເກດການ ຈໍານວນ 128 ປະເທດ. ນອກຈາກນີ້, ​ຍັງມີບັນດາທ່ານຜູ້ຕາງໜ້າຈາກອົງການຈັດຕັ້ງສາກົນເຂົ້າຮ່ວມ ຈໍານວນຫລວງຫລາຍ. ຈຸດປະສົງຂອງກອງປະຊຸມຄັ້ງນີ້ ແມ່ນ

1) ເພື່ອເປັນການຊົມເຊີຍຜົນສໍາເລັດ ຂອງ ການຮັບຮອງສົນທິສັນຍາມີນາມາຕະ ວ່າດ້ວຍ ສານບາຫຼອດ ທີ່ໄດ້ມີການລິເລີ່ມປະເມີນ ຜົນກະທົບຂອງການນໍາໃຊ້ ສານບາຫລອດ ໂດຍທີມງານຂອງອົງການສະຫະປະຊາຊາດ ເພື່ອສິ່ງແວດລ້ອມ ແຕ່ປີ 2002 ຢ່າງຈິງຈັງພາຍຫລັງທີ່ມີ ບົດລາຍງານຜົນກະທົບຢ່າງຮ້າຍແຮງ ຕໍ່ສຸຂະພາບຂອງຄົນ ທີ່ເກີດຂຶ້ນໃນປີ 1956 ຢູ່ທີ່ເມືອງ ມີນາມະຕະ, ແຂວງ ກຸມາໂມໂຕ ຊຶ່ງສົນທີສັນຍາດັ່ງກ່າວ ໄດ້ຖືກຮັບຮອງຢ່າງເປັນທາງການ ໃນວັນທີ 10 ຕຸລາ 2013 ທີ່ປະເທດ ຍີ່ປຸ່ນ ຊຶ່ງມາຮອດປະຈຸບັນ ມີ 128 ປະເທດໄດ້ລົງນາມ ແລະ 83 ປະເທດ ໄດ້ໃຫ້ສັດຕະຍາບັນ. ສໍາລັບ ສປປ ລາວ ໄດ້ໃຫ້ສັດຕະຍາບັນ ໃນວັນທີ 21 ກັນຍາ 2017 ທີ່ນິວຢອກ ສະຫະລັດອາເມລິກາ (ເປັນປະເທດທີ 79); ແລະ

2) ເພື່ອຮຽກຮ້ອງໃຫ້ບັນດາປະເທດສາມະຊິກລັດພາຄີ ຈົ່ງຮີບຮ້ອນເຜີຍແຜ່ ສົນທິສັນຍາດັ່ງກ່າວ ໂດຍສະເພາະແມ່ນການລິ ເລີ່ມ ສ້າງແຜນດໍາເນີນງານແຫ່ງຊາດ ເພື່ອຫລຸດຜ່ອນການນໍາໃຊ້ສານບາຫລອດ ເປັນຕົ້ນແມ່ນໃນຂະແຫນງບໍ່ແຮ່ ກ່ຽວກັບການຂຸດຄົ້ນຄໍາ ລວມທັງການປ້ອງກັນ ແລະ ກໍາຈັດສານບາຫລອດທີ່ຖືກປ່ອຍອອກສູ່ທໍາມະຊາດ ເພື່ອໃຫ້ບັນລຸຄໍາຂັວນຂອງກອງປະຊຸມຄັ້ງປະຖົມ ມະລຶກຄັ້ງນີ້ ຄື: ເຮັດໃຫ້ສົນທິສັນຍານີ້ ກາຍເປັນປະຫວັດສາດ “Make Mercury History“.

ໃນໂອກາດ ນີ້ ທ່ານປະທານາທິບໍດີ ປະເທດສະວິດເຊີແລນ ໄດ້ປະການຈະໃຫ້ການສະຫນັບສະໜູນທາງດ້ານການເງິນ ຈໍານວນ 1.0 ລ້ານ ໂດລ້າສະຫະລັດ.

ຜົນໄດ້ຮັບຈາກການເຂົ້າຮ່ວມເປັນລັດພາຄີ ແມ່ນ ສປປ ລາວ ຈະໄດ້ຮັບການສະໜັບສະໜູນ ຈາກອົງການຈັດຕັ້ງສາກົນ ແລະ ບັນດາ ປະເທດອຸດສະຫະກໍາທີ່ທັນສະໄໝ ມີດັ່ງນີ້:

  1. ສ້າງ​ຍຸດ​ທະ​ສາດ, ແຜນດໍາເນີນງານ ແຫ່ງຊາດ ລວມທັງການສໍາຫລວດ (ກວດກາຄືນບັນດານິຕິກໍາທີ່ພົວພັນກັບການ ອະນຸຍາດນໍາເຂົ້າຜະລິດຕະພັນຕ່າງໆ ທີ່ນໍາໃຊ້ສານບາຫລອດ, ການຄຸ້ມຄອງສານບາຫລອດ ແລະ ການ​​​ຂື້ນ​ບັນ​ຊີການ​ນຳ​ໃຊ້​ສານ​ບາຫຼອດ ຂອງຂະແໜງການຕ່າງໆ ເປັນຕົ້ນຂະແໜງພະລັງງານ-ບໍ່ແຮ່, ຂະແໜງອຸດສາຫະກໍາ ແລະ ການປັບປຸງ ແລະ ສ້າງນິຕິກໍາ ເພື່ອເປັນບ່ອນອີງໃນການປະຕິບັດມາດຕະການ​ຫຼຸດຜ່ອນ ການ​ນຳ​ໃຊ້​ ສານ​ບາຫຼອດ ຮັບປະກັນການສົ່ງຜົນກະທົບ ໜ້ອຍທີ່ສຸດໃຫ້ແກ່ມະນຸດ ແລະ ສັດ;
  2. ສົ່ງ​ເສີມ​ການນໍາໃຊ້ຜະລິດ​ຕະພັນ​ ທີ່ບໍ່​ມີ​ສານ​ບາຫຼອດ, ການ​ນຳ​ໃຊ້​ເຕັກ​ໂນ​ໂລ​ຊີທີ່ເໝາະສົມ ແລະ ການດໍາເນີນການຕິດຕາມ ກວດກາ ແລະ ການກວດ​ສອບ ​ເພື່ອ​ຫຼຸດ​ຜ່ອນມົນ​ລະ​ພິດ​ຂອງ​ສານ​ບາຫຼອດ ຈາກ​ແຫຼ່ງກຳ​​ເນີ​ດ ແລະ ຈາກຂະບວນ​ການ​ຜະລິດ;
  3. ສະໜັບສະໜູນໃຫ້​ຫຼຸດຜ່ອນການ​ນຳ​ໃຊ້​ສານ​ບາຫຼອດ​ ເຂົ້າ​ໃນ​ການ​ຜະລິດ​ເປັນ​ຕົ້ນ ໝໍ້ໄຟ, ​ເຄື່ອງ​ສຳອາງ, ​ເຄື່ອງ​ວັດ​ແທກ​ອຸ​ນນະ​ພູມ, ຂັ້ນ​ຕອນ​ການ​ຜະລິດຄຼໍລິນ ​ແລະ ການ​ຂຸດ​ຄົ້ນ​ຄຳ​ຂະໜາດ​ນ້ອຍທີ່​ນຳ​ໃຊ້​ສານ​ບາຫຼອດ;
  4. ສ້າງຄວາມເຂັ້ມແຂງ ​ໃນ​ການ​ຄຸ້ມ​ຄອງ​ສິ່ງ​ເສດ​ເຫຼືອທີ່ມີສານບາຫຼອດເຈືອປົນ, ​ວິທີ​ການບໍາບັດ ​ແລະ ການ​ກຳຈັດ;
  5. ຈັດການ​ຝືກອົບຮົມ ​ແລະ ສຳ​ມະ​ນາ ​ໃນ​ຫົວ​ຂໍ້​ຕ່າງໆ ​ໃຫ້​ແກ່​ຂະ​ແໜງ​ການ​ໃນ​​ລະດັບຊາດ, ພາກ​ພື້ນ ​ແລະ ສາກົນ ເພື່ອສ້າງ ຄວາມ​ເຂົ້າ​ໃຈ ກ່ຽວ​ກັບ​ແຫຼ່ງປ່ອຍ​ສານ​ບາຫຼອດ ​ແລະ ການ​ຂົນ​ສົ່ງ​ ໃນ​ລະ​ດັບ ສາກົນ; ແລະ
  6. ໄດ້ຮັບການສະໜັບສະໜູນຈາກ ກອງທືນປົກປັກຮັກສາສິ່ງແວດລ້ອມໂລກ ເພື່ອພັດທະນາ ຄວາມເຂັ້ມແຂງ ໃນການຄຸ້ມຄອງ ສານບາຫຼອດ

ໃນໂອກາດນີ້, ທ່ານລັດຖະມົນຕີ ຍັງໄດ້ຢ້ຽມຢາມມະຫາວິທະຍາໄລເບີນ, ສູນຄົ້ນຄ້ວາເພື່ອການພັດທະນາ ທີ່ມີໂຄງການຮ່ວມມືກັບ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໂດຍຜ່ານໂຄງການ Lao Decide Info 3 ຊຶ່ງໄດ້ລົງເລິກການກວດກາຄືນ ປະສິດຕິຜົນຂອງການອະນຸມັດໃຫ້ເຊົ່າສໍາປະທານທີ່ດິນຂອງລັດ ໃນຂອບເຂດທົ່ວປະເທດ ໂດຍການໃຫ້ກຽດຕ້ອນຮັບ ຈາກທ່ານ ສຈ. ດຮ. ນາງ Silvia Schroer ຮອງອະທິການບໍດີ ມະຫາວິທະຍາໄລເບີນ. ນອກຈາກນີ້, ຍັງໄດ້ມີການພົບປະກັບຜູ້ຕາງໜ້າ ຈາກອົງການ ຊ່ວຍເຫລືອທາງການ ເພື່ອການພັດທະນາຂອງປະເທດສະວິດເຊີແລນ (SDC) ກ່ຽວກັບການຮ່ວມມື ຂອງທັງ 02 ລັດຖະບານ ເວົ້າລວມ ເວົ້າສະເພາະແມ່ນການສຶບຕໍ່ໃຫ້ການຊ່ວຍເຫລືອຂະແໜງຊັບພະຍາກອນທໍາມະຊາດ ແລະ ສິ່ງແວດລ້ອມ ໃນຕໍ່ໜ້າ.

ພິເສດ ເພື່ອເປັນການຕິດຕາມກວດກາການຈັດຕັ້ງປະຕິບັດບັນດາສົນທິສັນຍາສາກົນ (Basel, Rotterdam, Stockholm, Minamata, Climate Change, Ramsar, Ozone) ທີ່ສປປ ລາວ ເຂົ້າເປັນພາຄີ ແລະ ຈັດຕັ້ງປະຕິບັດໂດຍບັນດາກົມວິຊາການພາຍໃນ ກຊສ ກໍຄືເປັນການເພີ່ມທະວີຂອດການປະສານງານ ແລະ ການລະດົມທຶນ ເພື່ອສາມາດຈັດຕັ້ງຜັນຂະຫຍາຍບັນດາສົນທິສັນຍາສາກົນ ເຫລົ່ານັ້ນ ໃຫ້ເປັນແຜນງານ, ໂຄງການ ແລະ ກິດຈະກໍາ ທີ່ເປັນຮູບປະທໍາ ລວມທັງກອບການຮ່ວມມືກັບບັນດາອົງການຈັດຕັ້ງສາກົນ ເປັນຕົ້ນ ອົງການ SDC, FAO ແລະ ອົງການຈັດຕັ້ງອື່ນໆ ທີ່ມີສໍານັກງານຢູ່ເຊີແນວ ປະເທດສະວິດເຊີແລນ ທ່ານລັດຖະມົນຕີ ໄດ້ເຊັນບົດບັນທຶກການຮ່ວມມືກັບ ທ່ານເອກອັກຄະລັດຖະທູດແຫ່ງ ສປປ ລາວ ປະຈໍາຫ້ອງການ ສປຊສ ແລະ ອົງການຈັດຕັ້ງສາກົນ ຕ່າງໆ ທີ່ເຊີແນວ, ປະເທດສະວິດເຊີແລນ ໃນວັນທີ 01 ຕຸລາ 2017 ທີ່ຜ່ານມາ ໂດຍມອບໃຫ້ກົມແຜນການ ແລະ ການຮ່ວມມື ເປັນຈຸດປະສານງານ ກັບສະຖານທູດລາວ ປະຈໍາເຊີແນວ, ປະເທດສະວິດເຊີແລນ ເພື່ອຕິດຕາມກວດກາການຈັດຕັ້ງຜັນຂະຫຍາຍ ບົດບັນທຶກການຮ່ວມມືດັ່ງກ່າວ ແລະ ລາຍງານຄະນະນໍາ ກຊສ ເປັນແຕ່ລະໄລຍະ.

alt

LAST_UPDATED2